༄༅།། དུས་རབས་ཀྱི་སྐྱེས་ཆེན།
༡རྡོ་སྦིས་དགེ་བཤེས་དང་ཀུན་མཁྱེན་དྲུག་པ། ༢གུང་ཐང་ཚང་དང་ངྷཱི་ཡེ་ཤེས།༣ལ་མོ་ཡོངས་འཛིན།༤ཨ་ཁུ་དགེ་འདུན་དང་གུང་ཐང་ཚང་།༥དུང་དཀར་ཚང་།༦གུང་ཐང་ཚང་དང་ཨ་ཁུ་འཇམ་དབྱངས་རྒྱ་མཚོ།༧དམུ་དགེ་བསམ་གཏན་ཚང་། https://t.cn/RyhOlpI
༡རྡོ་སྦིས་དགེ་བཤེས་དང་ཀུན་མཁྱེན་དྲུག་པ། ༢གུང་ཐང་ཚང་དང་ངྷཱི་ཡེ་ཤེས།༣ལ་མོ་ཡོངས་འཛིན།༤ཨ་ཁུ་དགེ་འདུན་དང་གུང་ཐང་ཚང་།༥དུང་དཀར་ཚང་།༦གུང་ཐང་ཚང་དང་ཨ་ཁུ་འཇམ་དབྱངས་རྒྱ་མཚོ།༧དམུ་དགེ་བསམ་གཏན་ཚང་། https://t.cn/RyhOlpI
༄། །ང་ལ་མཚོན་ན་ལས་ཉོན་གྱིས་རང་དབང་མེད་པར་ད་དུང་འཁོར་བ་འཁོར་དགོས་པས། སྐྱེ་བ་རྗེས་མ་གྲུབ་མཐའ་གང་ཡིན་ཀྱང་ཆོག་སངས་རྒྱས་ཀྱི་བསྟན་པ་དང་མཇལ་ན་སྐལ་བ་བཟང་པོ་ཡིན། ༧བཅས་གསུངས་ལགས་སོ།
༄༅ །།སྐུ་འབུམ་བྱམས་པ་གླིང་ནི་བོད་བརྒྱུད་ནང་བསྟན་དགེ་ལུགས་པའི་དགོན་ཆེན་དྲུག་གི་ཡ་གྱལ་དང་། རི་བོ་དགེ་ལྡན་པའི་བསྟན་པའི་སྲོལ་འབྱེད༧རྗེ་ཙོང་ཁ་བ་ཆེན་པོའི་འཁྲུངས་གནས་དང་རྒྱལ་ཁབ་ཀྱི་རིག་དངོས་སྲུང་སྐྱོབ་གལ་ཆེན་སྡེ་ཁག་ཀྱང་ཡིན། སྐུ་འབུམ་བྱམས་པ་གླིང་དུ་གྲྭ་ཚང་བཞི་ཡོད་དེ། དཔལ་ལྡན་བཤད་སྒྲུབ་གླིང་དང་།གསང་སྔགས་བདེ་ཆེན་གླིང་།གསོ་རིག་དར་རྒྱས་གླིང་། རིགས་ལྡན་བློ་གསལ་གླིང་བཅས་ཡོད། དེ་ཡང་། དཔལ་ལྡན་བཤད་སྒྲུབ་གླིང་ངམ་མཚན་ཉིད་གྲྭ་ཚང་གི་སྦྱང་བྱ་ནི་མཛོད་འདུལ་དབུ་ཕར་སོགས་གཞུང་བཀའ་པོད་ལྔ་ལ་ཐོས་བསམ་སྒོམ་གསུམ་བྱེད་པ་དང་ཞོར་དུ་བོད་ཀྱི་རིག་གནས་ཆེ་ཆུང་གང་ལའང་སྦྱོང་བ་མཐར་ཕྱིན་པར་བྱེད་པའོ།། གསང་སྔགས་བདེ་ཆེན་གླིང་ངམ་རྒྱུད་པ་གྲྭ་ཚང་ནི་ཐོག་མར་དཔལ་ལྡན་བཤད་སྒྲུབ་གླིང་སོགས་ནས་གཞུང་བཀའ་པོད་ལྔར་སྦྱངས་བ་མཐར་ཕྱིན་གནང་སྟེ་ཐུན་ མོང་ཕར་ཕྱིན་ཐེག་པ་ལ་ལེགས་པར་བསླབས།དེ་ནས་རྒྱུད་གྲྭར་འབྲས་བུ་རྡོ་རྗེ་ ཐེག་པའི་མན་ངག་མཐར་ཐུག་གི་གཞུང་རྣམས་ལ་འཆད་ཉན་གྱིས་གསང་སྔགས་ སྒྲས་ཟིན་ཙམ་མ་ཡིན་པར་གཞུང་ཚིག་གི་ངེས་དོན་གྱི་སྙིང་བོ་ལ་སྒྲོ་འདོགས་ལེགས་པར་བཅད་དེ་རྒྱུད་སྡེ་རྒྱ་མཚོའི་སྙིང་བོ་ཉམས་བཞེས་གནང་གི་ཡོད། གསོ་རིག་དར་རྒྱས་གླིང་ངམ་སྨན་པ་གྲྭ་ཚང་གི་སྦྱང་བྱ་གཙོ་བོ་ནི་བདུད་རྩི་སྙིང་བོ་ཡན་ལག་བརྒྱད་པ་གསང་བ་མན་ངག་གི་རྒྱུད་དཔལ་ལྡན་རྒྱུད་བཞིའི་གཞུང་ལ་ཐོས་བསམ་དང་ལག་ལེན་བྱེད་པ། ནད་ཀྱི་གཞི་རྟགས་གསོ་གསུམ་དང་། སྨན་པའི་རྒྱུད་དྲུག་སོགས་སྨན་པའི་ཀུན་སྤྱོད།སྨན་རྫས་ངོས་འཛིན་དང་འདུལ་སྦྱོང་སྦྱོར་ལུགས་སོགས་ལག་ལེན་བཅོ་བརྒྱད་ལག་བསྟར་བྱེད་པ། རྒྱུད་བཞིའི་རྩ་འགྲེལ་ཆེ་ཆུང་ཁག་དང་ཞོར་དུ་རྒྱ་དཀར་ནག་གི་གསོ་རིག་ལའང་དཔེ་གཟིགས་བྱེད་པ། ཆོས་སྤྱོད་རྒྱུད་སྡེའི་ཕྱོགས་ལའང་ཉམས་ལེན་གནང་བཞིན་ཡོད། རིགས་ལྡན་བློ་གསལ་གླིང་ངམ་དུས་འཁོར་གྲྭ་ཚང་ནི་གཙོ་བོ་གསང་སྔགས་བླ་མེད་ཀྱི་གཞུང་སྟེ་དཔལ་དུས་ཀྱི་འཁོར་ལོའི་འཁོར་ལོ་གསུམ་གྱི་དགོངས་པར་ཐོས་བསམ་དང་།ཕྱི་དུས་ཀྱི་འཁོར་ལོ་རྟོགས་པ་ལ་རི་མོའི་ལམ་ནས་རི་རབ་ཁང་ཁྱིམ་དང་ཉི་ཟླ་རྒྱུ་སྐར་སོགས་ཀྱི་གྲུབ་ལུགས་ནས་གཞན་དུས་ཀྱི་འཁོར་ལོའི་དགོངས་པར་ཉམས་ལེན་གནང་བཞིན་ཡོད།
✋热门推荐