གསར་སྣོན་དང་བཅོས་བསྒྱུར།

————///—-དྲེད་པོ་ཧོར།
ཁ་པར་གྱིས་སྤྱི་གཉེར་ཁང་གྲགས་ཅན། ནོ་ཁི་ཡའི་[Nokia]བདག་དབང་མེ་ཁོར་[Microsoft]ཚང་ལ་སྤྲོད་རྒྱུའི་ཕྱིར་བསྒྲགས་འཚོགས་འདུའི་སྐབས། ནོ་ཁེ་ཡའི་སྤྱི་ཁྱབ་འགན་འཛིན་གྱིས་ཁོ་རང་གི་ཕྱག་བསྦྲེལ་ལག་རོགས་དཔུང་སྡེ་དང་བཅས་པ་ཚང་མའི་མདུན་དུ། “ང་ཚོས་ལས་འཛོལ་ནོར་འཁྲུལ་བྱས་པ་གང་ཡང་མེད་དེ། གང་ལྟར་ང་ཚོ་ཕམ་སོང་།” ཞེས་མིག་ནས་མཆི་བ་ཕྱུང་བཞིན་གཏམ་བཤད་མཇུག་བསྡུས་ཡོད།

ནོ་ཁི་ཡ་ནི་སྤྱི་ཚོགས་ནང་ཧ་ཅང་གི་ཡིད་བརྟེན་ཕེར་བ་དང་། གུས་བཀུར་ཐོབ་པའི་ཁ་པར་སྤྱི་གཉེར་ཁང་ཆེ་ཤོས་ཞིག་ཆགས་མྱོང་ཡོད་པ་རེད། འགན་འཛིན་གྱིས་བཤད་པ་ལྟར་ཁོ་ཚོས་ཚོང་ལམ་ནས་ནོར་འཚོལ་བྱས་ཉེས་ཆེན་པོ་གང་ཡང་བྱས་མེད། འོན་ཀྱང་འཛམ་གླིང་གི་འགྱུར་ལྡོག་ཆེས་མྱུར་དྲགས་པ་དང་། ཁ་གཏད་ཀྱི་ཁ་པར་གྱི་སྤྱི་གཉེར་ཁང་གཞན་རྣམས་སྟོབས་ཤུགས་རྒྱས་དྲགས་པས་ཁོ་ཚོ་ཚོང་ལམ་ནས་ཕམ་སོང་ཡོད།

ཁོ་ཚོ་ལ་ཕམ་ཉེས་ཆེན་པོ་བྱུང་བའི་རྒྱུ་རྐྱེན་གཙོ་བོ། ལག་རྩལ་གསར་སྦྱོང་གི་གོ་སྐབས་དང་། ལས་འཆར་ལ་བསྒྱུར་བཅོས་ཀྱི་གོ་སྐབས་དམ་འཛིམ་མ་ཐུབ་པའི་དབང་གིས། སྤྱི་གཉེར་ཁང་དེ་ཡར་རྒྱས་གོང་འཕེལ་དུ་བཏང་ཐུབ་མེད། ཁོ་ཚོ་ལ་བྱུང་བའི་ཕམ་ཉེས་ནི་དངུལ་ཀྱི་ཁེ་སྐྱེད་ཆེན་པོ་སྒྲུབ་ཐུབ་མིན་གྱིས་གནད་དོན་ཙམ་མ་ཡིན་པར། སྤྱི་གཉེར་ཁང་ཆེན་པོ་དེ་གཏན་དུ་འཚོ་གནས་མི་ཐུབ་པའི་གནས་སྟངས་སུ་གྱར་བ་ཡིན།

ནོ་ཁི་ཡའི་གནས་བབས་དེས་ང་ཚོ་ལ་ཅི་ཞིག་འཆད་ཀྱིན་ཡོད་པ་རེད་ལབ་པ་ཡིན་ན། ཡུལ་དུས་དང་མཐུན་པའི་འགྱུར་བ་གཏོང་མ་ཐུབ་ན། རང་ཉིད་རང་གིས་འགྲན་ཞུགས་ར་བ་ལས་ཕྱིར་འབུད་བཏང་བ་དང་ཆ་ཡིན། སྤྱིར་གསར་སྣོན་མི་བྱེད་པ་དེ་དོན་ལ་ནོར་འཁྲུལ་ཞིག་མིན་དུ་ཆུག་ཀྱང་། རང་གི་བསམ་བློས་ཡུལ་དུས་ཀྱི་རྗེས་མི་ཟིན་ནས་ཕྱིར་འབུད་ཐེབས་ཡོང་བ་ནི། ནོ་ཁི་ཡའི་ཁ་པར་སྤྱི་གཉེར་ཁང་ལ་འཕྲད་པའི་དཀའ་ངལ་དེས་གསལ་སྟོན་བྱས་ཡོད།

ཁྱོད་ས་ལ་འགྱེལ་བ་དང་རྗེས་སུ་ལུས་པ་ལ། ཁྱོད་རང་གིས་ནོར་འཁྲུལ་ཆེན་པོ་གང་ཡང་བཟོ་མི་དགོས། ཁྱོད་ཀྱི་འགྲན་རོགས་ཁ་གཏད་ཚོས་གོ་སྐབས་དམ་འཛིན་དང་། སྟོབས་ཤུགས་ཇེ་མགྱོགས་ལ་སོང་ན། དེ་ག་རང་ཁྱོད་རང་བཞིན་གྱིས་རྗེས་སུ་ལུས་འགྲོ་བ་ཡིན། དེ་ཕྱིར་བསྒྱུར་བཅོས་དང་གསར་སྣོན་ནི་རང་ཉིད་ལ་གོ་སྐབས་ཐེངས་གཉིས་པ་སྤྲད་པ་དང་། ཡང་ན་རང་གི་སྟོབས་ཤུགས་དང་ནུས་པའི་དབུགས་རྒྱུན་བསྲིང་བ་ལ་བརྩིས་ཆོག །
31/7/2022

མི་ཚེ་སྙིང་དོན། ང་ཚོ་ནི་མི་ཡུལ་ལ་ཁེར་རྐྱང་གིས་ཡོང་ལ་སླར་ཡང་ཁེར་རྐྱང་གི་འགྲོ་མཁན་ཤ་སྟག་ཡིན་པས། ཡུན་རིང་དུ་སྡོད་དབང་མེད་པ་ང་ཚོ་ནི་མི་ཡུལ་འདིའི་མགྲོན་པོ་ཤ་སྟག་ཡིན་པ་གོར་མ་ཆག འུ་ཅག་མི་ཡུལ་ཁྱིམ་ཚང་ཆེན་པོར་མགྲོན་དུ་འཁྱུག་ཙམ་བསྡད་པའི་དུས་ཚོད་དེའི་རིང་ལ་ཕན་ཚུན་རོགས་རམ་དང་འཆམ་མཐུན་ངང་སྡོད་དགོས་པ་ལས་ཕན་ཚུན་དཀྲུགས་ཤིང་དང་གཡོ་སྒྱུ་ཁྲམ་གསུམ་སོགས་ཀྱི་ངང་མི་ཚེ་ཟད་པ་ཡིན་ན་ཚེ་ཕྱི་མ་འགྲོ་བའི་ཉིན་མོ་དེར་རང་སེམས་ཀྱིས་ཁུར་པོ་ལྗིད་ཏིག་ཏིག་ཅིག་ཁུར་ནས་འགྲོ་དགོས་ཡོང་།

མཁན་ཆེན་ཚུལ་ཁྲིམས་བློ་གྲོས་ནས།

我们独自来到这人世界也并注定要独自离开。在此无权长居的我们，是人间这大家庭的来客。在此短暂的期间理应互相帮助，互相以真诚对待。而不是以隐形狡诈，你争我夺的事中度过此生。否则当我们离开的时候定要受重量无比的心理包袱。
一－慈诚罗珠堪布

ཁྱིམ།

家
ཁྱིམ་ཚང་ཕྱུག་བ་ནི་ངེས་པར་དུ་ཧུར་བརྩོན་གྲོན་ཆུང་བྱས་པའི་ཡིན།ཁྱིམ་ཚང་དར་བ་ནི་ངེས་པར་དུ་གུས་ལུགས་དྲང་བདེན་ཆེ་བའི་ཡིན།ཁྱིམ་ཚང་བདེ་བ་ནི་ངེས་པར་དུ་ཀུན་གྱིས་བཟོད་སྒོམ་བྱས་པའི་ཡིན།ཁྱིམ་ཚང་འཆམ་པ་ནི་ངེས་པར་དུ་བརྩེ་བའི་དུང་བ་ལྡན་པའི་ཡིན། ཁྱིམ་ཚང་རྒུད་པ་ནི་ངེས་པར་དུ་རྒྱན་འཇོག་ཤོ་རྒྱག་མང་བའི་ཡིན།ཁྱིམ་ཚང་དབུལ་བ་ནི་ངེས་པར་དུ་ལེ་ལོ་སྒྱིད་ལུག་ཆེ་བའི་ཡིན།ཁྱིམ་ཚང་ཕམ་པ་ནི་ངེས་པར་དུ་བཙན་ཤེད་དབང་ཤེད་ཆེ་བའི་ཡིན།
家福必有勤和俭；家兴必有礼和义.家安必有忍和让；家和必有情和爱. 家亡必有嫖和赌；家穷必有懒和惰.家败必有暴和凶.