嬲到想爆粗，下昼5点几两个头来安排任务话今晚就要，又唔睇睇要搞几多嘢，材料又唔比全，问先至发过来。明明唔系我应该做既嘢，已经唔想提旧年因为哩d受到既明里暗里的算计。讲真，如果我真系甘有事业心早就去公司拼搏了。目前只想努力做一个小透明，只想搞好自己既专业方向，and…赚钱[微笑]祈祷今次比赛可以拿几个奖啦，暑假写篇论文同搞个课题就差唔多了。下半年我有无机会拍个拖[苦涩][苦涩][苦涩]

2022.3.25 探店-Cherryboom

Plan好左攻略想去潮州玩，又疫情，冇得去。回南天，天气又潮湿，真系辛苦。突然霖到想食刨冰，然后就霖到哩间Cherryboom，之前想黎试下，但系当时门口太多人排队了，去左隔离布袋澳茶餐厅。我哋点噶好似系牛奶冰，有只系奶茶嘎。好食系好食，就系有啲麻烦，个碗太细，啲料又收埋系刨冰入面。

发现珊珊生日个时有领到探鱼生日券-66蚊有啲爽[馋嘴]，果断去食一波，今次唔点啲什么冬阴功了，老老实实青椒，辣得黎佢又好鬼死好食喔，太抵死了[汗]

2022.2.26 探店-Pins coffee

听讲桥头村入面新开左间店，去到坐低先发现原来就系唐馆。之前已经系万象郡已经试过哩间所谓噶PINS，出品认真麻麻，又贵。

但系，确实哩度环境装修得几好，都有姐姐仔同啲妹妹仔系度坐。应该系赶开铺，有啲地方未执实好。甘都OK啦，落完单坐下等咯。点知，我发现系我啲后面落单噶椰子拿铁居然上左，我哋冰美式都仲未上，然后我系甘意质问左下个服务员，佢同我讲排紧单，人地噶比较简单做左先，我当场懵晒，居然有比美式仲要简单噶。好啦食噶都出晒了，食又食完了，一杯野都未上，成大半个钟，然后我又质问左个应该系老细，佢就望左我一看，都冇同我对下单，就叫我再等下啦，然后又继续整佢噶手冲serve佢啲friend。哇，啲野又咸，食到鬼死甘口渴，又赶时间接妮姐，终于忍唔住过去前台直接退单，个服务员个死人尴尬样，直头系单都揾唔到，嬲到我，当场串鸠佢同个老细，啊，个老细真系韧，当住我面话我态度串得制。

顶，我问你个时你唔同我check下单？叫我等，仲话我串你，唔用下个死人脑霖下点解人地串你？甘噶垃圾服务态度，抵你开间执间。。。