我哋好珍惜今晚嘅每一刻，
因為你令我哋諗番起好多同你一齊嘅片段。
有樣嘢想話畀你知，
喺你離開之後冇幾耐，
我嘅手機重keep住你嘅電話號碼。
有一次我唔覺意撳錯咗你嘅number，
俾我聽番一把好熟悉嘅聲音:
「Please leave a message，請留言。」

當時我喺電話度留咗一句說話，
我話：「不如我哋由頭嚟過呀。」
如果真係可以由頭嚟過嘅，
我知道今晚嘅臺上邊就唔只我一個。
你呢？如果有留言，你有咩想同我哋講呀？

真係好鐘意你哋㗎。
冇你哋，冇我今日企喺呢個臺度，
可以企咗咁耐，咁多個年代。
但係，好難去講中文「我愛你」，
因為我覺得有少少（肉麻），
所以我會講「I love you，I love you all！」
https://t.cn/R2WiQ6F

成日都想睇下書，但成日都話冇時間。
很感謝好同事，借咗佢書要一百年先睇完還到，佢都仍然肯借書俾我。見到覺得啱我睇嘅書，仍然會推介俾我，甚至，連喺圖書館借嘅書，都會借俾我。
我：「我好耐先睇到少少，你都夠膽借俾我？」
好同事：「有得續借㗎！」
感激你推動閲讀不遺餘力。
急，我宜家睇喇！

#謝急姐
#多謝你焗我執返睇書呢個興趣
#其實我鍾意睇書❤️
#但宜家睇通告功課兒童書多
#全屋瞓晒先睇到
#盡快還

【On.cc】裝偷聽器嘥氣！歡喜哥教你做醒目臥底

講到臥底，相信大家都會諗起最近無綫熱播嘅劇集《使徒行者2》，當中最為人熟悉嘅，莫過於喺劇中飾演「歡喜哥」嘅許紹雄。「奸」呢一個字，可以話係歡喜哥嘅代名詞。不過做得耐臥底，都會有想退休嘅一日，唔通真係要等三年，三年之後又三年咩！無綫官方Facebook專頁「See See TVB」為咗可以畀歡喜哥退休，所以就叫咗歡喜哥開番個臥底教室，實行培育臥底人材。不過一班網民睇完之後都忍唔住問，呢個到底係方中Sir定係歡喜哥？

做臥底好多時都要周圍去搵料，歡喜哥就教你，千祈唔好學似TVB咁，匿埋喺茶水間、廁所或者去裝偷聽器，呢啲方法都過晒氣！要搵料，只要打個電話，話畀嗰個人知，佢有批貨扣起咗，嗰個人自然就會好似鬼拍後尾枕咁自己爆晒出嚟，又使咩做咁多嘢呢？

除咗搵料，「跟蹤」都係臥底嘅一大技能。跟蹤，切忌跟到個目標實一實，因為好容易畀目標發現，所以呢個時候跟TVB嘅劇就一定冇死！畀目標發現？扮晒綁鞋帶，咁咪冇事囉！如果跟甩咗？搵第二隊去跟或者下次再跟。不過做得臥底，當然唔可以畀人識穿啦！如果畀人識穿咗，學歡喜哥話齋：「真係唔死都冇用呀！」唔少網民睇完之後都話臥底唔易做，要做到好似歡喜哥咁高水準就更難，亦都有人話歡喜哥呢一個臥底咁特別，唔怪之得佢一直都退唔到休啦！

網民有話兒：
Bixx Tsxx：到底係方中Sir定係歡喜哥@@不過都好正呀！！！
Mxxk Samxxxx：歡喜哥真係好正呀！！
Tixxy Fxxg Paxx：好一個臥底教室！歡喜哥好Cute
Lxkyxx Chxx Chexxx：歡喜哥太正啦！邊有咁易搵到接班人呀！！！！！