【万圣节版脱单大法】第2招：一起扮鬼该怎么做？[笑而不语][笑而不语]
女孩子最爱美了~即使是扮鬼也要着最闪的衫，化最靓的妆！这时候男孩子一定要记得：甜言蜜语使劲夸！即使做鬼，你也是全场最美的鬼！[污][污]
女孩子也要记得花点小巧思，给男生化个情侣鬼妆，谁是一对儿大家不就都心知肚明了吗[羞嗒嗒][羞嗒嗒]#乐游长隆##欢乐长隆##卡卡推荐#

［on.cc］袁詠儀想契城城個女：得閒可以幫佢湊
藝人袁詠儀（靚靚）到老人院出席慈善活動，期間與老人家玩遊戲。受訪時她笑言今日個妝是自己化，老公張智霖（Chilam）亦讚ok，不過有時就分不到對方講真定講笑。講到囝囝魔童講嘢都幽默，問到兩父子平時可會夾埋嚟蝦佢？佢表示：「佢哋兩個一夾埋我就冇嘢好講，有時好勞氣會想出手，但又費事好似好認真咁。」她亦謂前幾日與朋友食飯，期間魔童玩蟹鉗，她就叫囝囝唔好嘈，但老公就謂：「點解唔可以嘈？」之後他們返到屋企時講番件事，囝囝就跟她說：「Mommy, take it easy.（媽咪放鬆啲）」所以自己就決定算，無謂太認真。

仲未探到城城囡囡

講到好友郭富城終於大方講囡囡，問到探了BB未？靚靚表示：「未有機會，其實佢生咗有通知我哋，但我生過都知，唔想咁快去騷擾一個新手媽咪，大家講一句會令佢哋亂，所以過多一頭半個月等佢哋熟手先探，點知到之前想上去探時，但城城又唔喺到，冇理由自己踩上去。」她亦謂未睇過BB的相，但講到城城謂BB似迷你版的自己，靚靚就謂：「女仔似好唔好呢？不過東莞妹一定靚！」一次過讚埋同是東莞人的城城及自己。

想契城城個女

靚靚又踢爆城城近來唔見人：「之前我哋話生完，啲人陪老婆坐月，佢就話使乜陪，點知到佢就真係唔見咗人，但佢真係好爹哋。（連電話都冇覆？）有覆，但冇出嚟，都明佢想陪老婆。（咁Chilam咪冇咗隻腳打牌？）佢大把腳，畀城城過一排做爹哋湊B嘅生活先。」問到可會過兩招湊B經給城城？她謂：「都會，但佢咁大個團隊唔使擔心。（會送咩禮物畀BB？）本身想送BB嘢，但佢都大把，可能到時同沈嘉偉一齊打個金牌。」問到可會與BB上契？她笑言：「依家唔興啦，不過我個仔係沈嘉偉嘅契仔。（契咗佢當你個女？）我又唔拘，如果城城肯我就肯，我得閒可以幫佢湊B。」

【未有機會見小公主】爆城城變黐家男 袁詠儀：佢以前就識得話我哋［日報］
袁詠儀(靚靚)、蘇永康同蔡一智等，今日去到油塘出席由張玉珊舉辦嘅「愛心送暖迎中秋」，今日靚靚個妝化得特別靚，連老公Chilam都讚佢，靚靚話：「佢o氹我啫，基本上佢成日讚我嘅，但我唔識分佢講真定講笑。」問佢係咪成日畀兩父子蝦？靚靚話：「都可以話係蝦嘅，佢哋夾埋嘅話我就冇嘢好講，兩父子好搞笑好夾，我有時勞氣到想出手，不過諗諗吓就算啦！好似得我一個咁認真咁。」

靚靚老友郭富城榮升爸爸，問靚靚送咩禮物畀城城嘅小公主？佢就話會夾埋其他老友一齊打個金牌，問佢會唔會上契當正自己個女？靚靚就話：「我唔拘呀，佢唔得閒我可以幫手湊，我好鍾意湊BB，佢肯我就肯。」
至於有冇見過小公主？靚靚話：「未有機會，佢生咗有通知我哋，我生過，新媽媽唔好擾亂，過一頭半個月先。到我哋想去嘅時候阿王就去咗拍戲，唔通自己踩上去咩！同佢太太唔係熟到咁。」靚靚仲話城城變得黐家，佢話：「阿王真係唔見咗！佢以前就識得話我哋，o依家呢刻衰嘢自己就咁，佢係好嗲嗰啲嚟，畀一排佢做爹哋湊BB嘅生活。」
另外，蘇永康因為凌晨追睇自己有份演嘅《壹號皇庭II》，搞到黑眼圈，佢仲話好開心廿幾年前嘅戲喺深夜時段再播，仲計過可以吸引到13個高質嘅廣告客，好開心大台賺到錢，仲係冇本生利。身旁嘅張玉珊就八卦問佢戲入面同王菲拍拖嘅感覺？蘇康就笑話：「美女與野獸。」嚟緊蘇康會同太太二人世界去歐洲8日，第一次離開囝囝咁耐，問佢會唔會趁機造人？佢就話：「冇呢個打算，好好將個仔教好就得。」而張玉珊就話都有睇返自己有份演嘅《妙手仁心》，笑言見到就暈，仲話：「我唔係食呢行飯嘅，間唔時都有人搵我拍嘢，不過我生活低調啲，大部份時間做慈善。」