དགེ་བཤེས་པོ་ཏོ་བའི་ཞལ་ནས།

༄༅༎ཆོས་ཅིག་ཏུ་བྱ་བ་ལ་མི་རྟག་པ་བསྒོམ་པ་འདི་གལ་ཆེ་སྟེ། འཆི་བ་མི་རྟག་པ་འདི་བསྒོམས་ནས། དེར་འཆི་ངེས་པའི་བློ་ཞིག་བྱུང་ན་སྡིག་པ་སྤང་བ་ལ་དཀའ་རྒྱུ་མེད། དགེ་བ་སྒྲུབ་པ་ལ་དཀའ་རྒྱུ་མེད་པ་ཞིག་འོང་གི། དེའི་སྟེང་དུ་བྱམས་པ་དང་སྙིང་རྗེ་མང་དུ་བསྒོམས་དང་། དེ་རྒྱུད་ལ་སྐྱེས་ན་སེམས་ཅན་གྱི་དོན་བྱེད་པ་ལ་དཀའ་རྒྱུ་མེད་པ་ཞིག་འོང་གིས། དེའི་སྟེང་དུ་ཁྱོད་ཀྱི་ཆོས་རྣམས་ཀྱི་གནས་ལུགས་སྟོང་པ་ཉིད་མང་དུ་བསྒོམས་དང་། དེ་རྒྱུད་ལ་སྐྱེས་ན་འཁྲུལ་པ་སྤོང་བ་ལ་དཀའ་རྒྱུ་མེད་པ་ཞིག་འོང་གིས་གསུངས་སོ།།[合十][合十][合十]

༼༄༅༎ལྷག་བསམ་སྤྲིན་གྱི་མཆོད་དབྱངས༽

དྲན་པ་ཚེ་རིང་།

ལྷག་བསམ་དྲི་མེད་རྣམ་དག་བྱང་ཆུབ་ཅན།།
ཁ་བའི་གཙུག་ལག་མཐའ་ཡས་ཐོགས་མེད་པ།།
འགྲོ་ཀུན་དམྱལ་བའི་སྲིན་མཚོ་ལས་བསྒྲལ་བས།།
ཚུལ་ཁྲིམས་དཔལ་འབྱོར་ཞབས་ལ་གསོལ་བ་འདེབས།།

༄༅༎ཏག་ཏག་མྱི་ལོ་གཅིག་དང་ཅུང་གི་ཡར་སྔོན་ལ། ཅི་ཐུབ་ཀྱིས་སྔ་ལངས་དང་ཕྱི་ཉལ་བྱེད་ཞོར། སྐབས་རེར། དཔེ་ཁང་དང་གྱེས་ཁར་མིག་ཟུང་རབ་རིབ་ཏུ་གྱུར། ཚོར་རྩོམ་རེ་འབྲི་བར་ཉལ་བརྡ་ཡང་ང་ལས་བརྒལ། སྐབས་རེར། སློབ་གླིང་ཡོངས་རྫོགས་ན་ང་གཅིག་པུ་ལས་མེད་པ་འདྲ་བར། འཇམ་ཅག་གེར། གཡག་རྭའི་ལུང་ཆུའི་སྒྲ་ཙམ་དང་རྩལ་ཐང་ན་རླུང་གིས་སེད་བཞིན་པའི་སྙིགས་རོ་དེ་དག་ལ་ཧད་ཞོར། ཁོ་བོས། མཉམ་བཞག་གིས་ཚུལ་གྱིས་རྒྱལ་སྲས་ལག་ལེན་གཙོས་པའི་གཞུང་དེབ་འགའ་ཞིག་ཞིབ་ཀྱིས་འདོན་དཔེ་ལ་ལེན་ཡང་སྲིད། དེ་ལས་དགའ་སྤྲོ་དང་སྤོབས་སེམས་ཞིག་གིས་དུས་ཚོད་དང་ཕ་མ། རེ་བ་དང་མདུན་ལམ་ཚོར་ནས། དམ་པའི་གསུང་རྗེས་སྙེག མཁས་པའི་དཔའ་ཚིག་ཉན་ནས། ཡུལ་འདི་ན་ངས་ཅི་ཡང་བཞག་མེད་ཀྱང་། ཡུལ་འདིས་ང་རང་ང་རང་དུ་བསྐྱོར་ཏེ། རིན་ཐང་འཚོལ་བསྡུ་དང་སྤོབས་སེམས་ཞིག་གསོ། ལྷག་པར་དུ་རིག་གནས་སྐྱེ་ཁམས་དང་སེམས་ཁམས་འཕྲོད་སྦྱོར་གྱི་དང་དོད་ཆེ་བར་གསོས་ནས། ང་ཚོ་འགྲོ་ཁར། དཔའ་བུས་གསུང་རྒྱུར་༼

དེ་རིང་ནས་བཟུང་སྟེ། སློབ་གྲྭ་དང་སློབ་མ་ཁང་། དགེ་རྒན་དང་འཛིན་བདག་དགེ་རྒན་སོགས་ཡོད་ཚད་ཁྱེད་རང་ཉིད་ཡིན་པས། ནམ་རྒྱུན་རང་རང་གི་སྤྱོད་པ་དང་གནས་སྐབས་ཅི་འདྲ་ཡིན་པར་ཐག་གཅོད་ཐུབ་པར་གྱིས།༽

ཞེས་པའི་གྱེས་ཚིག་དྭངས་མ་ཞིག་སེམས་སུ་ཉར་ནས་སློབ་གྲྭའི་སྒོ་ཆེན་གྱི་མཐོ་སར་ཁ་བཏགས་ཞིག་ཕུལ་ནས་མ་ཡུམ་དང་ཁ་གྱེས་སོང་ནས། དེ་རིང་ཁོ་བོས་ཡང་བསྐྱར་ཁ་བཏགས་བཀྲ་ཤིས་ཉིན་མོ་བདེ་ལེགས་ཞིག་མཐོན་པོར་བཏེགས་ཏེ། སྒོ་ཆེན་གྱི་མཐོ་སར་འཕུལ་ཐུབ་པ་ནི། ཆེས་མཛེས་པའི་ལག་སྐྱེས་ཡིན་པར་འདོད་ཡོད། https://t.cn/EXSCzmz