艺人#谭凯琪#（Zoie）于#TVB#新剧《#踩过界#》中饰演形体艺术家，她于今晚播出的一集中将出演一幕全裸戏份，画面吸晴！身为形体艺术家的她更险些被非礼，她作出反击却反被告伤人罪，由受害人变被告人，剧情相当紧张。Zoie为此接受东网访问，她笑言今次是从影以来意识上最大胆的一次演出，相当“踩界”。她透露当时仅身穿超贴身肉色打底衫上阵：“呢个故事系真人真事改编，我好信任导演同监制，觉得影出嚟好靓同放心。我拍摄时唔系裸体，我着咗紧身肉色衫，同埋佢好多后期制作。（事前有咩准备？）不嬲有Keep身材，拍摄时系冬天，唔使埋位都即刻着番羽绒同埋饮热水。”
问到Zoie会否担心被男友观赏到其“全裸”的戏份？她说：“做嘢上好多都系自己决定，如果太多顾虑就会影响工作。”

《不懂撒嬌》Annie姐行老銅 上位譚凱琪晒「反光腿」
2017-06-01

入行17年、35歲的譚凱琪（Zoie）近年在大台劇性感上位。在剛播完嘅話題劇《不懂撒嬌的女人》入面，飾演單親媽「Annie姐」嘅佢裸背與張達倫有牀戲。日前下午，的骰Zoie戴黑超現身銅鑼灣睇電腦，烈日下過馬路，好白嘅Zoie雙腿反晒光，加上人氣升，搞到佢不時用手遮遮掩掩，怕被人認出呢！採訪 : 李權威

譚凱琪同陳敏之一樣，2000年以小室哲哉徒弟出身，13年由有線轉投無線。直至去年，她在劇集《EU超時任務》中色誘戴耀明，搞到對方有反應而被高登巴打封為「動L女神」。近日，她一轉戲路，在熱播劇《不懂撒嬌的女人》飾演單親媽女強人Annie姐，戲內同張達倫有段曖昧戀情，日前播出嗰集，兩人有牀戲，Zoie又裸背，幾咁養眼。

  日前下午，有傳男友莊日宇(Enrico)已求婚成功、待嫁的Zoie獨自現身銅鑼灣。見她戴墨鏡拎黑色clutch bag和一紙袋行去Apple Store。等過馬路時，好白淨的她似怕「見光死」，以手遮半面，不過超白反光腿就現晒形。然後她入店向店員查詢，見她手口並用，露出白淨「鳳爪」骨手。未幾她就去睇Mac機，然後再上樓睇其他嘢，前後逗留約半小時，無幫襯就離開。

男友求婚成功 譚凱琪為事業唔嫁住

出道17年的譚凱琪4年前簽約無綫，近兩年終於受力捧上位，更事業愛情兩得意。據《e+娛樂》報道譚凱琪男友已求婚成功，兩人現時處於同居狀態，不過譚凱琪暫時想把握上位機會，已同男友有共識兩年後才結婚。

譚凱琪（Zoie）在娛樂圈浮沉多年，簽約無綫後事業逐漸現曙光，與金融才俊男友莊日宇（Enrico）感情亦十分穩定。《e+娛樂》報道指，男方前年以千四萬購入畢架山帝景峰帝景軒豪宅與Zoie同居，又曾將自己旗下的餐廳股份轉到女友名下，非常疼錫女友。報道更指原來Enrico早前已求婚成功，Zoie隨時可以做少奶奶，不過她就向男友表示想押後婚期，為事業搏殺。
知情人士說：「Zoie一路都想喺幕前做出成績，難得呢兩年公司畀咁多機會佢，佢想好好把握呢個機會。所以就算男友求咗婚，佢都同Enrico講唔想咁快結婚，最快都兩年後先結。」而Enrico亦相當理解同尊重女友，決定兩年後才簽紙結婚。周刊曾就求婚一事向Zoie查詢，她回覆說：「有好消息會同大家講，依家我都係希望專注工作，感情事唔想講咁多，總之我依家生活好開心。」