ཕ་ཡུལ་གྱི་དགོན་པའི་བླ་གྲྭ་དག་གིས་སྣེ་ཁྲིད་དང་མང་ཚོགས་དག་གིས་རྒྱབ་སྐྱོར་ལ་བརྟེན་ནས་མི་ལོ་བདུན་ལྷག་ལ་ལོ་རེར་ཟླ་རེ་ཙམ་ལ་ཡིག་རྨོངས་བསལ་ཞིང་། བརྒྱ་ཆའི་མང་ཕྱོགས་ཀྱིས་ཡི་གེ་ཤེས་པར་མ་ཟད་ད་ལོར་ཡང་ཟླ་ཕྱེད་ལྷག་ལ་སེམས་ཁམས་སྦྱོང་བརྡར་གྱི་སློབ་སྦྱོང་བྱེད་འགོ་ཚུགས་ཤིང་། ལུས་རྣམ་སྣང་ཆོས་བདུན་དང་། རླུང་རོ་དགུ་ཕྲུགས་སུ་བསལ་བ་དང་ཡོན་ཏན་ཐམས་ཅད་ཀྱི་འབྱུང་གནས་སུ་གྱུར་པ་སྙིང་རྗེ་ཆེན་པོ་ལ་བློ་སྦྱང་བར་བྱས་ཤིང་། འདི་ལྟར་རྒན་གཞོན་བར་མའི་སྐྱེ་བོ་ཡོངས་ཀྱིས་སེམས་ཀྱི་བདེ་བ་འཚོལ་བཞིན་པ་འདི་ག་ལགས་སོ།། 2019/12/26

གང་དག་རྒྱལ་བ་རྣམ་འདྲེན་ལ།། བྱ་བ་ཆུང་ངུ་བྱེད་འགྱུར་བའང་།།
དེ་དག་མཐོ་རིས་སྣ་ཚོགས་དག། བགྲོད་ནས་བདུད་རྩིའི་གོ་འཕང་ཐོབ།།

ལུང་སྨིན་གྱི་གཞི་ལས།

ལྷག་གེར་གསལ་བའི་འཛུམ་དཀར་གྱི་ཁྱམས་སུ།།
ཅུང་ཟད་མངོན་པའི་མཁུར་འཛུམ་གྱིས་བྱེད་པའི།།
སྨིན་འཁྱོག་རྒྱུད་བསྐུལ་མིག་མདའ་ལ་ཕྱོགས་ཚེ།།
ཤེས་བཞིན་བགྱིས་པའི་རྩ་མདུད་ཀྱི་ཐག་ཞགས།།
ལིང་ལིང་བསྒྱུར་བའི་ཡིད་འཕྲོག་གི་སྟབས་ཀྱིས།།
གསེད་བཀྲོལ་བྱས་པས་སྙིང་ཁུང་གི་དྲན་འཛིན།།
བསྐོར་ཀྱང་མི་ཐུབ་བྱིང་རྒོད་ཀྱིས་གཡོག་འདུག།
བར་གཅོད་སྡིག་པའི་གཡབ་མོ་དེ་གཡུག་སོང་།།
བསླུ་མེད་བདེན་པའི་བྱིན་རླབས་ཀྱི་ནུས་མཐུས།།
འདོད་པའི་སྣང་ཞེན་ཕྱིར་བཟློག་རང་མཛོད་ཅིག།