གྲི་ཆག

༿ཞར་བཀོད་གསུམ།༾

རྒུད་པའི་དུས་ཚོད་ནང
འུ་གཉིས་ཀྱིས་མཉམ་དུ
དཔུང་བ་གཅིག་ཏུ་གཤིབ་ཡང
སེམས་ཀྱི་ཐིག་ལེ
ཕན་ཚུན་དུ་བསྣོན་རྒྱུ་མ་བྱུང

དགའ་བ།

ང་ཁྱོད་ལ་དགའ་བ་བཞིན
ཁྱོད

གཞན་དེར་དགའ་ན
ཁྱོད་ཀྱིས་ལྷག་བསམ་རྣམ་དག་གིས
ཁོ་ལ་བརྩེ་བ་གནང་ཞུ

ཐུག་འཕྲད།

རྨི་ལམ་དུ་ཡང་ཡང་རྨིས
གཡང་གཟར་དུ་ལྷུང་ཡང
ཁྱོད

ངའི་སེམས་སུ་གནས་ཡོད

འབྲི་བ་པོ། འདྲེ་ལྗང་།

​

བཀྲ་ལ་ཤིས་པའི་རྩ་བ།

བཀྲ་ལ་ཤིས་པའི་སྐེད་༿རྐེད་༾པ།

བཀྲ་ལ་ཤིས་པའི་རྩེ་མོ།
ཆོས་འཁོར་ལྷ་སར་ཞུས་ཡོད།

རྡོ་རྗེ་བྲག་ལ་ཞུས་ཡོད།

གངས་རི་ཡེ་ལ་ཞུས་ཡོད།
མི་རྒྱུད་ཆུ་ལས་རིང་བའི།

སྐུ་ཚེ་བྲག་ལས་བརྟན་པའི།

དབུ་ལྕང་གངས་ལས་དཀར་བའི།
བཀྲ་ལ་ཤིས་པ་ཤོག

བཀྲ་ལ་ཤིས་པ་ཤོག

བཀྲ་ལ་ཤིས་པ་ཤོག
གཡང་ལ་ཆགས་པ་ཤོག

གཡང་ལ་ཆགས་པ་ཤོག

གཡང་ལ་ཆགས་པ་ཤོག

———དམངས་གླུ།
#藏族民间谚语# https://t.cn/RX820cs

མི་ཚེ།

བྱང་པ།༿ ལྷ་ས།༾

འཚོ་བའི་ཕྱི་ནང་དེ་ཐག་ཁྲ་བསླས་མ། །
དཀར་ནག་གཉིས་གཤིབ་ཀྱི་སྐུད་པ་ཁྲ་ཁྲ། །
མི་ཚེའི་ཕྱི་ནང་དེ་འཇའ་མཚོན་རི་མོ། །
ལྟས་ལྟས་རིག་རིག་ལ་འཛིན་ཐབས་མི་འདུག

སྐྱིད་སྣང་བདེ་ཐབས་ཀྱི་འདུ་བཀོད་སྣ་ཚོགས། །
དགའ་སྐྱོ་ཆགས་སྡང་གི་འཆར་སྣང་ཁྲ་ཁྲ། །
བསམ་པའི་རྟོག་འགྱུ་དེ་ཐ་རེ་ཐོ་རེ། །
དགུང་གི་ཨ་སྔོན་གྱི་དགུ་ཐིག་ཀྱོག་པོ། །

སྒྱུ་མའི་སྤྱི་ཚོགས་ཉིད་ཁྲ་ཁྲ་ཟང་ཟིང་། །
བཅོས་མའི་མི་བུ་ཉིད་ཕར་རྒྱུགས་ཚུར་འདུར། །
ཁེ་ཕམ་རྒྱལ་ཁ་དེ་ཕར་ལེན་ཚུར་ལེན། །
གྱོང་ཁའི་གཏམ་ངན་དེ་བྱིན་རེས་བྱུགས་རེས། །

མི་ཚེའི་ལམ་ཆེན་དེ་གུག་གུག་ཀྱོག་ཀྱོག །
འཚོ་བའི་མདུན་ཐང་དེ་འབར་འབུར་གཤོང་གཤོང་། །
ཆ་མི་སྙོམས་པ་དེ་ལས་ཀྱི་བཀོད་པ། །
རིང་མ་ཐུང་ཐུང་ཉིད་མི་ཡི་མི་ཚེ། །

༢༠༢༡།༨།༨ཉིན། https://t.cn/R2WxrrH