【On.cc】吳若希捧譚嘉儀上位　阻菊梓喬冧莊

「星夢一姐」吳若希（Jinny）早年的《越難越愛》及《眼淚的秘密》兩首「金曲金獎」紅到發紫，但隨後突然結婚生女，歌唱事業真空一年，結果造就師妹菊梓喬（Hana）崛起，不單搶去其風頭，更狙擊其「一姐」地位，不和謠言不逕而走！
搵老闆申訴
今年狀態大勇的Jinny有熱播劇《多功能老婆》，又唱插曲《每段愛還是錯》，人氣高企。再踏戰場的她早就預料外間會再將她與Hana作比較，接受東網訪問淡然說：「是但啦！喺我角度冇所謂，人同人點都冇可能比到㗎嘛，因為每個人都有屬於佢自己嘅界別或者位置。」又直言與Hana毫不熟落：「我哋係同事關係囉，所以唔存在不和，你會唔會同一個唔熟嘅人不和呀？」亦有跟公司老闆發表意見：「我唔係好想成日同佢一齊拍住做嘢，因為唔想有啲無謂是非走出嚟，呢樣係我唯一驚嘅嘢。」她認為返工最緊要兩件事，一是為人情，二是為錢：「如果做嘢唔開心，不如唔好拍埋一齊做，大家各自喺自己範疇做嘢最好。」她坦言不想為是非而煩惱：「唔想搞到人哋，最慘本身係冇咁嘅事，但畀人寫到有，令到人哋誤會我對佢有意見，咁就唔係咁好！喺我立場，大家都係做嘢啫。」
星夢親生女：「我高啲！」
Hana今年初首奪「最受歡迎女歌星」，焦點卻放在Jinny身上，抨擊其浮誇大笑的動作，對此她笑說：「唯一好嘅地方，我仲有存在感喎！」並大爆當日司儀的原稿更激：「記得Mayanne（麥美恩）同我講原本份稿唔係咁，係刻意再製造多啲話題，但Mayan話唔好搞呢啲嘢，最後佢哋改咗份稿，對我嚟講個傷害性減低咗。」她完全明白只是公司搞Gimmick：「冇得解，公司要用呢啲新聞我哋冇得講任何嘢，公司捧得你，呢啲都係佢賦予你嘅嘢。」
Jinny由何哲圖一手湊大，是星夢「親生女」，有指她與Hana「咁高咁大」，她打趣說：「我高啲！我1米73，佢應該1米6幾，身高上高好多。」由星煥轉變到星夢，剛好10年，她感恩過去經歷的事：「好多碰撞、起跌，唯一慶幸係公司所有人陪住我長大，跌嘅時候佢哋會伸手扶我，喺我迷茫時教我應該點做。喺呢行會成長得快過人哋，見嘅人好多，唔同嘴臉嘅人亦特別多，仲有壓力，好彩有佢哋成班朋友一齊行。」新一年頒獎禮將至，她坦言想繼續努力製造不同話題：「唔好成日講我不和，同埋Hana唔係一個好玩嘅人，佢唔係好講嘢，如果得我講就冇嘢好玩。今年我諗吓不和邊個先，不如特登踩甩譚嘉儀條裙，仲要批佢月爭？」問到今年會否力爭「最受歡迎女歌星」？她坦言：「冇，今年我睇好譚嘉儀，佢係好叻嘅人，仲好勤力。」
服裝：MAGinShop
場地：港威酒店

艺人黎诺懿、黄智雯出席剧集《街坊财爷》“新生代争霸战”，期间大家分组企在半圆健身球上大玩“枕头战”，最后两组打成平手，众人饮苦茶受罚。讲到诺懿近来在电视曝光率很高，有此剧又有节目《长命不老》，他笑言之后想休息一阵：“本身剧集《C9特工》系紧接嘅，但系好彩抽起，如果一次过出晒啲存货，公司好似想同我断约咁。未知《C》几时会出，但本来系台庆剧。（会唔会失望？）咁又冇喎，都OK，唔使太密，惊啲人睇到闷。”对于被智雯踢爆想攞几个奖，诺懿笑言：“系呀，‘节目主持’、‘飞跃’、‘视帝’，仲有‘萤幕情侣’，希望攞三个以上！”问到最想攞哪个奖？他口窒窒笑言是‘萤幕情侣’：“同智雯合作好开心，希望拍档可以带挈搵真银。”

黄智雯想沾旺气

智雯亦表示：“诺懿成日话佢好旺女拍档，都希望可以沾下佢啲旺气，唔一定系视后，乜奖都好。”诺懿表示：“我连续两年冇失手，第一年系唐诗咏，第二年系李佳芯，今年都应该唔会失手，睇好你。”问到智雯可恨攞视后？她表示：“今年都未有耐，其实我都有几套剧未出，所以都未知，希望可以沾佢运气。”诺懿即笑言签多10年一定得，问他可希望把旺气沾番给自己？他表示：“梗系想，我有抽奖运，但除咗钱之外都希望可以攞吓‘名’嘅嘢，演艺嘅奖。”

畀老师写咗两次手册

问到可想攞奖威畀囝囝睇？诺懿即谓：“佢都未识威，依家仲唔肯出门口返学，净系想swimming同食sushi，佢仲畀老师写咗两次手册，第一日唔小心打咗两个小朋友，第二日仲系三个小朋友，老婆循循善诱教导佢，我都同家长讲唔好意思，小朋友系有啲身体碰撞，最紧要唔好伤到重要部位，佢系唔够瞓啫，够瞓就好乖。”

藝人#張智霖#（Chilam）和#李佳芯#（Ali）4月10日以大使身份出席《富衛保險冠軍賽馬日》參賽馬匹名單公布會。兩人將於4月28日到沙田馬場觀賞賽事，Chilam自認一向好運：「到時都會碰運氣，希望會有收穫，我其實真係好有運氣，已經進展到睇個名都估得中，我發現命中率有百分之八十！（再做馬主？）都會繼續抽，我突然諗起以前有隻叫『愛將』，遲啲可以向食物方面，甜醬、麵豉醬、混醬！」談到他每星期陪太太袁詠儀食Pancake，他笑說：「我唔可以再食啦！要進行減肥計劃，我要瘦到讓人心痛為止，成日畀我老婆打擊。最想聽到人同我講：『你唔好再瘦啦！』」Ali則表示一向沒有橫財運，並乘機向Chilam攞貼士：「我係要努力工作嗰種，平時都冇咩運氣，但希望一有呢啲盛事可以將啲運儲起，碰一次大運，我唔貪心。」問到兩人會否期望在戲劇上合作？Chilam說：「希望今次係個緣起，遲啲有機會合作。我最近拍完內地綜藝節目，遲啲就開拍電影。」