ན་མོ་བཛྲ་ཝཱ་ར་ཧི། རྣམ་ཀུན་མཆོག་ལྡན་སྟོང་པའི་དབྱིངས་ནི་རྒྱལ་ཀུན་ཡེ་ཤེས་ཕྱག་རྒྱའི་གཟུགས། །ལྷན་སྐྱེས་བདེ་ཆེན་དགའ་བའི་རོས་གང་ཟག་པ་མེད་པའི་ལང་ཚོ་ཅན། །རྗེས་ཆགས་སྒྱུ་མའི་གར་གྱི་ཞགས་པས་ཆགས་བྲལ་ཞི་བའི་ཡིད་ཀྱང་འཆིང་། །སྐུ་གསུམ་དཀྱིལ་འཁོར་མ་ལུས་བསྐྱེད་མཛད་བདེ་ཆེན་གར་གྱི་དབང་མོར་འདུད། །ཀུན་ཁྱབ་ཆོས་དབྱིངས་ཞི་བའི་མཁའ་ལ་ལྷན་སྐྱེས་སྟོང་གཟུགས་འགྲིབ་པ་མེད། །ཕྱི་གསལ་སྣང་ཆའི་སྤྲོས་པ་ཉེར་ཞི་མཁྱེན་ཆ་སྣང་གསལ་ཆ་ཀུན་རྫོགས། །དབྱིངས་དང་ཡེ་ཤེས་འདུ་འབྲལ་མེད་གང་སྟོང་ཆེན་རྡོ་རྗེ་བཙུན་མོའི་གཟུགས། །མི་ཕྱེད་འགྱུར་མེད་བུམ་སྐུའི་སྲོག་ཏུ་ཡོངས་གྲུབ་ཆོས་སྐུའི་ཡུམ་ཆེན་བསྔགས། །ཁ་སྦྱོར་ཡེ་ཤེས་སྒྱུ་མའི་མཚན་དཔེ་བདེ་མཆོག་དཀྱིལ་འཁོར་ཞི་དང་ཁྲོ། །དགྱེས་མཛད་ཕྱག་རྒྱའི་སྒྱུ་ཐབས་ལ་གནས་དཀྱིལ་འཁོར་ཀུན་གྱི་སྤྲོ་བསྡུའི་བདག །ངེས་པ་ལྔ་ལྡན་སྐུ་དང་ཡེ་ཤེས་ཡོངས་སུ་རྫོགས་པའི་རྣམ་བཅས་གཟུགས། །ལོངས་སྤྱོད་མ་འདྲེས་ཡུམ་ལྔའི་གཙོ་མོ་རྡོ་རྗེ་དབྱིངས་ཕྱུག་མ་ལ་འདུད། །གང་ལ་གང་འདུལ་རྗེས་ཆགས་རོལ་པ་མཐའ་ཀླས་དབང་གི་འཕྲིན་ལས་ཀྱིས། །སྣ་ཚོགས་ཁམས་ཅན་འགྲོ་བའི་ཀུན་རྟོག་ཟག་པ་མེད་པའི་བདེ་མཆོག་ལ། །ཡོངས་སུ་སྦྱོར་བའི་ཤེས་རབ་ཕྱག་རྒྱ་འདས་དང་མ་འདས་སྣ་ཚོགས་གཟུགས། །ཅིར་ཡང་བསྒྱུར་མཛད་སྤྲུལ་སྐུའི་མཁའ་འགྲོ་བདེ་ཆེན་མཚོ་རྒྱལ་ཡུམ་ལ་འདུད། །གསུང་གི་རྡོ་རྗེ་འོད་དཔག་མེད་དངོས་བདེ་གཤེགས་རིག་འཛིན་པདྨའི་ཞལ། །ཟག་བྲལ་མཆོག་དགའི་མཆོད་པས་དགྱེས་བསྐྱེད་རྣམ་བཞིའི་ལས་ཀྱི་ཕོ་ཉ་མོ། །བདེ་གཏེར་གསང་བའི་དཀྱིལ་འཁོར་རབ་རྫོགས་འབྲེལ་ཚད་མཆོག་བདེའི་གོ་འཕང་ལ། །མངའ་དབང་འབྱོར་མཛད་སངས་རྒྱས་པདྨའི་ལྕམ་གྱུར་ཁྱོད་ལ་ལན་བརྒྱར་འདུད། །

ཕ་མའི་དྲིན་གཟོའི་སྨོན་ལམ། 报父母恩祈愿文

འདི་ལྟར་བགྱིས་པའི་རྣམ་དཀར་དགེ་བའི་མཐུས།།

བདག་ལ་དྲིན་གྱིས་བསྐྱངས་པའི་ཕ་མ་དང་།།

སེམས་བསྐྱེད་ཞུས་པའི་བླ་མ་སློབ་དཔོན་དང་།།

དམ་ཚིག་གཅིག་པའི་རྡོ་རྗེ་སྤུན་རྣམས་དང་།།

རྒྱུ་ཟས་འབྲེལ་བ་ཡོད་པའི་མི་རྣམས་དང་།།

བཞོན་ཁལ་སྲོག་གཅོད་འོ་ཞོ་འཐུང་བ་དང་།།

ཤ་ཁྲག་ཟོས་པའི་དུད་འགྲོ་མ་ལུས་པ།།

མྱུར་དུ་སངས་རྒྱས་གོ་འཕང་ཐོབ་པར་ཤོག།

ཅེས་པ་འདི་ནི་༧པཎ་ཆེན་སྐུ་ཕྲེང་དྲུག་པ་རྗེ་བཙུན་བློ་བཟང་དཔལ་ལྡན་ཡེ་ཤེས་དཔལ་བཟང་པོའི་གསུང་ངོ།།

由此所修极白善威力，

对我以恩养育诸父母，

求生觉心上师阿闍黎，

三昧耶同诸金刚兄弟，

财物事物有关人们和，

乘驮杀生喝奶酸奶及，

饮血食肉所有旁生众，

祈愿疾速获得佛陀位！

六世班禅·至尊罗桑班丹耶协 

སེམས་ཀྱི་ཁམས།

ཡེ་ནས་འབྲལ་མེད་ཆོས་ཉིད་ཨ་མའི་བཞིན། །
ཡང་ཡང་མཇལ་འདོད་ངལ་བ་བརྒྱ་ཕྲག་གིས། །
རྟོག་དཔྱོད་རླུང་གི་ཅང་ཤེས་མི་བཞོན་པར། །
དད་འདུན་མིག་ཟུང་ཕྱེ་ནས་ལྟ་བ་གལ། །

རྣམ་རྟོག་གྱ་གྱུ་སྤྲིན་གྱི་བང་རིམ་ཏེ། །
སེམས་ཀྱི་ངོ་བོ་དྭངས་གསལ་ནམ་མཁའི་ཁམས། །
ཚོགས་གཉིས་དྲི་བཞོན་ཡང་ཡང་གཡོ་བའི་རྗེས། །
ལྷུན་གྲུབ་གཤིས་ཀྱི་རང་ཞལ་མངོན་སུམ་མཐོང་། །

འཁོར་འདས་གཞི་གྱུར་ཀུན་གཞིའི་མེ་ལོང་ངོར། །
འཁྲུལ་སྣང་རྡུལ་གྱིས་ཡུན་ནས་བསྒྲིབས་ན་ཡང་། །
ཐབས་མཁས་མན་ངག་གྲུ་ཆར་ལ་བསྟེན་ནས། །
སྐྱོན་མེད་སེམས་ཉིད་ངོ་བོ་ལྷག་གེར་གསལ། །

མ་དཔྱད་ཡིད་གར་འོང་བའི་འཁོར་བའི་ཆོས། །
བྱིས་བློར་དགའ་བའི་ཚུལ་གྱིས་དེར་འཇུག་ཀྱང་། །
དཔྱད་ཅིང་དཔྱད་ན་གཞི་མེད་སྟོང་བ་ཉིད། །
དུས་གསུམ་རྒྱལ་བའི་ཕ་ཁྱིམ་རང་ལ་དབང་། ། https://t.cn/ELkCGDg