#圖文不符##迪迪的Diary# 12
夏天終於嚟啦，我呢種人，又遇上難題啦！錯就錯在我爸爸媽媽生我出嚟，就有好靈敏嘅嗅覺，所以夏天嚟到，我又要面對一切嘅——「臭」！
我點知道我個鼻咁靈敏呢？話說好細個嗰時，每逢屋企有任何異味，尤其是係漏石油氣嗰啲味，我啲阿哥家姐，一定會第一時間叫我走去廚房，聞吓係咪漏石油氣之類⋯⋯
大個咗之後，初中時代，嗰時我讀男校，我試過夏天PE堂後，成班男同學周身臭汗，我行入課室，然後跑咗去廁所嘔！當時得我一個係咁，我覺得我好慘！
再激烈嗰一次，係多年之後嘅近年，係咁嘅——我以前去嗰間健身房好大嘅，有成幾千至一萬尺，嗰日夏天嘅某一日，我下午時分去到。人，當然唔多，我一出lift，聞到一陣臭味，好嘔心嘅，似動物屍體腐屍臭味，又似濃烈坑渠味，當我未分析到究竟係乜嘢味嘅時候，我已經到咗接待處。我問個接待員：咩事呀？爆屎渠啊？
接待員指一指佢左邊，然後同我講：嗰邊啊！
好嘞，講吓嗰間健身房簡單嘅地形先：接待處嘅右邊係舉鐵區域，左邊係跑步機單車機等等帶氧運動器械。咁我就見到左邊有成百幾部帶氧運動器械嘅地方，有一個人，喺跑步機上面跑緊步，大汗淋漓，嗰邊咁大嘅地方，只有佢一個人！雖然係晏晝時分，成間健身房，當然唔係好多人，但因為我成日都係呢個時間去，未見過咁嘅情景！然後我再望吓右邊舉鐵區域，有大約20人。
嗰個情景表示啲咩呢？就係其實所有客人都怕咗去左邊嗰個區域。
原來一個人，單單一個人，係可以咁臭嘅！
我當時其實即刻想走，奈何我約咗健身教練，唯有開始操練。
我去完更衣室換衫步出之時，剛巧遇着嗰個好臭嘅人入更衣室，說時遲那時快，我嚟唔切閉氣，迎風入肺⋯⋯嗰陣酸臭Ark加埋陣陣嘅阿蒙尼亞⋯⋯我唔知點樣形容，係原本佢個人體味極濃郁之外，加上臭狐加上啲衫嘅酸縮⋯⋯我先係標眼水，然後跑咗去嘔⋯⋯
嘔完之後，教練如常叫我去帶氧運動嗰邊做跑步機熱身。我唔肯，教練話嗰個人已經唔喺跑步機嗰邊，我話對唔住，佢啲「餘波未了」！
話口未完，當我做緊操肌訓練嘅時候，我見到嗰個「阿臭」，喺更衣室行返出嚟，繼續走咗去跑步機度跑步。
我覺得事態嚴重，唔可以咁樣繼續我嘅「運動生涯」，我要為自己尋求福祉，亦要為嗰日下午，喺健身房嘅所有客人尋求福祉⋯⋯我叫咗相熟嘅經理過嚟。
我同佢講：你身為經理，你知咩事啦，你係要做啲嘢㗎啦啵！
佢話：點講啊？你幫我講啦！
我話：你都痴線嘅，而家我係客，你係經理啊！不過，我可以教你，嗱！你攞一套你健身房嘅衫，走去同佢講：你好臭！可唔可以換衫⋯⋯
嗰個經理都醒目，佢話：等我去check吓佢嘅membership 幾時夠期先。（我諗佢驚佢唔續約啩）
Check完之後佢返嚟同我講：原來佢今個月尾到期啦，死就死啦，就算佢唔再續約，我可以同老細講，冇咗佢一個客，可能多番10個呢⋯⋯（呢個邏輯又好似幾啱喎）
經理攞咗套衫，去同佢講咗幾句說話，然後我見到「阿臭」，有少少怒氣匆匆咁，走咗去更衣室一陣間就走咗，唔知佢有冇沖涼。
佢走嘅時候，我見到好多喺度健身緊嘅客人，互望，報以微笑！我當時差啲鼓掌，但我冇。
然而，健身房嘅空氣，慢慢變得清新。
我問返個經理同佢講咗啲乜？經理話：我同佢講：可能你套衫有些少異味，我比套新衫你，不如你去沖個涼，換套新衫再做運動吖。佢答咗一句：I don’t think it’s me！然後就走咗。
我明白「阿臭」點解會有咁嘅反應，因為一般人，好難好難面對人哋對自己不是嘅坦白。第一下嘅反應，一定會先防衛自己，但係到諗深一層嘅時候，你會諗到，對方對你咁坦白嘅指控，其實係用咗好多勇氣㗎！
我希望「阿臭」嗰日返到屋企之後，會諗返起當日嘅經理費咗幾多心力，先至可以話俾佢聽：佢從來都唔知道自己有嘅問題其實係問題。
所以，如果有一日，你嘅好朋友，唔係喺眾目睽睽之下，而係私下同你講一啲關於你任何，係任何「不是」嘅問題，(當然唔單只係體臭嘅嘢啦），你第一個反應可以防衛自己，返到屋企，棟高床板再諗：其實你個好朋友，係用咗好多勇氣，先講得出呢啲說話㗎。
我哋反駁之前，不如又試吓，先自我反省吓先啦！
又係嗰句：共勉之！
歌曲：辛曉琪——味道
夏天終於嚟啦，我呢種人，又遇上難題啦！錯就錯在我爸爸媽媽生我出嚟，就有好靈敏嘅嗅覺，所以夏天嚟到，我又要面對一切嘅——「臭」！
我點知道我個鼻咁靈敏呢？話說好細個嗰時，每逢屋企有任何異味，尤其是係漏石油氣嗰啲味，我啲阿哥家姐，一定會第一時間叫我走去廚房，聞吓係咪漏石油氣之類⋯⋯
大個咗之後，初中時代，嗰時我讀男校，我試過夏天PE堂後，成班男同學周身臭汗，我行入課室，然後跑咗去廁所嘔！當時得我一個係咁，我覺得我好慘！
再激烈嗰一次，係多年之後嘅近年，係咁嘅——我以前去嗰間健身房好大嘅，有成幾千至一萬尺，嗰日夏天嘅某一日，我下午時分去到。人，當然唔多，我一出lift，聞到一陣臭味，好嘔心嘅，似動物屍體腐屍臭味，又似濃烈坑渠味，當我未分析到究竟係乜嘢味嘅時候，我已經到咗接待處。我問個接待員：咩事呀？爆屎渠啊？
接待員指一指佢左邊，然後同我講：嗰邊啊！
好嘞，講吓嗰間健身房簡單嘅地形先：接待處嘅右邊係舉鐵區域，左邊係跑步機單車機等等帶氧運動器械。咁我就見到左邊有成百幾部帶氧運動器械嘅地方，有一個人，喺跑步機上面跑緊步，大汗淋漓，嗰邊咁大嘅地方，只有佢一個人！雖然係晏晝時分，成間健身房，當然唔係好多人，但因為我成日都係呢個時間去，未見過咁嘅情景！然後我再望吓右邊舉鐵區域，有大約20人。
嗰個情景表示啲咩呢？就係其實所有客人都怕咗去左邊嗰個區域。
原來一個人，單單一個人，係可以咁臭嘅！
我當時其實即刻想走，奈何我約咗健身教練，唯有開始操練。
我去完更衣室換衫步出之時，剛巧遇着嗰個好臭嘅人入更衣室，說時遲那時快，我嚟唔切閉氣，迎風入肺⋯⋯嗰陣酸臭Ark加埋陣陣嘅阿蒙尼亞⋯⋯我唔知點樣形容，係原本佢個人體味極濃郁之外，加上臭狐加上啲衫嘅酸縮⋯⋯我先係標眼水，然後跑咗去嘔⋯⋯
嘔完之後，教練如常叫我去帶氧運動嗰邊做跑步機熱身。我唔肯，教練話嗰個人已經唔喺跑步機嗰邊，我話對唔住，佢啲「餘波未了」！
話口未完，當我做緊操肌訓練嘅時候，我見到嗰個「阿臭」，喺更衣室行返出嚟，繼續走咗去跑步機度跑步。
我覺得事態嚴重，唔可以咁樣繼續我嘅「運動生涯」，我要為自己尋求福祉，亦要為嗰日下午，喺健身房嘅所有客人尋求福祉⋯⋯我叫咗相熟嘅經理過嚟。
我同佢講：你身為經理，你知咩事啦，你係要做啲嘢㗎啦啵！
佢話：點講啊？你幫我講啦！
我話：你都痴線嘅，而家我係客，你係經理啊！不過，我可以教你，嗱！你攞一套你健身房嘅衫，走去同佢講：你好臭！可唔可以換衫⋯⋯
嗰個經理都醒目，佢話：等我去check吓佢嘅membership 幾時夠期先。（我諗佢驚佢唔續約啩）
Check完之後佢返嚟同我講：原來佢今個月尾到期啦，死就死啦，就算佢唔再續約，我可以同老細講，冇咗佢一個客，可能多番10個呢⋯⋯（呢個邏輯又好似幾啱喎）
經理攞咗套衫，去同佢講咗幾句說話，然後我見到「阿臭」，有少少怒氣匆匆咁，走咗去更衣室一陣間就走咗，唔知佢有冇沖涼。
佢走嘅時候，我見到好多喺度健身緊嘅客人，互望，報以微笑！我當時差啲鼓掌，但我冇。
然而，健身房嘅空氣，慢慢變得清新。
我問返個經理同佢講咗啲乜？經理話：我同佢講：可能你套衫有些少異味，我比套新衫你，不如你去沖個涼，換套新衫再做運動吖。佢答咗一句：I don’t think it’s me！然後就走咗。
我明白「阿臭」點解會有咁嘅反應，因為一般人，好難好難面對人哋對自己不是嘅坦白。第一下嘅反應，一定會先防衛自己，但係到諗深一層嘅時候，你會諗到，對方對你咁坦白嘅指控，其實係用咗好多勇氣㗎！
我希望「阿臭」嗰日返到屋企之後，會諗返起當日嘅經理費咗幾多心力，先至可以話俾佢聽：佢從來都唔知道自己有嘅問題其實係問題。
所以，如果有一日，你嘅好朋友，唔係喺眾目睽睽之下，而係私下同你講一啲關於你任何，係任何「不是」嘅問題，(當然唔單只係體臭嘅嘢啦），你第一個反應可以防衛自己，返到屋企，棟高床板再諗：其實你個好朋友，係用咗好多勇氣，先講得出呢啲說話㗎。
我哋反駁之前，不如又試吓，先自我反省吓先啦！
又係嗰句：共勉之！
歌曲：辛曉琪——味道
$会稽山 sh601579$ 作为水泥炒作的龙头，这波调整力度还可以，我之前也有点评那时候提示的是风险，听话的绝对多个这个坑了，而眼下12块这个位置上下再磨一磨，企稳之后有机会再做一下，当然要看建筑建材的板块轮动什么时候会大面积炒作，一定是板块轮动在线，不过眼下板块企稳信号基本已经显现，等一个合适的机会！
看到蔚来的这次事故，感到痛心之余，也有些不理解为什么测试要在立体停车场做，而且要选在三楼？从照片中可以看到，这家停车场三楼的位置还是比较高的，很明显不适合用来做车辆的功能。我觉得蔚来作为一家专业的车企，是不是应该在进行有一定危险性的测试时，多为员工的人身安全考虑一下呢？而且电动车不同于燃油车，电动机的扭矩大，提速快，对测试环境也有着更加严格的要求。所以哪怕是专门的泊车测试，也应该搭建一个安全的测试环境，消除任何潜在的风险。最后希望蔚来能够担负起应有的责任，也希望逝者能够安息。#蔚来汽车坠楼两名试车员身亡#
✋热门推荐