མཐོང་ཐོས་གཏམ་གྱིས་འབྲེལ་བའི་སྐྱེ་བོ་ཀུན།། 

ཆོས་སྐུའི་རྒྱལ་ས་ཆེན་པོར་དབུགས་དབྱུང་བའི།།

གསང་ཆེན་ཐེག་པའི་མཛོད་འཛིན་གཡུ་ཁོག་པ།།

གདོད་མའི་མགོན་པོའི་རྒྱལ་ཚབ་དེ་ལ་འདུད།།

གསེར་ཤོད་འོག་མིན་གཉིས་པའི་དགའ་ཚལ་ནས།།

འདམ་གྱིས་མ་གོས་མེ་ཏོག་དཀར་པོ་ཞིག།

དོན་བརྒྱུད་བྱིན་རླབས་དྲོད་ཀྱིས་བསྐྱངས་བ་ལས།།

ཇི་ལྟར་སྨིན་པའི་ལོ་རྒྱུས་ཁྱེད་ལ་ཞུ།།

མཁན་ཆེན་འཆི་མེད་རིག་འཛིན་གྱིས།

#微博[超话]# ༄༅།།ཆོས་དང་སྲིད་ཀྱི་ཡོན་ཏན་མཐའ་དག་གི །
སྙིང་པོ་མཐར་ཐུག་བསམ་པ་བཟང་པོ་ཡིན། །
འདི་མེད་ཡོན་ཏན་གཞན་ལ་རེ་ཐག་ཆད། །
འདི་ཉིད་ཁོ་ན་ཐུགས་ཀྱི་རྒྱན་དུ་ཆོངས། །

བོད་ཀྱི་དཔེ་རྙིང་བླ་མ་སྟེ། མཛའ་བཤེས་གྲོགས་པོ་མཁན་འཇམ་བློས་བསྐུར་བའི་བཅོམ་ལྡན་རིགས་པའི་རལ་གྲིའི་གསུང་འབུམ་འབྱོར་སོང་། ཁོང་གིས་ལྷག་བསམ་ཟོལ་མེད་ཀྱིས་དུས་དང་རྣམ་པ་ཀུན་ཏུ་གུས་པའི་སློབ་གཉེར་ལ་དཔེ་ཆའི་མཐུན་རྐྱེན་གནང་བ་གྲངས་མེད་པ་ཡིན། དེ་ལ་ཐུགས་རྗེ་ཆེ་ཞུས་ཡོད། དེ་གཅིག་ཡིན། གཞན་ཤོས་ནི། རིགས་རལ་ཞབས་ཀྱི་གསུང་རྩོམ་འདིར་མ་ཐེབས་པའི་ཆོས་ཚན་འགའ་ཞིག་ཡོད། དེ་ནི༼རྟོག་གེའི་ཆོས་འབྱུང༽དང༼རྡོར་གདན་རྒྱན་གྱི་མེ་ཏོག༽སོགས་ཡིན། དེ་ནས་གསུང་རྩོམ་ལས་ངེས་པར་འདོར་དགོས་པ་ཞིག་ནི། ཁམས་སྤྲུལ་བསོད་ནམས་དོན་གྲུབ་ཟེར་བ་ཞིག་གིས་རང་གིས་བསྒྲིགས་པའི༼གསང་རྙིང་སྒྲུབ་པ་རྒྱན་གྱི་མེ་ཏོག༽ཅེས་པ་དེ་རིགས་རལ་གྱི་གསུང་རྩོམ་ནང་བཞག་ཡོད། དེ་ནི་ཤིན་ཏུ་མི་འོས་པ་ཞིག་ཡིན། མ་གཞི་ནས་བཅོམ་ལྡན་རིགས་རལ་ལ་དེ་འདྲའི་གསུང་ཞིག་ཡོད་པ་ཐེ་ཚོམ་ཟ་མོད། ནམ་ཞིག༼གསང་སྙིང་སྒྲུབ་པ་རྒྱན་གྱི་མེ་ཏོག༽གི་མ་ཕྱི་དངོས་ལག་པར་མ་རེག་བར་ཁས་ལེན་ཁག་པོ་ཡིན། དེའི་ཚུལ་གུས་པའི་བརྗེད་ཐོ༼གསང་སྙིང་སྒྲུབ་པ་རྒྱན་གྱི་མེ་ཏོག་གི་བརྗེད་ཐོ༽ནའང་ཞུས་ཡོད་པས་དེར་ཞིབ་ཏུ་གཟིགས་རོགས་ཞུ། མདོར་ན། མཁན་འཇམ་བློ་ལགས་ཀྱིས་འདི་ནི་ཚོད་ལྟའི་དཔེ་ཚོགས་ཙམ་ཡིན་ལ། ཞིབ་ཅིང་གསལ་པ་དང་། དག་པ། དཔང་དུ་འཁྱེར་བའི་རུང་བའི་གསུང་འབུམ་རྗེས་སུ་སྤར་དུ་བསྐྲུན་འཆར་ཡིན་གསུངས་སོང་། སྐབས་དེ་དུས་སུ་གོང་དུ་དྲངས་པའི་བླང་དོར་གྱི་རིགས་དེ་དག་ལ་ངེས་པར་གཟབ་རྒྱུ་གལ་ཆེ་ལགས། བསམ་དོན་འགྲུབ་པར་གྱིར་ཅིག — བན་ཤུལ་དཔལ་མཁར་རྒྱལ་གྱིས་ཡུལ་དབུས་ལྷ་སར། 十三世纪的嘎当派大师·觉丹热贝如赤文集