ང་ནི་རྒྱ་སྐད་དུ་（摔跤）ཟེར་བའི་འགྲན་བསྡུར་དེ་དག་ལ་ལྟ་བར་དགའ་བོ་ཡོད། ཚོགས་པ་གཉིས་གསུམ་ཞིག་གི་འགྲན་བསྡུར་ལ་ལྟ་བཞིན་ཡོད་པས། གཟའ་ཁོར་གཅིག་གི་ནང་ལ་དུས་ཚོད་གསུམ་བཞི་ནི། འགྲན་བསྡུར་དེ་དག་གི་ཕྱོགས་སུ་ཆག་མེད་དུ་གཏོང་དགོས་པ་ཆགས་འདུག དེ་ནི་དགའ་ཕྱོགས་རྐྱང་བས་བསླུས་ཏེ། ལྟ་བར་གོམས་སོང་བ་ཙམ་ལས། སློབ་གཉེར་གྱི་དགོས་མཁོ་ཅི་ཡང་སྒྲུབ་ཐུབ་ཀྱི་མེད་ཅིང་། བལྟས་པ་ལ་སྙིང་བོ་ཅི་ཡང་མེད། ལན་རེར་བསམ་ན། དེ་ལྟར་སློབ་གཉེར་གྱི་དགོས་མཁོ་ཅི་ཡང་སྒྲུབ་མི་ཐུབ་པའི་རྩེད་མོ་རྐྱང་བའི་ལྟད་མོར་གཡེངས་ནས་འདུག་པས། ཕྱི་ཕྱོགས་ཀྱི་གློག་བརྙན་ལྟ་རིན་ཡོད་པ་འགའ་རེར་བལྟ་ཐུབ་རྒྱུ་ན། དེས་ནི་གཅིག་ནས་སེམས་ཁམས་སྐྱིད་ལ་སྐུར་ཐུབ་པ། གཉིས་ནས་མཐོང་རྒྱ་དང་ཤེས་རྒྱ་མང་བོ་བསྐྱེད་ཡོང་བ། གསུན་ནས་དབྱིན་སྐད་སྦྱངས་པ་སོགས་ལ་ཡང་རམ་འདེགས་ཆེན་པོ་བསྐྲུན་ཐུབ་པས། ད་ནི་(摔跤)ལྟ་མཚམས་འབཞག་སྟེ། ཁོམ་སྐབས་དག་ལ་ངལ་གསོའི་ཐབས་སུ་གློག་བརྙན་གྲགས་ཅན་དག་ལ་ལྟ་བར་གོམས་ཐུབ་ན། ཅི་མ་རུང་སྙམ་ཡང་། ལྟ་བར་ལོབས་དྲགས་པ་དང་དེའི་ཕྱོགས་ལ་རྗེས་མངའ་ཆེ་དྲགས་ཏེ། ལྟ་མཚམས་འཇོག་རྒྱུ་དེ་ཡང་ལས་སླ་བོ་ཞིག་གཏན་ནས་མ་རེད། དཔེར་ན། སྤོ་ལོར་དགའ་མཁན་ཚོས་སྤོ་ལོའི་འགྲན་རིམ་ཁག་ལ་ལྟ་མཚམས་འཇོག་མི་ཐུབ་པ་ནང་བཞིན་རེད། དེང་གི་དུས་འདིར་མི་སུ་ཡིན་ཡང་ཁོར་ཡུག་གི་རྐྱེན་གྱིས་ངལ་གསོའི་ཐབས་སུའམ་སྤྲོ་སྐྱིད་ལ་སྐུར་ཕྱིར་དུ་གློག་བརྙན་སོགས་ཀྱིས་མཚོན་པའི་དྲ་སྒང་གི་ལྟད་མོ་འདྲ་མིན་ལ་མི་གཡེངས་ཐུ་མེད་ལྟ་བུ་ཆགས་འདུག་པས། དུས་ཚོད་གཏོང་བ་གཅིག་འདྲ་ཡིན་པ་ལ། སློབ་གཉེར་དང་སྤྲོ་སྐྱིད་གཏོང་བའི་དགོས་མཁོ་གཉིས་ཅིག་ཅར་དུ་སྐོང་ཐུབ་པའི་ལམ་ཁ་ཞིག་བཙལ་རྒྱུ་དེ་ཡང་། ངལ་གསོའི་དུས་ཚོད་ལ་རིན་ཐང་བསྐྲུན་ཐུབ་མིན་གྱི་གདམ་ཀ་གལ་ཆེན་ཞིག་རེད།

རང་ཉིད་རང་གི་ལམ་དུ་སོང་གཞན་གྱིས་ཅི་ཟེར་བཤད་དུ་ཆུག། འཇིག་རྟེན་འདིར་ཁྱོད་ཀྱི་མི་ཚེར་སྡོམ་ཚིག་འགོད་ཐུབ་མཁན་གཅིག་མ་གཏོགས་མེད། དེ་ནི་ཁྱོད་རང་ཉིད་རེད།

དགྲ་འདུལ་གཉེན་སྐྱོང་གོང་མ་ལྷ་ནས་བརྐོས། །
ཕྱོགས་བཞི་བདུད་བཞི་ཐུལ་བའི་དཔའ་བོ་ཞིག། །
གདོད་ནས་ད་བར་ཟློ་བའི་ལྷ་སྒྲུང་སྟེ། །
གེ་སར་རྒྱལ་པོ་ཡོད་མེད་མི་ཤེས་མོད། །
ཇིང་གིར་རྒྱལ་པོའི་དཔུང་སྟོབས་ཧོར་དམག་གིས། །
ཡ་གླིང་སྐམ་ས་ཆེན་མོ་ཡོ་རོབ་སོགས། །
རྒྱ་མཚོ་ཕ་མཐར་གནས་པའི་རྒྱལ་ཁབ་ཀྱང་། །
བཙན་པོའི་ཧོར་དམག་གྱི་ལིང་རྟ་མཆོག་གི། །
རྨིག་སྒྲས་འཇོམས་པའི་ལོ་རྒྱུ་ངོ་མ་རེད། །