《2022香港小姐競選》日前進行首輪面試，有唔少參選佳麗率先跑出，好似星二代林卓錡（前名林鈺洧）、連詩雅索爆師妹邢慧敏及「碩士超蓮」Bianca等，但原來鏡頭後嘅面試情況更加爆，近日有參加者爆料當日秘聞，原來一班參加場到場後，即時換三點式影全身相，其中竟有人冇着泳褲，只着住透視底褲影相，仲透到見毛，嚇到工作人員及攝影師急忙阻止，幸好及後見評判時，該參加者都有着番條褲。
而當中唔少人全身都搽咗粉，不過就因為着上外套而「出事」，啲粉黐晒喺件外套上面，一除衫就驚變斑點狗，其中更有人冇剃腋毛，以「激烈的海膽」上陣，相當有自信！

而藝人袁文傑亦有留意港姐面試佳麗，佢搞笑話喺一眾嚟面試嘅佳麗中搵到自己嘅「失散妹妹」，佢於社交網將自己張相同21歲嘅準佳麗BoBo併埋一齊，睇落佢哋嘅五官輪廓有9成相似，連個笑容係差唔多添，佢留言：「老友發了張圖來，問我幾時有個妹冇介紹佢識，我…睇完嚇一跳 ，然後得啖笑。」未知呢位準佳麗BoBo有冇機會入到第二輪面試呢？

洪永城為靚湯介紹心水筍盤

　　(星島日報報道)劇集《丫鬟大聯盟》昨日於電視城舉行宣傳活動，一眾主演洪永城、湯洛雯、劉思希及郭少芸等齊亮相，預先為大家帶來農曆新年祝福。

　　洪永城主演劇集，現正雙線同時播出。談到可會擔心觀眾看厭？他表示幸好不是同年代。笑問怕觀眾還是怕女朋友梁諾妍看厭，他笑笑口說：「最近的確係少見咗，因為忙於宣傳，但係最緊要係觀眾唔好睇厭！」提到日前梁諾妍接受訪問時大爆，已接受他的同居要求，對此洪永城笑說：「佢噚日有做訪問咩？其實一向都有呢個計畫。」

　　洪永城隨即扯開話題，大讚靚湯不只是好丫鬟，更是一個好老婆，因拍攝時對所有人都照顧有加。靚湯則笑說：「佢有問我有冇拍拖，咁我梗係答無啦！又話介紹啲兄弟我識，都係無下文。」洪永城強調會兌現承諾亦有心水推介，靚湯笑說：「佢唔係第一個話介紹男仔我識，其實我都唔急。」此外，談到《丫鬟》播出後可有聯絡黃心穎？洪永城認為需要時間讓心穎休息，他說：「心穎有喺群組祝大家新年快樂。」

　　至於前日劉思希劇中勾引謝東閔，其表現引起不少話題。問到她本人是否同樣「鹹濕」？思希笑說：「『鹹濕』都係人類性情嘅一部分，我都好鼓勵女仔要主動一啲。而我年紀亦唔細，不過就唔會好似劇集入面咁主動。」

【On.cc】恨拍拖嘆冇人追　陳煒望放假去旅行

韓國導演郭在容今晚帶同電影《遇上世界上另一個你》在九龍區舉行首映，吸引不少人出席，包括陳煒、黃錦燊、施祖男及顏子菲等，甚少睇首映的陳煒表示正拍攝劇集《多功能老婆》，一日一組戲不算太忙，因此有時間看電影：「我鍾意睇韓國片，最深刻係《假如愛有天意》，睇煽情戲可以入戲院喊吓發洩吓，平時冇呢啲機會。」她表示是跟一班朋友到場，當中有男性朋友但並非追求者，並笑說：「依家冇人追，都冇人介紹。（放棄？）唔係！冇機會咋！依家開始要主動啲，還吓飯債，約吓朋友食飯，之前真係太忙，日日喺將軍澳開工。（趁聚會叫朋友介紹？）睇佢哋識唔識做啦！（之後放假識男仔？）都想放假，但未必得，希望放到一個短短假期去旅行。」