負面新聞多多的藝人張致恒（Steven），趁父親節真情剖白，首度當住妻兒面前，悔恨因背負「渣男」之名而連累家人，最愧疚是未能兌現讓囝囝做「富二代」的承諾。為免舊債未清、「兒女債」再利疊利，他有意做結紮手術，決心痛改前非；而太太雯雯亦打算重回職場，幫補家計。
近年屢受欠債負面新聞困擾的37歲張致恒，在父親節前再添新「兒女債」，第3名兒子提早一個月出生陪過節。昨日（19日）他帶同太太雯雯及剛3歲大的兒子天寶罕有接受專訪，雖然孭住「渣男」Icon，但在囝囝面前卻是「暖爸」一名，父子手拖手到連鎖店睇玩具，再到餐廳歎下午茶，見天寶全程攬住爸爸唔放，父子感情深厚。

問到如何慶祝父親節？Steven直言湊住3名愛兒已忙到癲，所以一切從簡：「呢個飲完奶，嗰個又換片，都係喺屋企切蛋糕就算。佢哋咁細個，都唔知父親節係乜，儲埋先，定有回報嘅。」忙湊仔又要搵食，加上受失眠困擾，他每日只能淺睡4至5小時，但看見兒子安穩成長，再辛苦也感值得。
「富二代」承諾落空
獨力孭起成頭家，自認並非好爸爸的他，坦言養小朋友最大壓力：「3個仔都飲奶粉，2、3日就開一罐，小朋友啲嘢特別貴，見到啱個仔嘅會買咗先，仲要最好同唔係二手嘢，不過玩具、衫就可以幾兄弟輪住玩輪住着。」
問到對兒子曾有何承諾？他苦笑說：「想佢哋做『富二代』，我都捱過窮，依家狀況唔係咁好，希望佢哋18歲前畀我照顧到，18歲後就可以自食其力。」又坦言對囝囝有內疚感，因大仔申請入讀幼稚園時，疑因其負面新聞而被拒，他無奈說：「試過出街被人指住鬧『渣男』，鬼叫我係公眾人物咩，但老婆唔開心，唔關事嘅仔又硬食。」
太太想打工幫補
問會否再追個女，Steven怕怕說：「我都考慮做結紮手術！其實生第3個係意料之外，而且今次好驚險，太太突然流好多血，要Call白車入院輸血，BB可能腸發炎而留院個幾禮拜，好在依家冇事咋！」談及早前太太鬧離婚，他指太太3年來不停懷孕而影響情緒，更當面問身邊的雯雯可想離婚，雯雯細聲答：「睇你咋！」雯雯坦言想出外打工賺生活費，但又擔心家傭一人難照顧3名幼兒及3隻愛犬，故陷於兩難困局。
工作方面，Steven坦言愛幕前工作，但亦自知崩壞形象難於修復。不過天無絕人之路，他打算轉職幕後，早前與內地製作人合作寫劇本，並得到投資者支持，或於疫情過後作進一步商議，希望盡力搵錢，及早一筆過還清所有債務，令人生重回正軌。

DC/极具画面感的笑话一则[允悲]/https://t.cn/A6X3zr46
邓蔼霖：我听过丹尼仔同我讲，佢去到美国，佢话系个街头咧，就一边行一边跳，好开心啊，内心好兴奋啦，即系度狂欢嘅感觉啦，佢话街边D人行过都“嗨，你好吗？”好开心啊果D人。但我系心惗，如果系香港就大件事啦。
罗文：系啊系，丹尼仔痴左线啊~~哈哈

大家好 好多謝大家今日黎到我同潔儀既婚宴 我係一個好幸運既人 因為我有一對好錫我既父母 一直以黎佢地都會盡力咁比最好既野我 佢地都將所有既心血 精神 寄望 放晒響我身上 其實佢地為左我付出同犧牲左好多 好感激你地一直既照顧同付出 而我第二次既幸運就係可以遇到我呢位太太 我太太係一個性格善良 簡單 樂觀 好鐘意笑既女仔 佢令我學識好多事唔需要諗得太複雜 多d向好既方向諗 亦都令我由一個重來都唔會計劃將來既人 變得學識去為將來打算 仲有既就係要多謝我d由細睇到我大既長輩 佢地一直都好鍚我對我好好 所以我好幸運響我人生中身邊全部都係好愛錫我既人 最後要多謝外母肯將你既寶貝女嫁比我 我會對佢好好的

各位親戚朋友大家好 好多謝大家抽空黎到我同顥揚既婚宴 首先要好多謝媽咪咁多年一直已來無微不致既照顧 由其爸爸離開我左地既呢段時間 要返工又要照顧屋企真係好辛苦好唔簡單 多謝你 爸爸一直都好鍚我同妹妹 雖然今日爸爸唔能夠出席到 但我知道爸爸會響天上邊見到都一定會好開心咁祝福我地 另外都要好多謝老爺同奶奶都好錫我對好好 當我女咁 仲有要多謝我老公對我既包容同愛錫 我知我（經常超級）好難頂傻傻下咁 但你都會包容同遷就我 辛苦晒你喇 最後最後就係要多謝今日辛苦左一日班兄弟姊妹 辛苦晒