ལུམ་བིའི་ཚལ། འདི་ནི་སངས་རྒྱས་སྐུ་འཁྲུངས་པའི་གནས་ཡིན། རྒྱ་ཡི་སློབ་དཔོན་ཆེན་པོ་ཐང་སན་ཙང་གི«རྒྱ་གར་ལམ་ཡིག»རྒྱ་ཡིག་ནས་བོད་ཡིག་ཐོག་བསྒྱུར་བ་ལས། མཉན་ཡོད་རྒྱལ་བྱེད་ཚལ་ནས་ཤར་ཕྱོགས་སུ་ལེ་དབར་བདུན་བརྒྱ་སོང་བ་ན་གྲོང་ཁྱེར་སེར་སྐྱ་ཞེས་བཅོམ་ལྡན་འདས་ཀྱི་ཡབ་རྒྱལ་པོ་ཟས་གཙང་མའི་ཕོ་བྲང་གི་ཤུལ་དང་། གྲོང་སྟོང་བཅུ་ལྷག་ལྷ་ཁང་གོག་པོ་མང་པོ་ཡོད། ཕོ་བྲང་ཡོད་ས་དེའི་ཤར་ཕྱོགས་ལེ་དབར་བརྒྱ་ཙམ་ན་ལུམྦིའི་ཚལ་གྱི་ལྷ་ཁང་ད་དུང་ཡོད་ཅེས་གསལ། མཁས་དབང་དགེ་འདུན་ཆོས་འཕེལ་གྱིས་མཛད་པའི«རྒྱ་གར་གནས་ཡིག»ལས། རྒྱ་གར་བྱང་ཕྱོགས་བལ་ཡུལ་དང་ཐག་ཉེ་བའི་གནས་དེང་སང་མིང་ལ་ཏུ་མན་དེ་ཞེས་འབོད་པ་དེ་ཡིན་པ་དང་། གནས་དེར་སངས་རྒྱས་ཀྱི་ཡུམ་སྒྱུ་འཕྲུལ་མའི་སྐུ་བརྙན་དང་། རྒྱལ་པོ་མྱ་ངན་མེད་ཀྱི་རྡོ་རིང་རྒྱལ་པོ་ཁྲི་ལོ་ཉེར་གཅིག་པ་ལ་ཕྱོགས་དེར་སླེབས་ནས་ཕྱོགས་འདིར་སངས་རྒྱས་འཁྲུངས་སོ་ཞེས་རྡོ་རིང་བསླངས་པ་ཡིན་ཟེར་བའི་རྡོ་རིང་ཡི་གེ་ཅན་ཞིག་ཡོད་ཅེས་གསལ།
ཡོང་ཁུངས། རླུང་ནག་འཚུབ་མའི་སྣ་འཛོམས་འཕྲིན་སྟེགས།
#ནང་པའི་གནས་ཆེན་བརྒྱད།#

མིག་གཟུགས།

སད་སྐལ།«གཅུང་པ།»

མིག་སྐྱི་སྲབ་མོ་ཅན་གྱི་ཁྱོད་རང
མཐོང་ས་ཞིག་ནས་ཕར་ཚུར་གཤེགས་དུས
སེམས་ནས་དྲན་པ་ནི
ཐག་རིང་གི་གཞན་ཞིག་སྟེ
ཁྱོད་རང་དང་འབྲེལ་བ་གཏན་ནས་མེད་པ་ཞིག

ནམ་མཁའི་མདོག་འཛིན་པའི་ཁ་ཤུབ་བཀབ་སྟེ
མིག་གཟུགས་ཁོ་ནས
ཚོར་བའི་གཏིང་རིམ་སྒུལ་འོངས

སྐད་གཉིས་སྨྲ་བའི་མི་ཚོགས་ལས
ཁྱོད་རང་གི་ཐུན་མིན་གྱི་སྐད་གདངས་མངོན་དུས
སེམས་ལ་སྐྱོ་གར་གྱིས་བཙེས་འོངས
ཁྱོད་རང་གིས
དུས་གཅིག་ལ་སྐད་གཉིས་སྨྲ་དུས
ང་ལ་ཁྱོད་རང་གི་རིགས་ལ་དབྱེ་འབྱེད་བྱེད་པའི་ཤེས་རབ་མི་འདུག
ང་རང་དེ་ལྟར་མིག་གཟུགས་ཀྱི་ཆང་ཕོར་ལས
འགོང་མི་ནུས་པའི་ཚེ
ཆང་དམ་བུ་ཁ་ཤས་འཛད་ཟིན་པའི་བཟི་བོ་བཞིན
སེམས་ཀྱི་གཏིང་རིམ་ནས་དྲན་གདུང་གིས་བརླན་ཟིན་འདུག

དབྱར་གཞུང་འདིར
ཁྱོད་དང་འབྲེལ་བ་མེད་པའི་མིག་གཟུགས་ཀྱི་རྒྱ་མཚོ་ལས
ང་རང་དྲན་གདུང་གི་རླབས་ཕྲེང་གཡོས་ཏེ
ང་ཡི་སེམས་པའི་གྲུ་ཆུང་འགྱེལ་དུས
ཉི་འོད་གྲོང་སྔར་བཞིན་མཛེས་སྡུག་ཉམས་པ་ལྟར
མཐོང་འཛིན་གྱིས་ཟིན་ཐུབ་མི་འདུག

༢༠༢༡.༥.༢༤ པོ་ཏ་ལའི་ཞོལ་ནས། https://t.cn/z8bEr33

ལས་དང་བོ་བ་ཞིག་ཡིན་ཚེ་ཐོག་མར་«དེབ་ཐེར་དཀར་པོ»དང་«བོད་ཀྱི་ལོ་རྒྱུས་གླེང་བའི་གཏམ་»«བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ།»སོགས་ནས་འཇུག་ན་ལེགས་ཅེས་རྒྱལ་མོ་འབྲུག་པས་གསུངས།