星岛网：朱玲玲甜喂老公食雪糕 雨中绕实罗康瑞浅水湾漫步

现年63岁，有“香港最美港姐”之称的朱玲玲，与74岁的商人丈夫罗康瑞结婚14年，咪以为长者唔识咩叫浪漫，日前两人去浅水湾拍拖，当日天阴阴，仲落住毛毛雨，但靓嫲嫲同老公无视雨粉，两个人拎一把遮行沙滩，又互帮对方影靓相，甚至喂老公食雪糕，如热恋情侣甜到爆炸，边个话做阔太一定要行名店，同老公雨中漫步不知几幸福。採访：娱乐组

朱玲玲1997年与出身名门的霍震霆分居，2004年离婚。2007年被爆与罗氏家族商人罗康瑞拍拖，曾有传罗康瑞苦恋她8年，二人翌年低调拉埋天窗。可能因为双方都曾经历一段失败婚姻，再遇到第二春都显得份外珍惜，婚后二人不时恩爱现身各大慈善场合。而私下的罗生罗太同样恩爱，疫情下冇得外游，喺浅水湾拍拖一样咁开心。

行到攰撑枱脚

日前下午约3时，朱玲玲与罗康瑞现身浅水湾商场的宠物用品店，前者拎起不少宠物零食上手查看，但兜咗几个圈都冇收穫。唔知係咪见外面天气差，二人在商场内行多一阵，因为商场唔大可以睇嘅嘢唔多，朱玲玲连喺餐厅门口睇餐牌都叫老公睇埋一份。行到冇嘢好行，两人索性去雪糕店坐低休息慢慢倾，老公做跑腿买雪糕同饮品，朱玲玲都好识做喂返老公食雪糕，就算坐正门口都依然你一啖我一啖，好似学生哥拍拖咁超Sweet，留意返，虽然两人结婚多年，但仍有讲唔完的话题。

体贴举动抵讚

咁难得二人世界拍吓拖，点可以匿埋喺商场，朱玲玲同罗康瑞共用一把遮，绕住手行出商场，雨中漫步前往观音庙。十足观光客咁互相影相留念，罗康瑞仲惊老婆被雨淋亲，一直揸实把遮，又深怕朱玲玲因地面湿滑跌倒拖到实，呢个老公真係100分呀！回程再到宠物用品店问及宠物生肉粮的资料，不过同样冇买嘢。

【On.cc】用「驅狗器」趕唐狗被鬧爆　劉小慧跪低道歉網民唔收貨

組合草蜢成員蘇志威嘅太太劉小慧，近年轉型做KOL，仲吸咗唔少粉絲，賺到豬籠入水！過住富貴生活嘅佢，除咗住逾億嘅飛鵝山豪宅之外，仲出名愛養毛孩，喺屋企養咗貴婦犬Scooby、藏獒Coolman、異國短毛貓波波、異國短毛貓豹豹等寵物，又安排咗2位工人姐姐照顧啲毛孩，睇落充滿愛心！
不過日前佢同老公帶貴婦犬Scooby外出散步，佢開Live同網友分享幫忙放狗嘅好物件時，就透露自己會用「超聲波驅狗器」驅逐喺街上嘅唐狗，唔畀佢哋愛犬Scooby同佢哋有接觸，佢話：「因為Scooby太唔冷靜，萬一我哋有時行山會有好多唐狗，當有唐狗嘅時候，你一㩒呢個制，佢哋就即刻雞飛狗走，但發出嚟嘅頻率就唔會傷到佢哋，佢哋唔鍾意呢種音頻就會四散。我試過唐狗係特別特別有用，但例如一啲名種狗係免疫。」佢即場示範用「超聲波驅狗器」，見到啲唔同品種嘅狗仔都係同樣有反應即刻側晒頭囉！而佢自稱會帶埋皮鞭同愛犬散步，但係皮鞭嘅作用並唔係用嚟打佢，只是用來打地下「嚇」佢，等佢可以冷靜啲啫！除此之外，佢仲會帶埋「執屎神器」喺身：「狗仔去完Poopoo，你用膠袋執，感覺核突，用呢個神器就變咗唔使用手去執有溫度嘅Poopoo。」

事後大批網民狠批劉小慧根本唔識養狗，紛紛留言「如真心當狗狗喺自己兒子，唔會連執屎都驚臭！」、「我都好需要呢個神器，要嚟驅趕你呢啲主人。」仲有網疫批佢冇愛心：「狗係咪名種就唔識分啦，人有冇愛心同情心就好易聽得出！」面對一大班網友負評，劉小慧都有即刻道歉「撲火」：「我很抱歉昨晚的直播引起很大回響。因為我的貓曾經被狗咬死，所以對於過分熱情的狗狗比較恐懼。所以一般帶小寵物岀街時，我都會帶備驅狗器，我不是因為甚麼狗種或流浪與否而去用，只會在生命受到威脅時才會用。我承認可能過往因為我的貓被狗咬死，所以才會比較恐懼。引起大家不安，實在抱歉。」但係好多網民都唔收貨，仲話佢根係歧視唐狗，簡直係誤導大眾添！

劉小慧用「超聲波驅狗器」。

仲會用「執屎神器」！

劉小慧同貴婦犬Scooby。

劉小慧跪低道歉。

經典音樂劇場《二人餐 Table for Two》

三角關係Trinity Theatre—梁釗峰 × 吳海昕 × 強尼

「你仲有冇耐唔時諗起嗰碗叉燒瀨粉呀？」
「我...而家已經識煮飯喇。」

你有冇聽過一個傳說：

有一個人好鍾意食公仔麵，每日都食，食好多。後來，佢死咗。醫生劏開佢個肚，發覺入邊全部都係一條條好長嘅橡筋...原來公仔麵食落肚，係唔會消化，會一世留喺個肚入面，就好似你曾經愛上一個人咁...

呢個，係一個關於食嘅愛情故事。

編劇及導演：馬志豪
特邀演出：梁釗峰、吳海昕、強尼