སྐུ་འབུམ་དུ་ལོ་གཉིས་དང་ཟླ་བརྒྱད་རིང་བསྡད་པའི་ཕྱི་གླིང་བ་ཞིག
ཨ་ལེ་ཁུ་ཟན་སྒྲི་ར་སྡེ་བལ་སྡུ་ནིལ (Alexandra David-Néel (༡༨༦༨-༡༩༦༩) ནི་ཧྥ་རན་སིའི་རྒྱལ་ས་ཕ་རེ་སི་དང་ཐག་ཉེ་བའི་གྲོང་སྡེ་ཞིག་ཏུ་སྐྱེས། མོའི་མི་ཚེ་ཧྲིལ་བོ་བོད་ཀྱི་རིག་གནས་ཞིབ་འཇུག་ལ་བསྟིམས་ཞེས་སྨྲས་ན་མི་ཆོག་པ་མེད་ལ། བོད་རིག་པ་ལ་ཞིབ་འཇུག་གི་བརྩམས་ཆོས་མང་དུ་བྲིས་པས་མཚན་སྙན་གྱི་གྲགས་པ་ཡོ་རབ་གླིང་དུ་རྒྱས། མོ་རང་བོད་ཀྱི་རིག་གནས་ལ་དུང་དྲགས་པས་རང་ལ་“ཡེ་ཤེས་སྒྲོན་མེ་”ཞེས་པའི་བོད་མིང་ཞིག་བཏགས་ཤིང་མདོ་དབུས་ཁམས་གསུམ་གྱི་ཡུལ་གྲུ་མང་པོར་རིག་གནས་ཞིབ་འཇུག་དང་འགྲུལ་བཞུད་དུ་བསྐྱོད་མྱོང་།
ཕྱི་ལོ༡༩༡༨ལོའི་ཟླ་བདུན་པ་ནས་ཕྱི་ལོ༡༩༢༡ལོའི་ཟླ་གཉིས་པའི་བར་སྟེ། ཁྱོན་ལོ་གཉིས་དང་ཟླ་བརྒྱད་ཀྱི་རིང་ལ་མོ་དང་བུ་སྐལ་ཡོན་ཏན་གཉིས་སྐུ་འབུམ་བྱམས་པ་གླིང་དུ་བསྡད་དེ། རྒྱུན་པར་གསེར་སྡོང་མཆོད་རྟེན་དང་དགོན་པར་སྐོར་བ་དང་། བོད་བརྒྱུད་ནང་བསྟན་གྱི་གཞུང་ལ་ཞིབ་འཇུག་གནང་། མོའི་ཟིན་བྲིས་སུ་སྐུ་འབུམ་དུ་ཨ་ཀྱཱ་རིན་པོ་ཆེ་དང་མཇལ་བའི་སྐོར་དང་། སྐབས་དེར་སྐུ་འབུམ་དགོན་པ་རུ་གྲྭ་བཙུན་སུམ་སྟོང་བརྒྱད་བརྒྱ་ལྷག་བཞུགས་པ་དང་། རྒྱུན་པར་གྲྭ་བཙུན་དག་གིས་ཆོས་རྩོད་གནང་བ་དང་མཚམས་རེར་འཆམ་རྩེ་བ་སོགས་དང་། སྐུ་འབུམ་ཙནྡན་སྡོང་བོ་ནི་དངོས་གནས་ཉམས་དགའ་བོ་ཡོད་ཅེས་བཀོད།
སྐུ་འབུམ་དུ་སྡོད་པའི་རིང་། མོས་༼ཧྥ་ལན་ཞིའི་འཕྲིན་ཡིག་ཚགས་དེབ༽དང་༼ཧྥ་ལན་ཞིའི་དགོང་མོའི་ཚགས་དེབ༽བཅས་སུ་རྩོམ་ཡིག་མང་དུ་བསྐུར། སྐུ་འབུམ་ཉེ་འཁོར་གྱི་དགོན་པ་མང་པོ་དང་མཚོ་སྔོན་པོ་སོགས་སུ་འགྲུལ་བཞུད་བྱས་ལ། ཁོམ་སྐབས་སུ་ཆོས་གཞུང་ཁ་ཤས་ཡིག་སྒྱུར་གནང་བ་དང་། བོད་ཀྱི་ཡིག་ཚང་དང་མཉམ་དུ་བསྡེབས་ཏེ་བྲིས་པ་ལ་༼སངས་རྒྱས་ཆོས་ལུགས་ཀྱི་མཚན་ཉིད་རིག་པ་དང་གསང་བ༽ཟེར། དེབ་དེའི་ཁྲོད་ཀྱི་ནང་དོན་མང་ཤོས་མཚོ་སྔོན་པོའི་ཁ་ནས་བྲིས་ཤིང་། ཕྱིས་སུ་པར་སྐྲུན་བྱས་པའི་༼ཤེས་རབ་ཀྱི་གོང་རོལ་ན༽ཞེས་པའི་དེབ་དེའི་རྩོམ་གདན་ཡང་སྐུ་འབུམ་དུ་བཏང་། ཕྱི་ལོ༡༩༢༡ལོའི་ཟླ་དང་པོའི་ནང་སྐུ་འབུམ་དགོན་པར་ཇག་པས་གནོད་འཚེ་ཐེབས་པ་དང་། ལོ་དེའི་ཟླ་གཉིས་པའི་ཚེས་ལྔ་ཉིན། མོ་དང་བུ་སྐལ་ཡོན་ཏན་གཉིས་སྐུ་འབུམ་བྱམས་པ་གླིང་ལ་གཏན་དུ་གྱེས་ཏེ། རིམ་གྱིས་ཁམས་དང་ལྷ་སར་འབྱོར། ཕྱི་ལོ༡༩༢༤ལོའི་ཟླ་ལྔ་བའི་ཚེས་བཅུའི་ཉིན་ལོ་ངོ་སོ་གསུམ་རིང་གི་ཡུལ་འཁྱམས་འཚོ་བ་མཇུག་བསྡུས་ཏེ་ཕ་ཡུལ་དུ་འབྱོར་ཐུབ་པ་བྱུང་།
༢༠༢༢ལོའི་ཧོར་ཟླ༥པའི་ཚེས༦ཉིན། https://t.cn/zRAdreP
ཨ་ལེ་ཁུ་ཟན་སྒྲི་ར་སྡེ་བལ་སྡུ་ནིལ (Alexandra David-Néel (༡༨༦༨-༡༩༦༩) ནི་ཧྥ་རན་སིའི་རྒྱལ་ས་ཕ་རེ་སི་དང་ཐག་ཉེ་བའི་གྲོང་སྡེ་ཞིག་ཏུ་སྐྱེས། མོའི་མི་ཚེ་ཧྲིལ་བོ་བོད་ཀྱི་རིག་གནས་ཞིབ་འཇུག་ལ་བསྟིམས་ཞེས་སྨྲས་ན་མི་ཆོག་པ་མེད་ལ། བོད་རིག་པ་ལ་ཞིབ་འཇུག་གི་བརྩམས་ཆོས་མང་དུ་བྲིས་པས་མཚན་སྙན་གྱི་གྲགས་པ་ཡོ་རབ་གླིང་དུ་རྒྱས། མོ་རང་བོད་ཀྱི་རིག་གནས་ལ་དུང་དྲགས་པས་རང་ལ་“ཡེ་ཤེས་སྒྲོན་མེ་”ཞེས་པའི་བོད་མིང་ཞིག་བཏགས་ཤིང་མདོ་དབུས་ཁམས་གསུམ་གྱི་ཡུལ་གྲུ་མང་པོར་རིག་གནས་ཞིབ་འཇུག་དང་འགྲུལ་བཞུད་དུ་བསྐྱོད་མྱོང་།
ཕྱི་ལོ༡༩༡༨ལོའི་ཟླ་བདུན་པ་ནས་ཕྱི་ལོ༡༩༢༡ལོའི་ཟླ་གཉིས་པའི་བར་སྟེ། ཁྱོན་ལོ་གཉིས་དང་ཟླ་བརྒྱད་ཀྱི་རིང་ལ་མོ་དང་བུ་སྐལ་ཡོན་ཏན་གཉིས་སྐུ་འབུམ་བྱམས་པ་གླིང་དུ་བསྡད་དེ། རྒྱུན་པར་གསེར་སྡོང་མཆོད་རྟེན་དང་དགོན་པར་སྐོར་བ་དང་། བོད་བརྒྱུད་ནང་བསྟན་གྱི་གཞུང་ལ་ཞིབ་འཇུག་གནང་། མོའི་ཟིན་བྲིས་སུ་སྐུ་འབུམ་དུ་ཨ་ཀྱཱ་རིན་པོ་ཆེ་དང་མཇལ་བའི་སྐོར་དང་། སྐབས་དེར་སྐུ་འབུམ་དགོན་པ་རུ་གྲྭ་བཙུན་སུམ་སྟོང་བརྒྱད་བརྒྱ་ལྷག་བཞུགས་པ་དང་། རྒྱུན་པར་གྲྭ་བཙུན་དག་གིས་ཆོས་རྩོད་གནང་བ་དང་མཚམས་རེར་འཆམ་རྩེ་བ་སོགས་དང་། སྐུ་འབུམ་ཙནྡན་སྡོང་བོ་ནི་དངོས་གནས་ཉམས་དགའ་བོ་ཡོད་ཅེས་བཀོད།
སྐུ་འབུམ་དུ་སྡོད་པའི་རིང་། མོས་༼ཧྥ་ལན་ཞིའི་འཕྲིན་ཡིག་ཚགས་དེབ༽དང་༼ཧྥ་ལན་ཞིའི་དགོང་མོའི་ཚགས་དེབ༽བཅས་སུ་རྩོམ་ཡིག་མང་དུ་བསྐུར། སྐུ་འབུམ་ཉེ་འཁོར་གྱི་དགོན་པ་མང་པོ་དང་མཚོ་སྔོན་པོ་སོགས་སུ་འགྲུལ་བཞུད་བྱས་ལ། ཁོམ་སྐབས་སུ་ཆོས་གཞུང་ཁ་ཤས་ཡིག་སྒྱུར་གནང་བ་དང་། བོད་ཀྱི་ཡིག་ཚང་དང་མཉམ་དུ་བསྡེབས་ཏེ་བྲིས་པ་ལ་༼སངས་རྒྱས་ཆོས་ལུགས་ཀྱི་མཚན་ཉིད་རིག་པ་དང་གསང་བ༽ཟེར། དེབ་དེའི་ཁྲོད་ཀྱི་ནང་དོན་མང་ཤོས་མཚོ་སྔོན་པོའི་ཁ་ནས་བྲིས་ཤིང་། ཕྱིས་སུ་པར་སྐྲུན་བྱས་པའི་༼ཤེས་རབ་ཀྱི་གོང་རོལ་ན༽ཞེས་པའི་དེབ་དེའི་རྩོམ་གདན་ཡང་སྐུ་འབུམ་དུ་བཏང་། ཕྱི་ལོ༡༩༢༡ལོའི་ཟླ་དང་པོའི་ནང་སྐུ་འབུམ་དགོན་པར་ཇག་པས་གནོད་འཚེ་ཐེབས་པ་དང་། ལོ་དེའི་ཟླ་གཉིས་པའི་ཚེས་ལྔ་ཉིན། མོ་དང་བུ་སྐལ་ཡོན་ཏན་གཉིས་སྐུ་འབུམ་བྱམས་པ་གླིང་ལ་གཏན་དུ་གྱེས་ཏེ། རིམ་གྱིས་ཁམས་དང་ལྷ་སར་འབྱོར། ཕྱི་ལོ༡༩༢༤ལོའི་ཟླ་ལྔ་བའི་ཚེས་བཅུའི་ཉིན་ལོ་ངོ་སོ་གསུམ་རིང་གི་ཡུལ་འཁྱམས་འཚོ་བ་མཇུག་བསྡུས་ཏེ་ཕ་ཡུལ་དུ་འབྱོར་ཐུབ་པ་བྱུང་།
༢༠༢༢ལོའི་ཧོར་ཟླ༥པའི་ཚེས༦ཉིན། https://t.cn/zRAdreP
བོད་རབ་བྱུང་བཅོ་ལྔ་པའི་ས་ཕོ་རྟ་ཡི་ལོ། ཕྱི་ལོ་༡༩༡༨ལོའི་ཟླ་བདུན་པ་ནས་ལྕགས་སྤྲེལ། ༡༩༢༠ལོ་བའི་བར་ལོ་ངོ་གསུམ་གྱི་རིང་ཀཿཐོག་སི་ཏུ་ཆོས་ཀྱི་རྒྱ་མཚོ་མདོ་ཁམས་ནས་དབུས་གཙང་དུ་གནས་གཟིགས་ཕེགས་སྐབས་ཀྱི་ལམ་ཡིག །༼གངས་ལྗོངས་དབུས་གཙང་གནས་བསྐོར་ལམ་ཡིག་ནོར་བུ་ཟླ་ཤེལ་གྱི་སེ་མོ་དོ།༽ ཚན་པ་རེ་བཞིན་ཚན་བཤུས་བྱས་ནས་མུ་འགོད་བྱེད་བཞིན་ཡོད། https://t.cn/R2Wx1G8
མི་ཚེའི་མདུན་ལམ་ནི་བདེ་གཟར་གང་རུང་དུ་བགྲོད་ཆོག་པའི་ལམ་སྣེ་རུ་ཡོད་པའི་མགྲོན་པོ་བཞིན། མི་སེམས་ནི་བདེ་སྡུག་སྣ་ཚོགས་སུ་སྒྱུར་དུ་རུང་བའི་ཚོན་མཁན་ལག་གི་སྤུ་སྨྱུག་དང་མཚུངས། ལུས་ནི་ལས་ལས་སྐྱེས། །ལས་ནི་རང་གི་ལག ། གུ་ཡངས་སོས་དལ། ༢༠༢༢.༥.༡༨
✋热门推荐