#黄宗泽[超话]# [酷] #黄宗泽疊影狙擊#

[東網獨家]

周秀娜只吼靚仔

藝人周秀娜（Chrissie）與黃宗澤（Bosco）及朱鑑然，日前為梁家樹監製劇集《叠影狙擊》開工，Chrissie談到早前被拍得與大隻猛男親密行街一事：「嗰個係我造型師！識咗好耐，成日一齊行街。（依家感情空白？同Bosco咁熟，會唔會諗吓？）做戲嘅時候唔會諗呢啲嘢，咁遲啲唔知嘅，依家做朋友幾好吖！（符唔符合你要求？）我哋太熟啦，可以發展成情侶嘅嘢基本上喺戲入面都拍晒，佢會悶㗎！」她大讚Bosco為人幽默，與他合作令人放鬆又放心，唯一缺點就是太靚仔，不過她是「外貌協會會員」，所以絕不介意！靚仔自然多桃花，問Chrissie會否擔心？她笑說：「唔會喎！我超級膚淺，同埋花心唔係靚仔專利，咁梗係搵個靚仔啲啦！其實兩個人一齊係講信任嘛，如果因為靚仔而唔信佢，咁好唔公平，信任同溝通緊要啲。（有乜擇偶條件？）最重要外貌、開心同夾唔夾，同埋要過到我爸爸嗰關先，佢要求好高，要好似佢咁孝順、錫屋企人同有事業先得。」

Bosco靠老友做媒人

Bosco與Chrissie老友鬼鬼，問到會否考慮發展？他竟笑稱未有當對方是女性：「佢係好多男人心目中嘅女神，但喺我心目中係男神，哈哈！佢個人好豪爽冇乜所謂，唔係嗰啲小公主咁。（你身邊有呢類朋友？）小公主我唔會同佢做朋友啦，我頂唔順呢啲。（咁你嘅擇偶條件係咩？）最緊要過到我媽咪同朋友嗰關，因為我見朋友仲多過見阿媽，佢哋成日都話介紹女仔我識，不過疫情冇得見咋嘛！」

周秀娜擇偶條件最重要睇外貌！
黃宗澤笑言最怕「公主型」嘅女性！

# TVB
# 新劇資訊
# 【金宵大廈2】
# 8月中開拍
.
【金宵大廈】第二輯八月開拍　原班人馬只欠李施嬅未簽約

去年由陳山聰和李施嬅（Selena）主演的無綫穿越奇幻集《金宵大廈》叫好又叫座，更被封為「年度神劇」，之前一直有傳會由原班人馬開拍第二輯，這個消息足以令劇迷非常期待，現在終於有消息指即將開拍！

有關開拍第二輯一事，《香港01》記者向《金宵大廈》監製葉鎮輝查詢，他指︰「暫定8月中（開拍）。」男主角山聰回覆︰「暫時未收到正式通知，所以要等公司通合，有消息再造俾大家知。（確定會開第二輯？）我都等緊。」女主角Selena說也指她未知，表示︰「I haven’t signed anything yet.（我未簽任何合約。）」在上輯演出怪獸家長周小惠演技獲激讚的高海寧（高Ling）就笑指︰「我唔清楚tim（）！淨係知黎（嚟）緊開七公主！不嬲都係你地（哋）收風快過我！」飾演關鍵人物林老師的劉江說︰「唔知喎！我唔喺TVB，點會收到風。」至於編審羅佩清就回覆︰「李施嬅，陳山聰將會演全新角色，第一集佢兩個角色都好難再發展落去。」相信劇集會以一個新故事的形式出現。

故事另一個重點黑貓「靚寶」，憑圓滾滾的大眼睛的萌爆樣子，電暈一班觀眾，《香港01》記者向「靚寶」的主人Melaine查詢，Melaine指︰「我未收到通知，不過之前有問過我會唔會拍，我話ok。」看來觀眾有機會再見到「靚寶」在幕前出現，而且是「加大版」的牠，事關在IG看到牠長大了，又肥了不少，一樣可愛！

佗緊B嘅靚媽岑麗香（香香）、陳凱琳（Grace）到沙田出席活動，香香身穿紅色低胸裙，懷胎六個月的她腳踏4吋高踭鞋，上台時更不慎拗一拗，司儀陳安立即叫她要小心！

講到香香險些仆親，她笑言：「我覺得冇呀。（有冇問準老公？）都係一個鐘啫！一落台就換拖鞋。」她又指跟Grace兩個大肚婆出席活動有很多話題：「例如會好易攰，廁所都要去多啲。」對於王祖藍拍攝內地真人騷節目時直播太太李亞男生B，問香香會否效法？她說：「我又未必，比較怕醜，不過我抱咗佢哋個BB，超得意，其實兩個都似，唔係唔似祖藍，祖藍五官縮細咗原來好靚！輪廓就似亞男。」

佗B期間成長不少

香香又表示這段懷孕時間令她成長不少：「自己一向好怕曱甴，不過最近見到，我就諗、唔可以再係咁！我將來要照顧小朋友，於是我一手揸住紙巾拍落去殺咗小強，之後要再勇敢啲！（老公強強係咪都成長咗？）佢都有做research，諗買咩會令我同BB舒服啲。（ 有冇趁機使盡老公？）間唔中啦！都係身邊朋友叫咋！不過我都唔想咁公主，朋友叫我減少啲運動量，但我唔想淨係坐喺度，都想自己郁多啲。」