མིང་གིས་རང་ཉིད་མཚོན་ཐུབ་བམ།

སྔོན་ཞིག་ལ་སློབ་གྲྭ་ཞིག་ཏུ་སློབ་སྦྱོང་བྱེད་བཞིན་པའི་བུ་ཆུང་ཕཱེ་ཕཱག་ཟེར་བ་ཞིག་ཡོད། ཕཱེ་ཕཱག་ཟེར་བ་ནི་སྡིག་ཅན་ཞེས་པའི་དོན་ཡིན་པ་རེད། བུ་ཆུང་དེས་རང་གི་དགེ་རྒན་ལ་མིང་བརྗེ་འདོད་ཡོད་ཚུལ་ཞུས་པ་ན། དགེ་རྒན་གྱིས་རང་ལ་འཚམས་པའི་མིང་གསར་བ་ཞིག་འཚོལ་དུ་འགྲོ་དགོས་ཚུལ་བཤད།

དེ་ནས་བུ་ཆུང་མིང་འཚོལ་དུ་འགྲོ་སའི་ལམ་བར་ནས་དབུལ་མོ་ལམ་བཤགས་བ་ཞིག་ལ་ཐུག མོའི་མིང་ལ་དྷ་ན་ལཀྵི་མི་ཟེར། དེའི་དོན་ནི་ལྷ་མོ་ནོར་རྒྱུན་མ་ཡིན། ཡང་ཁོ་ལམ་ནས་རྐུན་མ་ཞིག་དང་ཐུག ཁོའི་མིང་ལ་རྷརྨ་དྷས་ཟེར། དེའི་དོན་ནི་སྤྱོད་བཟང་ཟེར་བ་ཡིན།

དེ་ནས་ཁོ་མུ་མཐུད་དེ་རྐང་ལམ་བརྒྱུད་དེ་སོང་སོང་བ་ན་ལམ་ནས་བུ་ཆུང་ཡིག་རྨོངས་བ་ཞིག་དང་འཕྲད། མིང་ལ་ཅི་ཟེར་ཞེས་དྲིས་པ་ན། ཁོའི་མིང་ལ་བི་དྷ་ཡ་དྷས་ཟེར་བར་བཤད། དེའི་དོན་དག་ནི་སློབ་བུ་ཡོན་ཏན་ཟེར་བ་ཡིན།

དེ་ནས་ཕཱེ་ཕཱག་གྲོང་སྡེ་ཞིག་ཏུ་འབྱོར་བ་ན། ལམ་ཟུར་དེར་མི་མང་པོ་ཞིག་ལྷན་དུ་འཛོམས་ནས་ཤི་བོ་ཞིག་དུར་འཇུག་བྱེད་བཞིན་ཡོད། ཁོའི་ཤི་བོ་དེའི་མིང་ལ་ཅི་ཟེར་དྲིས་པ་ན་ཨ་མྲ་སིང་ཟེར་བར་བཤད། དེའི་དོན་ནི་འཇིག་མེད་སེང་གེ་ཡིན།

བུ་ཆུང་ཕཱེ་ཕཱག་གི་བསམ་པར་། འོ་་ཁྱད་མཚར་ཤི་ཟིན་པའི་མི་ལ་ཡང་འཇིག་མེད་ཟེར་གྱི་འདུག་སྙམ་སྟེ་ཧང་སང་ཞིང་ཧོན་འཐོར་སྟེ་ཅི་བྱ་གཏོལ་མེད་དུ་གྱུར་ནས། ཟུར་ཞིག་ལ་མིག་ཅེར་རེར་འགྲེང་ནས་བསྡད་པ་ན།

འགྲམ་གྱི་མི་ཞིག་གིས། མིང་ཟེར་བ་ནི་ཁྱེད་ལ་འབོད་ས་ཙམ་ལས་ཅི་ཡང་མིན། རང་ཉིད་ཀྱི་མཚོན་དོན་ངོ་མ་ནི་རང་གི་བྱ་བ་དང་སྤྱོད་པ་ཡིན་པ་ལས། མིང་གི་སྒྲ་དོན་ཙམ་གྱིས་ནི་ཁྱེད་ཉིད་ནམ་ཡང་མཚོན་ཐུབ་པ་མིན་ཞེས་བཤད་དོ།།
༠༧/༡༠/༢༠༡༩

༡༩༨༤ལོའི་ཟླ་༧པར་སི་ཁྲོན་བོད་བརྒྱུད་ནང་བསྟན་སློབ་གླིང་འདི་ཉིད་དཀར་མཛེས་ཁུལ་དར་མདོ་རྫོང་ལྷ་སྒང་ཡུལ་ཚོ་རུ་སློབ་མགོ་བཙུགས།
1984年7月，四川藏语佛学院在甘孜州康定县塔公乡正式办学。…2022年…

༡ དེ་དང་ཉེ་བའི་བྲག་ལྡེབས་ནས་དཀར་འོ་མའི་ཆུ་ཞེས་པའི་བ་དཀར་འོ་མའི་བསིལ་ ཆབ་འགྲོ་ཀུན་འདོད་འཇོའི་དངོས་གྲུབ་སྩོལ་བཞིན་ཡོད།
༢ དེ་དག་གི་ནུབ་ཕྱོགས་སུ་སྒྲོལ་མའི་ཕོ་བྲང་ནས་རྟ་རྐྱང་པོའི་རྔ་མ་ཞེས་པའི་བསིལ་ཆབ་རྟ་རྔ་རླུང་གིས་གཡོ་བ་ལྟ་བུ།
༣དེ་ནས་ཅུང་ཟད་ཕྱིན་ནས་ཤར་ལམ་མགོན་པོའི་གཏོར་མའི་ཐད་ན་གངས་རི་དང་ཏི་ཆུང་ལེཊ་པར་མཇལ་བའི་ཏི་སེ་ནུབ་ཕྱོགས་སྨོན་ལམ་གྱི་སྒོ་ཕྱག་འཚལ་སྒང་།
༤ཏེ་སེ་ནུབ་བྱང་མི་འགྱུར་བའི་གཟེར་ཞེས་སྟོན་པ་སངས་རྒྱས་ཀྱི་ཞབས་རྗེས་བོལ་ནུབ་མ་ཞེས་ཡོད།དེའི་ཐད་ཀྱི་གངས་ཀྱི་ལྡེབས་ལ་ཤེལ་འདྲའི་སྒོ་དང་བཅས་སྒོ་མ་བཞིས་སྲུང་བའི་ཚུལ་དུ་འཁོད་པ།
༥ གངས་ཀྱི་སྐུ་རྒྱབ་ཏུ་རིགས་གསུམ་མགོན་པོའི་ཕོ་བྲང་ཞེས་པའི་བྱིན་རླབས་ཅན་གྱི་རི་གསུམ་བཞུགས།
༦བར་དོའི་འཕྲང་ངམ་ལས་དཀར་ནག་བལྟ་ས་ཞེས། རྡོ་གཉིས་བར་ལ།
བགྲོད་དཀའ་བ་ཡོད་པ།དེ་ཡི་ལོ་རྒྱུས་ནི།རྒན་རབས་ཀྱི་ངག་བགྲོས་ལ་སྔོན་དགེ་བའི་བཤེས་གཉེན་ཞིག་དང་སྡིག་ཅན་ཞིག་གཉིས་ལྷན་དུ་གནས་བསྐོར་དུ་བྱོན་ཚེ།སྡིག་ཅན་དེར་འགྲོ་སྐབས་རྡོ་འབུར་སྙིང་ལ་ཟུག་ནས་འཆི་བར་ཉེ་བས།ཁོ་ན་རེ།ཁོ་བོ་འཆི་བར་ཐུག་པས་དགེ་བཤེས་ཁྱེད་ཀྱི་ཐུགས་སྨོན་ཅི་མྱུར་ཞིག་ལ་རེམ་ཞེས།དགེ་བཤེས་ན་རེ།ངས་ཀྱང་ཅི་ནུས་སྐྱབས་འཇུག་བྱེད་ཁྱེད་རང་གི་བླ་མ་ཡིད་དམ་ལ་གསོལ་བ་ཐོབས་པས་ཁོང་ཡང་ཐར་ད་ལྟ་ཡང་ཁྲག་མདོག་རྡོ་ལྡེབས་སུ་གསལ་བར་ཡོད།
༧རྗེ་བཙུན་མི་ལ་དང་ན་རོ་བོན་ཆུང་གཉིས་ཡ་མཚན་གྱད་ཀྱི་རྩལ་འགྲན་པའི་ངོ་མཚར་གྱད་རྡོ་གསུམ་བརྩེགས་ཡོད་དེའི་ཐད་ཀྱི་གཡས་རི་རྔམས་ཟིལ་ཅན་ནི་མཁའ་འགྲོ་སེང་གདོང་མའི་ཕོ་བྲང།
༨ ཀླུ་འདུལ་དཔའ་བོ་རྟ་མགྲིན་རང་བྱོན་དང་།
༩ དེ་ཡི་སྐེད་པར་ཕ་མའི་དྲིན་ལན་འཇལ་ས་ཞེས་པའི་རྡོ་དང་མ་ཎི་རང་བྱོན་བཅས་ཡིད།