༄༅།ཀུན་དམག། གང་ས་དམག་འཁྲུག། གང་ས་དུ་བོའི

首页发布

༄༅།ཀུན་དམག།

གང་ས་དམག་འཁྲུག།

གང་ས་དུ་བོའི་འགེབས་ནས།

འགའ་རེའི་དམག་ལོ་དྲུག་བཅུ།

ང་ཡི་དམག་ལོ་གཅིག་ནས།

མང་མོས་ད་བར་མི་རྟོགས།

བཅོ་བརྒྱད་དྲུག་བཅུ་མི་དགོས།

ཚང་མ་ཡོང་ན་ཅི་འདྲ།

ཕྲུ་གུ་མ་འོང་ཐབས་མེད།

Uranusནས

༢༠༤༤/༠༨/༡༡

ཐེག་པ་ཆེན་པོ་བློ་སྦྱོང་གི་རྩ་ཚིག། ༄༅༅། །དཔལ་བཀྲ་ཤིས་རིན་པོ་ཆེ་མྱུར་དུ་བདེ་བ་ཆེན་པོ་དང་ལྡན་པར་མཛད་པ་དོན་ཐམས་ཅད་གྲུབ་པའི་རྒྱལ་པོ་ལ་ཕྱག་འཚལ་ལོ། །དང་པོ་སྔོན་འགྲོ་དག་ལ་བསླབ། །དངོས་གཞི་གཏོང་ལེན་སྤེལ་མར་སྦྱངས། །ཡུལ་གསུམ་དུག་གསུམ་དགེ་རྩ་གསུམ། །རྗེས་ཀྱི་མན་ངག་མདོར་བསྡུས་པའོ། །ལེན་པའི་གོ་རིམ་རང་ནས་བརྩམས། །དེ་གཉིས་རླུང་ལ་བསྐྱོན་པར་བྱ། །མན་ངག་སྙིང་པོ་མདོར་བསྡུས་པ། །སྤྱོད་ལམ་ཀུན་ཏུ་ཚིག་གིས་སྦྱངས། །འཕྲལ་ལ་གང་ཐུབ་བསྒོམ་དུ་སྦྱར། །གཉིས་པོ་ཚང་ན་ཐམས་ཅད་བླངས། །བཀོལ་བ་རྣམས་ལརྟ་ག་ཏུ་བསྒོམ། །ལེ་ལན་ཐམས་ཅད་གཅིག་ལ་གདའ། །ཀུན་ལ་བཀའ་དྲིན་ཆེ་བར་བསྒོམ། །དཀའ་བ་གསུམ་ལ་བསླབ་པར་བྱ། །ཐོག་མཐའ་གཉིས་ལ་བྱ་བ་གཉིས། །ཉམས་པ་མེད་པ་རྣམ་གསུམ་བསྒོམ། །སྤྱི་དོན་གསུམ་ལ་རྟག་ཏུ་བསླབ། །འདུན་པ་བསྒྱུར་ལ་རང་སོར་བཞག །རྒྱུ་ཡི་གཙོ་བོ་རྣམ་གསུམ་བླངས། །སྟོབས་ལྔ་དག་ལ་སྦྱང་བར་བྱ། །ཆོས་ཀུན་དགོངས་པ་གཅིག་ཏུ་འདུས། །དཔང་པོ་གཉིས་ཀྱིས་གཙོ་བོར་བཟུང༌། །ཡིད་བདེ་འབའ་ཞིག་རྒྱུན་དུ་བསྟེན། །ཡེངས་ཀྱང་ཐུབ་ན་འབྱོངས་པ་ཡིན། །ཤགས་ངན་མ་བགོད། ཡུས་མ་བསྒོམ། ཀོ་ལོག་མ་སྡོམ། འོར་ཆེ་མ་འདོད། ཡུད་ཙམ་པ་མི་བྱ། འཕྲང་མ་དགུགམཛོ་ཁལ་གླང་ལ་མི་འབྱོ། འགྱོགས་ཀྱི་རྩེ་མ་གཏོད། གཞུང་བཟང་པོ་མ་བསྟེན། གོ་ལོག་མི་བྱ། རེས་འཇོག་མི་བྱ། ལྟོ་ལོག་མི་བྱ། རྟོག་དཔྱོད་གཉིས་ཀྱིས་མཐར་བྱ། དོལ་ཆོད་དུ་བྱ། འབྲལ་མེད་གསུམ་དང་ལྡན་པར་བྱ། །རྣལ་འབྱོར་ཐམས་ཅད་གཅིག་གིས་བྱ། །ལོག་ན་དེ་ཉིད་གཉེན་པོར་བསྒོམ། །གཉིས་པོ་གང་བྱུང་བཟོད་པར་བྱ། །ཡན་ལག་ཉམས་པ་བརྗོད་མི་བྱ། །གཞན་ཕྱོགས་གང་ཡང་མི་བསམ་མོ། །ལྷ་བདུད་དུ་མི་དབབ། སྐྱིད་ཀྱི་ཡན་ལག་ཏུ་སྡུག་མ་ཚོལ། རྐྱེན་གཞན་དག་ལ་ལྟོས་མི་བྱ། གཙོ་བོ་ངོས.བཟུང༌། འབྲས་བུ་རེ་བ་ཐམས་ཅདསྤ་ངས། དུག་ཅན་གྱི་ཟས་སྤང༌། གནད་ནས་མི་བསྐུལ། སྙིགས་མ་ལྔ་པོ་བདོ་བ་འདི། །བྱང་ཆུབ་ལམ་དུ་བསྒྱུར་བ་ཡིན། །བརྟན་པ་ཐོབ་ནས་གསང་བ་བསྟན། །མན་ངག་སྙིང་པོ་གདམས་པ་འདི། །དམ་པ་དག་ལས་བརྒྱུད་པ་ཡིན། །རྩ་བའི་ཚིག་གོ །ཇོ་བོས་མཛད་པ་ཡིན་ནོ།། ཤུ་བྷཾ།། །།

༄༅། །རྫོགས་པ་ཆེན་པོ་ཀློང་ཆེན་སྙིང་ཐིག་《ཁྲིད་ཡིག་ཡེ་ཤེས་བླ་མའི་》བརྒྱུད་ཚུལ་གྱི་རིམ་ནི། ཐོག་མར་འོད་གསལ་གསང་བ་སྙིང་ཐིག་གི་བསྟན་པའི་ཤིང་རྟ། ཀུན་མཁྱེན་གཉིས་པ་རིག་འཛིན་ཆེན་པོ་འཇིགས་མེད་གླིང་པའི་ཞལ་སྔ་ནས་མཛད་ཅིང་། ཁོང་གི་དངོས་སློབ་ཁམས་ཀྱི་འཇིགས་མེད་མི་བཞིའི་ནང་ཚན་འཇིགས་མེད་རྒྱལ་བུའི་མྱུ་གུ་ལ་གདམས་པ་གནང་། དེའི་དངོས་སློབ་ཉི་མ་ལྟ་བུ་འཇམ་དབྱངས་མཁྱེན་བརྩེ་དབང་པོ་དང་། ཟླ་བ་ལྟ་བུ་དཔལ་སྤྲུལ་ཨོ་རྒྱན་འཇིགས་མེད་ཆོས་ཀྱི་དབང་པོ་རྣམ་གཉིས་ལས། ཨ་འཛོམས་འབྲུག་སྤྲུལ་རིག་འཛིན་འགྲོ་འདུལ་དཔའ་བོ་རྡོ་རྗེའི་གསན། དེ་ལས་ཁོང་གི་སྐུ་གསུང་ཐུགས་ཀྱི་རྒྱལ་སྲས་དམ་པ་འགྱུར་མེད་རྡོ་རྗེས་གསན། རྗེ་དེ་ཉིད་ལས་ཕྱི་ལོ་ ༡༩༥༦ བོད་རབ་བྱུང་བཅུ་དྲུག་པའི་མེ་སྤྲེལ་ལོར་སྐྱབས་རྗེ་བླ་མ་རིན་པོ་ཆེ་༧གྲུབ་དབང་ལུང་རྟོགས་རྒྱལ་མཚན་མཆོག་དགུང་གྲངས་༣༠བཞེས་སྐབས་ཨ་འཛོམས་ཆོས་སྒར་ནས་《སྒྱུ་འཕྲུལ་གསང་བ་སྙིང་པོའི་》འགྲེལ་ཆེན་སྐོར་དང་། འཇིགས་གླིང་《པོད་གཉིས་》དབང་ལུང་། 《ལྕེ་བཙུན་སྙིང་ཐིག་》དང་《ཁྲིད་ཡིག་ཡེ་ཤེས་བླ་མ་》སོགས་དབང་ཁྲིད་མན་ངག་དུ་མ་བུམ་པ་གང་བྱོས་ཚུལ་དུ་རྫོགས་པར་གསན། དེ་ནས་༧སྐྱབས་རྗེ་བླ་མ་རིན་པོ་ཆེ་མཆོག་ཉིད་ཀྱིས། ཕྱི་ལོ་༡༩༨༧ བོད་མེ་ཡོས་ལོར་དབུ་བརྩམས་ཏེ། ཉིད་ཀྱི་གདན་ས་ཆེན་མོ་ཡ་ཆེན་ཆོས་ཀྱི་ཞིང་ཁམས་ནས། ཐུན་མོང་ཐུན་མིན་གྱི་སྔོན་འགྲོ་གནད་སྨིན་ཚད་ལྡན་སྔོན་སོང་གི་དམ་གཙང་སྐལ་ལྡན་དུ་མར་《ཁྲིད་ཡིག་ཡེ་ཤེས་བླ་མ་》བརྒྱུད་ལྡན་རིག་འཛིན་གོང་མའི་ཕྱག་བཞེས་ལྟར་ཁྲིད་སྦྱང་དང་འབྲེལ་ལན་གྲངས་བཅུ་གཉིས་ཡས་མས་ཤིག་གནང་བའོ།། །།