#钟欣潼[超话]# / #钟欣潼爸妈学前班#
【20181116 蘋果即時娛樂】
生仔睇緣份 曾有閱讀障礙 阿嬌已開始留意兒童問題

鍾欣潼（阿嬌）今日同洪卓立、泳兒等，出席義賣活動，阿嬌指自己捐出咗一個手袋同一條皮帶做義賣，佢話自己以前好鍾意買嘢，亦買得太多：「買咗返嚟又用唔到，工人退休先真係發現自己搞唔掂，啲嘢完全搵唔到，之前容祖兒搞慈善義賣都有搵過我，我都有捐衫出嚟，但我自己搵唔到（衫），祖兒仲要安排幾個人上嚟我屋企摷衫。」

提到阿嬌喺一個節目內俾老公賴弘國爆有閱讀障礙，佢話：「係，嗰個係一個for小朋友嘅節目，但因為仲未做父母，所以只能夠分享自己嘅經歷，我細個嗰陣睇書，睇嚟睇去都係睇同一行，番學時要抄黑板嘅嘢，抄到老師要擦黑板都未抄完。」而阿嬌又指有問題就一定要講出嚟，先至會有人幫你：「我都係透過呢個節目先知道，做運動係可以慢慢協調。」

問佢係咪因為就嚟結婚又想生小朋友，先至會特別留意呢類問題，阿嬌話：「都會o架，之前亦有諗過（生小朋友），因為自己喺單身家庭長大，不過老公同埋佢屋企人，有啲做教授同醫生，第時有小朋友的話都可能都會幫到手。」問到若有小朋友的話，會唔會花晒所有時候陪佢？佢話：「會，但最緊要睇緣份，始終有小朋友都係一種緣份。」

#钟欣潼[超话]# [给你小心心] #钟欣潼幸福出发#
【on.cc】藝人鍾欣潼（阿嬌）到中環出席英皇鐘錶慈善義賣活動，她提到容祖兒也有提出過做慈善義賣的想法，阿嬌說：「我以前好鍾意買嘢，但未必用到、好嘥，依家工人退咗休，冇咗佢我搵唔到好多嘢，之前祖兒都要派人上嚟執貨。」

講到早前在大陸綜藝節目自爆有閱讀障礙，她表示一直睇書睇唔入腦，寫筆記較慢，老師抹黑板也未抄完筆記：「平時唔會分享，係今次嘅節目有老師，本身係講小朋友，我未有就講番自己，其實主要係諗點樣解決，原來做多啲運動可以協調返，都係第一次聽，依家成個人好正面，好似搵到答案咁。」

問到是否準備做媽咪，所以特別緊張？她說：「之前都有諗如果將來有小朋友點算，我來自單親家庭，未必識做媽咪，咁依家老公家人嗰邊好多都係醫生、教授，可以問佢哋意見。（你話要多啲陪小朋友，係咪生完BB後做全職媽咪？）首先要有緣分生BB，我認同生完係要多啲陪伴，但係到時先算啦！」

向來鍾意小朋友的藝人#鍾欣潼#（阿嬌），婚前透露已經雪卵，隨時Ready生B做媽媽。日前她與台灣老公賴弘國（Michael）出席聚會，為好友的囡囡提早慶生，並順道取經學做父母。相中所見，二人肉緊攬實一對小朋友，畫面溫馨，好有全家福Feel。另一張相見他們陪小朋友玩，氹得小朋友笑到見牙唔見眼。另外，阿嬌亦於社交網分享慶生照，上載錫錫壽星女相，母愛爆棚。雖然未見老公的身影，但其中一段切蛋糕片就不小心洩「蜜」，皆因小朋友多謝阿嬌時，亦多謝靚仔Michael哥哥。