#阿荣雄书香阁##第四期阿荣雄讲堂#
༄༅།། ཡར་སྔོན་སྤྱི་ཟླ་བཞི་པའི་ཚེས་ཉི་ཤུ་ཉིན་དངོས་སུ་ཨ་རང་བྱོན་དྲ་ལམ་དཔེ་ཤག་ཤར་གཏོང་བྱས། སྔ་ཕྱི་འབུམ་རམས་པ་གསུམ་གདན་དྲངས་ནས་རིག་གཞུང་ཞིབ་འཇུག་དང་འབྲེལ་བའི་ཐབས་ལམ་བྱེ་བྲག་པ་སོགས་ངོ་སྤྲོད་བྱས། ཐེངས་འདིར་ཡང་ཕ་ཡུལ་མགར་ཐར་ནས་ཡིན་པའི་ཝིར་ཇི་ནི་ཡ་གཙུག་སློབ་ཆེན་ན་འབུམ་རམས་པའི་སློབ་གཉེར་བྱེད་བཞིན་པའི་བཀྲ་ཤིས་བདེ་སྐྱིད་ལགས་གདན་འདྲེན་ཞུས་ཡོད། ཉིན་ཤས་ཀྱི་རྗེས་སམ། སྤྱི་ཟླ་བརྒྱད་པའི་ནང་ཕ་ཡུལ་མཛོད་དགེའི་ཡུལ་དངོས་ནས་ཨ་རང་བྱོན་དཔེ་ཤག་དངོས་སུ་སྒོ་འབྱེད་གྲབས་ཡིན།
མ་བཅོལ་བའི་ལས་འདི་འདྲ་འགན་དུ་བླངས་ཚེ། ཕན་ཁེ་རག་རྒྱུ་ལྟ་ཅི་དེ་ལས་ལྡོག་“ཚེར་མའི་ལམ་”གང་མང་ཞིག་བརྒྱུད་དགོས་མོད། གང་ལྟར་ཕུགས་བསམ་གྱི་ལས་འདི་ལ་དངོས་ཡོད་ཁྲོད་ཁ་རྡུང་ཇི་འདྲ་ཐེབས་རུང་། མཐའ་འཁྱོང་ཅི་ཐུབ་བྱ་ངེས། རྗེས་སོར་ཡང་རིག་གཞུང་དང་དཔེ་ཀློག་ལ་འབྲེལ་བའི་ལས་ཅི་རིགས་ཤིག་སྤེལ་ཡོང་།

༄། དེ་རིང་དྲ་ལམ་ནས་ཕྲུ་གུ་བཙས་ནས་ཡུན་རིང་མ་ཕྱིན་པའི་ཨ་མ་ཞིག་གི་གཏམ་ཞིག་ཐོས། མོ་རང་གིས་གཡོག་མོ་གླས་ནས་ཕྲུ་གུ་ལ་ལྟ་སྐྱོང་བྱེད་འཇུག་བཞིན་ཡོད་པར་ཟད། ནུ་ཞོའང་ཤེལ་དུམ་ནང་ལ་ཞོས་ནས་གཡོག་མོ་ལ་ནུ་ཞོ་ལྡུད་འཇུག་བཞིན་ཡོད་ཟེར། དེ་ཐོས་དུས་སེམས་པ་འདྲ་སྐྱོ་སོང་། རྒྱུ་མཚན་ནི། ཉེ་ཆར་སེམས་ཁམས་རིག་པ་སྦྱངས་དུས་བྱིས་པ་དམར་རྗེན་ལ་བརྩེ་བ་ཅི་འདྲའི་གལ་ཆེན་པོ་ཡིན་པ་དང་བྱིས་དུས་ནི་དར་མའི་སེམས་ཁམས་བདེ་ཐང་ལ་ཤུགས་རྐྱེན་ཟབ་མོ་ཅི་འདྲ་ཡོད་པ་ཤེས་བྱུང་། ཐོག་མ་ནས་སེམས་ཁམས་སྦྱངས་དུས། སྦྲུམ་མ་དང་ཕྲུ་གུ་ཆུང་ཆུང་གི་ཕ་མས་ཚོས་ངེས་པར་སེམས་ཁམས་རིག་པ་ལྟ་དགོས་ས་རེད་སྙམ་བྱུང་། མ་གཞི་ང་ལ་འདིའི་ཐད་སྐད་ཆའི་སྐལ་མེད་ཀྱང་། ཉེ་ཆར་ཤེས་རྟོགས་བྱུང་བའི་སེམས་ཁམས་རིག་པའི་ལྟ་བ་ཁ་ཤས་འདིར་འགོད་འདོད་བྱུང་།

ཉམས་མྱོང་ཁ་ཤས་ནི་ཉམས་མྱོང་གཞན་ལས་ང་ཚོ་ལ་ཡུན་རིང་ཤུགས་རྐྱེན་ཐེབས་པའི་རྒྱུ་མཚན་ཅི་ཡིན་ཞེས་ན། འདིའི་འདྲི་ལན་གྱི་ཆ་ཤས་ཤིག་ནི་ང་ཚོ་བྱིས་དུས་ཀྱི་ཚོར་བ་སྐྱེན་པའི་དུས་དང་འབྲེལ་བ་ཡོད་ཟེར། ཚོར་བ་སྐྱེན་པའི་དུས་ནི། བྱིས་པ་ལ་དམིགས་བསལ་གྱི་ཁོར་ཡུག་གི་ཤུགས་རྐྱེན་ཐེབས་སླ་བའི་དུས་ཤིག་ཡོད་པ་དེ་ལ་ཟེར་ཞིང་། དུས་དེར་བྱུང་བའི་དོན་དག་གིས་ཕྲུ་གུའི་འཚར་ལོངས་ཀྱི་བརྒྱུད་རིམ་ཡོངས་སུ་འགྱུར་བ་གཏོང་ཐུབ། དཔེར་ན། ང་ཚོ་ཆེན་པོའི་སྐབས་ཀྱི་སེམས་ཁམས་བདེ་ཐང་ནི་ང་ཚོ་ཆུང་བའི་དུས་དང་འབྲེལ་བ་ཆེན་པོ་ཡོད་པ་རེད། ཆུང་དུས་བྱམས་སྐྱོང་མ་ཐོབ་པའི་མི་དེ་ཆེན་པོ་ཆགས་དུས་སེམས་ལ་གནད་དོན་མང་པོ་ཡོད་པར་མ་ཟད།གནད་དོན་དེ་དག་མི་ཚེ་གང་པོ་མི་དེ་དང་འགྲོགས་ངེས་རེད། མདོར་ན། བྱིས་པ་ལ་བརྩེ་བ་ནི་ནུ་ཞོ་ནང་བཞིན་གལ་ཆེ་བ་ཡིན་ཞིང་། ཕྲུ་གུ་དམར་འབྱར་དང་ཨ་མར་བར་ལ་བརྩེ་དུང་གི་འབྲེལ་ཐག་འཛུགས་རྒྱུ་ནི་ཕྲུ་གུའི་ཚེ་སྲོག་གི་ལོ་དང་པོའི་ནང་གི་འགག་རྩའི་དོན་ཆེན་དེ་ཡིན་པར་མ་ཟད། ཕྲུ་གུ་རྗེས་མ་ནར་སོན་དར་མའི་སྐབས་དང་མི་གཞན་དང་འབྲེལ་ལམ་ལེགས་པོ་འཛུགས་ཐུབ་མིན་ཡང་འདི་ལ་རག་ལས་པ་ཡིན།ཟེར།

༄།།མཐོང་ཡངས་དགུང་ལ་སྤྲིན་དཀར་ཚོམ་བུ་འགོད། །
འདབ་བཟང་ལྗོན་པས་སྦྲང་ཆར་བདུད་བརྩི་སྒུག །
དྲི་བཞོན་རླུང་བུས་ཞི་བསིལ་རེག་བྱ་སྦྱིན། །
སྔོ་ལྗང་སྤང་ལ་བདེ་བའི་རྩེད་དགར་རོལ། །