དཔལ་ས་སྤྱོད་གསུང་གི་གནས་མཆོག་འོག་མིན་ཀརྨའི་གདན་ས(༡༡༨༥)འི་བཀོད་པ་རི་མོ་འདི་ནི།
ནང་རྟེན་གྱི་རིགས་ལ་མཛད་རྗེས་བླ་ན་ཆེ་བའི་སྤྲུལ་པའི་བཟོ་རྒྱལ་རྣམ་དགུར་གྲགས་པའི་ཡ་གྱལ། གངས་ཅན་བཀྲ་ཤིས་རྣམ་གསུམ་གྱི་ནང་ཚན། དུས་རབ་༡༧པའི་མཇུག་ཏུ་ཁམས་ཆབ་མདོ་ཀརྨའི་ཡུལ་གྱི་རྗེ་སྟོད་ཚང་དུ་སྐུ་འཁྲུངས་པའི་ལྷ་ཆེན་ཆོས་བཀྲ་ཤིས་ཀྱིས་དུས་རབ་༡༨པའི་དུས་མགོར་ཁམས་སྤྲུལ་༣ཀུན་དགའ་བསྟན་འཛིན་(༡༦༨༠-༡༧༢༨)གྱིས་བཀའ་མངགས་ལྟར་འབྲུག་པའི་གསེར་ཕྲེང་ཁྱད་འཕགས་ཞལ་ཐང་༤༨བཞེང་པ་ལས་ཁམས་སྤྲུལ་༢ཀུན་དགའ་བསྟན་འཕེལ་(༡༦༣༩-༡༦༧༨)གྱི་རྣམ་ཐར་ཞལ་ཐང་དུ་མཁོད་པ་དེའོ།། ཆབ་མདོ་ཁམས་པ་སྒར་དུ་བཞུགས། གུར་མདས། 6.4.2021 https://t.cn/RP7DpmF

༢༠༡༥_༢༠༡༨ མཁན་ཆེན་ཚུལ་ཁྲིམས་བློ་གྲོས་མཆོག ཨ་རི། ཉི་ཧོང་། ཐའེ་ལྦན། ཧོང་ཀོང་། སེང་ག་ཕོར་། མ་ལེ་ཞིས་ཡ་སོགས་ལ་ཆེད་ཕེབས་ཀྱིས་འཛམ་གླིང་གི་སྙན་གྲགས་ཆེ་བའི་སློབ་ཆེན་ཁག་ཏུ་རིག་གཞུང་འཆད་ཁྲིད། རིག་གཞུང་བགྲོ་གླེང་། ནང་ཆོས་དང་ཚན་རིག་གཙོས་ཆེད་མཁས་པ་དང་མཉམ་དུ་བགྲོ་གླེང་གནང་བའི་ཡུལ་ངོས་ཀྱི་གནས་ཚུལ་རགས་བསྡུས་འོས་སྦྱོར།

དེང་གི་སྤྱི་ཚོགས་ལས་བྱུང་བའི་ཚོར་སྣང་དཔྱིད་ཀྱི་གྲང་རླུང་།

སྨག་རུམ་མུན་པའི་གཡོག་པའི་འཁོར་བའི་འཇིག་རྟེན་འདི། །
མ་བརྟག་ཉམས་དགར་ཕར་ལ་བལྟས་ན་སྐྱིད་སྣང་མཐོང་། །
དྲང་པོའི་ཤེས་རིག་མིག་གིས་བལྟས་ན་སྡུག་བསྔལ་འདྲ། །
ང་རྒྱལ་ང་གཅེས་རང་ཕྱོགས་རྒྱལ་བར་ང་འཛིན་དེས། །
གཞན་ཕམ་གཞན་སྡུག་གཞན་ཕྱོགས་ཕམ་ན་དགའ་བར་སྐྱེས། །
འགྲན་སེམས་ཕྲག་དོག་དུག་མཚོའི་རྦ་རླབས་འཕྱུར་བ་དེས།།
གཞན་གྱི་བདེ་སྡུག་སྣང་མེད་གཏོང་ཞིང་འཚེ་བར་བྱེད། །
བདེ་བ་འཚོལ་བར་སྣང་ཡང་སྡུག་བསྔལ་བཙལ་བ་བྱེད།།
ལས་དབང་བཙན་པོ་འདི་ཡི་གཞན་དབང་གྱུར་པ་ན། །
འདོད་པའི་ཐོག་ཏུ་མ་བབས་གདུང་བའི་མེ་ལྕེས་མནར། །
སྔོན་བྱུང་ཕོ་མོའི་བརྩེ་གདུང་བྲལ་བའི་སྐྱོ་གར་གྱིས། །
རང་སྲོག་དོར་ནས་འཇིག་རྟེན་འདི་ནས་བྲལ་བ་མང་། །
འདོད་པར་མ་གྲུབ་ལུས་པོ་འདི་དང་བྲལ་བའང་མང་། །
མཐའ་མ་བདག་གཞན་སྡུག་བསྔལ་བསྐྲུན་པའི་རྒྱུ་རུ་བཟོས།།
དེ་ཕྱིར་བླང་དོར་གནས་ལུགས་སྟོན་པའི་དམ་པར་བསྟེན། །
འཇིག་རྟེན་འཁོར་བ་འདི་ཡི་གནས་ལུགས་རྟོགས་ན་བསམ། །
གླིང་ཆེན་མུན་པ་སེལ་བའི་ནམ་མཁའི་ཟླ་བ་བཞིན། །
དངོས་པོའི་གནས་ལུགས་སྟོན་པའི་སྐྱེས་ཆེན་དམ་པ་དྲན།།
མུན་པའི་གླིང་ནས་གསོལ་འདེབས་སྐྱབས་འཇུག་ཡང་ཡང་ཞུ།།

སུམ་པ་དབྱངས་ཁོལ་ནས།

༢༠༢༡/ ༢/༨ https://t.cn/RxEIHE9