今日又行去北角,風好大,强勁嘅東風将多日霧霾吹散,今日可以清晰睇到對面嘅啟德郵輪碼頭,但個天仍然多雲,唔知係咪風大,少咗啲人釣魚,喺近岸海面,有幾條奄奄一息嘅石斑魚隨水漂流, 有一條幾大嘅鰻魚反咗肚,嗰啲魚唔知係咪琴日啲善男信女放生嘅魚?我都話啦放生嘅魚其實係刹生,唔死都畀人撈起做餐桌上美食。啲善男信女醒下啦。[失望][鼓掌] https://t.cn/Ry8ZWuE

煲冬瓜 bou1 dung1 gwaa1

冬瓜，係葫蘆科植物，果大汁多，通常用嚟煲湯。佢清熱解毒、利尿消腫。適合夏天做清淡湯水。冬瓜肉煲熟之後軟身可口。冬瓜可以生食、炒或者煲湯。

煲冬瓜，係香港喺回歸之後突然流行嘅一種特色食品，賣相普通、口感普通、韻味普通，而識得欣賞嘅人一般就係嗰啲普通人。

無論喺大街小巷、茶樓食肆，人人都會突然學起整煲冬瓜。即使香港人唔太多鍾意煲冬瓜，但係喺得閑嗰陣，又總係唔理三七廿一咁將啲冬瓜煲到滾瓜爛熟。

。冬瓜盅 dung1 gwaa1 zung1
廣東名菜［冬瓜盅］，係將冬瓜中間挖空之後，放啲配料入冬瓜身燉熬成嘅一味餸。

。冬瓜粒湯 dung1 gwaa1 nap1 tong1
係將冬瓜去皮，將肉切成粒，放埋瘦豬肉、雞蛋、鹹蛋、薑、鹽一齊煲成嘅湯。

煲冬瓜呢個名嘅出現，到目前為此都重未有一個確定嘅講法，但係一般學者都相信同香港嘅回歸有關。

流傳［煲冬瓜］嘅步驟：
１．揀冬瓜［］
２．刨冬瓜［］
３．煮冬瓜［］
４．食冬瓜［］

一般［煲冬瓜］嘅意義：
１．夠好意頭：「學識煲冬瓜，北上搲銀唔會差」
２．辟邪擋災：「整過煲冬瓜，撞車永遠唔會瓜」
３．提神壯膽：「食咗煲冬瓜，跌落地拿返咋沙」
４．文化提升：「試過煲冬瓜，做返文盲唔文明」

實際［煲冬瓜］嘅意義
１．〔重未知〕
２．〔唔知〕
３．〔無〕

文：自由攝影機。2014年4月

［無厘頭家政科。廣東話資料館］

【On.cc】預測生日零驚喜！莊思明呻楊明冇諗求婚

藝人莊思明於本月15日生日，她於將軍澳電視城出席「二月星辰」活動時，表示生日當日剛巧是年三十晚，問到如何慶祝？她說：「屋企人喺馬來西亞，同我同一日生日嘅孖生家姐莊思華嗰日就返去，因為我開緊劇，年三十晚得我同莊思敏食餐飯，年初一同佢一齊返，我初四就返香港。」她又表示生日願望是希望家人身體健康，而她自己就可以參與不同種類的劇集和角色，又指首次拍古裝劇《丫鬟大聯盟》，今年開頭已不錯。

唔敢諗情人節驚喜

問到身在菲律賓拍攝新劇《兄弟》的男友楊明，會否趕及回港與她慶祝？思明說：「趕得切，佢喺13號返嚟香港。（佢準備咗同你慶祝？）一定冇啦！佢13號先至返嚟，邊趕得切？14號情人節出面嘅餐廳一定爆晒，以佢性格一定唔會訂定枱，佢開工都冇時間諗呢啲嘢。我年年生日都好唔抵，因為一份禮物解決咗兩個節日。（想收乜嘢禮物？）冇特別諗，費事佢冇時間買而令我失望。我唔期望啲乜嘢，佢返到嚟有時間同我食餐飯已經好好。」

呻楊明冇準備求婚

至於會否想生日收到驚喜？思明說：「我覺得冇。（想快啲結婚？）冇諗到幾時，但大家諗住努力啲做多啲自己想做嘅嘢，儲到錢就可以結婚。（差幾多？）我比較遙遠啲，佢就可能近啲，佢多嘢做啲。」講到楊明會否在她生日當天向她求婚？思明說：「唔會。我太了解佢！因為佢平時製造驚喜會有啲露餡，但依家完全係零。（求婚先至唔會露餡？）我身邊人都應該收到風，佢唔知我戴戒指幾多號size，佢完全冇問，所以我知佢唔會。」