དཔལ་ལྡན་ཚོགས་གཉིས་ཆུ་གཏེར་བསྲུབས་པ་ལས།།
མཁྱེན་བརྩེའི་འོད་དཀར་ངེས་གསང་གྲུ་ཆར་འབེབས།།
གངས་ཅན་མཁས་གྲུབ་ཡོངས་ཀྱི་གཙུག་རྒྱན་མཆོག།
མཚོ་སྐྱེས་རྡོ་རྗེ་འགྲོ་བའི་བླ་མར་འདུད།།[合十]
མཁྱེན་བརྩེའི་འོད་དཀར་ངེས་གསང་གྲུ་ཆར་འབེབས།།
གངས་ཅན་མཁས་གྲུབ་ཡོངས་ཀྱི་གཙུག་རྒྱན་མཆོག།
མཚོ་སྐྱེས་རྡོ་རྗེ་འགྲོ་བའི་བླ་མར་འདུད།།[合十]
དཔལ་ལྡན་ཚོགས་གཉིས་ཆུ་གཏེར་བསྲུབས་པ་ལས།།
搅拌具德二资之大海
མཁྱེན་བརྩེའི་འོད་དཀར་ངེས་གསང་གྲུ་ཆར་འབེབས།།
智悲皓月密法妙甘露
གངས་ཅན་མཁས་གྲུབ་ཡོངས་ཀྱི་གཙུག་རྒྱན་མཆོག །
雪域诸成就者胜顶饰
མཚོ་སྐྱེས་རྡོ་རྗེ་འགྲོ་བའི་བླ་མར་འདུད། །
莲生金刚众生师前礼
搅拌具德二资之大海
མཁྱེན་བརྩེའི་འོད་དཀར་ངེས་གསང་གྲུ་ཆར་འབེབས།།
智悲皓月密法妙甘露
གངས་ཅན་མཁས་གྲུབ་ཡོངས་ཀྱི་གཙུག་རྒྱན་མཆོག །
雪域诸成就者胜顶饰
མཚོ་སྐྱེས་རྡོ་རྗེ་འགྲོ་བའི་བླ་མར་འདུད། །
莲生金刚众生师前礼
ཉིན་ཐོ།
༢༠༢༢/༨/༦ཉིན།
ཉིན་ཁ་ཤས་སྔོན་ལ་སྤྱི་སྟེགས་ཤིག་ལས་འབྲི་གུང་མཐིལ་གྱི་རྟེན་ཕྱག་གམ་དུར་ཁྲོད་ནི་བོད་ཀྱི་ལོ་རྒྱུས་ལས་བྱ་གཏོར་ལས་ཀྱི་མགོ་རྩོམ་ས་ལྟ་བུ་ཡིན་པ་ཞིག་མཐོང་། ལས་གྲོགས་གཡང་འཛོམས་ལ་དྲིས་ཙ་ན། མལ་གྲོ་གུང་དཀར་ལས་ཤར་ལྷོ་ཕྱོགས་སུ་སྤྱི་ལེ་བདུན་བཅུ་ཡས་མས་མཚམས་སུ་མཆིས་པ་དང་དེ་ཧ་ལས་པ་ཡོད་པར་བཤད། རང་ཡོད་ས་དང་ཐག་ཉེ་བས་འགྲོ་འདོད་ཚ་བོ་བླངས། དེ་རིང་ལས་གྲོགས་པདྨ་དང་བཀྲ་ཤིས། ཆུང་མ་དང་བཅས་ལྷན་ཆུ་ཚོད་བཅུ་བ་ནས་ལམ་ལ་ཆས་པ་ཡིན། ལམ་ཡག་པས་ཆུ་ཚོད་གཅིག་ཡས་མས་ནས་ཐོན་བྱུང་། གཞུང་ལམ་ནས་གཡོན་ཕྱོགས་ཀྱི་རི་དཀྱིལ་དུ་དགོན་པ་གྲ་དག་ཅིག་ཆགས་འདུག་པ་དེ་འབྲི་གུང་མཐིལ་རེད་ཅེས་པདྨས་མཛུབ་མོ་ཀེར་ཏེ་སྟོན་བྱུང་། ཁོ་བོའི་སེམས་ནས་འཚུབ་ཆ་ཞིག་བླངས་ཞོར་ཆུ་ཚོད་བལྟས་ཙ་ན་བཅུ་གཉིས་ཉེ་འདུག དེ་བས་མོ་ཏྲ་འཇོག་སར་བཞག་མ་ཐག་མཆོད་མཇལ་ལ་མ་སོང་བར་ཁ་ཐུག་རྟེན་ཕྱག་གཟས་ཏེ་སོང་། དེ་ནི་དགོན་པའི་ལྟག་རྒྱབ་ཏུ་འདུག་པས་སྤྱི་ལེ་གཅིག་དང་ཕྱེད་ཙམ་ལ་རྐང་པ་རྒྱག་དགོས་ཐུག ཁོ་བོ་བྲེལ་བས་དེད་དེ་འགྲོ་རོགས་དག་བསྐྱུར་ཏེ་ལམ་ཧྲིལ་བོར་རྒྱུགས་ཏེ་སོང་། དབུགས་འཚང་ཞོར་ཡར་ལ་གསེག་སྟེ་སོང་ཙ་ན་ཐང་ཅུང་ཙམ་བདེ་ས་རུ་མཐའ་སྐོར་ནས་མཁར་རྩིག་ཡོད་པ་དེར་ཐུག་ལ་མདུན་ཐད་དུ་ལྕགས་སྒོ་ཆུང་ཆུང་ཞིག་འདུག དེ་ཕྱེས་མ་ཐག་རྒོད་མང་པོ་གང་སར་བབས་འདུག་པ་མཐོང་། ང་དང་ཐག་ཉེ་ས་རུ་མི་འགས་རིད་པ་མང་པོ་ལྕགས་ཁེམ་གྱིས་སྣོད་ཅིག་ཏུ་བཅུག་གིན་པ་མཐོང་། ཁོ་བོ་དར་ཅིག་ཧད་སོང་། དེའི་རྗེས་ཅི་ཞིག་དྲན་པ་བཞིན་ཁ་པར་ལས་པར་ཞིག་བསྐྱོན་པ་ན། གམ་གྱི་ལས་མི་རྒན་པ་ཞིག་གིས་པར་མ་རྒྱག་རོགས་ལབ་བྱུང་། དེ་མ་ཐག་ཁ་པར་ཨམ་ཕྲག་ཏུ་བཅུག་སྟེ་ཡ་ལགས་ཡ་ལགས་ཞེས་ལན་སློག ངའི་གམ་གྱི་ཁྱོ་ཤུག་འདུག་པ་དེས་དེ་རིང་ཕུང་པོ་བདུན་མ་གཏོགས་མི་འདུག་ལབ། སེམས་སུ་ཉིན་མ་གཅིག་ལ་བདུན་ཡོད་ན་ནི་ཉུང་གྲངས་ཤིག་ག་ལ་ཡིན་སྙམ་ཞོར་རྟེན་ཕྱག་གི་ཉེ་སར་བཏུད་ཙ་ན་རྡོ་མང་པོ་གཤིབ་སྟེ་གྲལ་དག་མོས་སྒྲིག་འདུག་ལ་དེ་ཆ་ཚང་སྣུམ་ཞག་སེ་འདུག གཞན་དྲི་མ་ཡང་ཁ་བོ་ཞིག་འདུག དེར་ཧད་དེ་བསྡད་པ་ན་དེ་ཡི་ལས་བཟོ་བས་མཆོད་མཇལ་ཡོད་ཅེས་ཡར་བསྟན། ཁོས་བསྟན་པའི་ཕྱོགས་སུ་སོང་ཙ་ན་ཁང་ཆུང་ཞིག་ཏུ་མིང་མི་ཐོགས་པའི་བྲིས་རིས་འདྲ་བ་མང་པོ་འདུག དེ་ནི་པདྨས་ཅི་ཞིག་ཡིན་པ་ལབ་ཡོད་མོད། དབུས་སྐད་དཔྱིས་ཕྱིན་པ་མི་གོ་བས་འོ་ཡ་ཟེར་རྒྱུ་ལས་མ་བྱུང་། གསོལ་བ་རྣལ་དག་ཅིག་བཏབ། དེ་ཡང་འདས་གྲོངས་སུ་ཕྱིན་དེ་ཅུང་མ་ལོན་པའི་ཨ་ཕྱི་ཆེད་དུ། ཕྱིར་ལོག་ཁར་ལས་བཟོ་བར་འདིར་མཆོད་མེ་འཇོག་ས་ཡོད་དམ་དྲིས་པ་ན་མེད་པའི་བརྡ་འབྱོར།
སྔར་གྱི་ལམ་དེད་དེ་ཕྱིར་ལོག་རྗེས་དགོན་པའི་ནང་གི་རྟེན་རེ་རེར་མཇལ་བས་ན། ད་གཟོད་འདི་ནི་བཀའ་བརྒྱུད་དགོན་པ་ཡིན་པ་ཧ་གོ དགོན་པ་འདི་རིའི་དཀྱིལ་དུ་ཆགས་འདུག་པས་གྲྭ་ཤག་ཕལ་ཆེ་བའི་སྒོར་མོ་ཏྲ་སོགས་དེང་རབས་ཅན་གྱི་འཕྲུལ་ཆས་ཐར་ཐབས་མི་འདུག མིག་རྒྱངས་ཡངས་ལ་ལྷིང་འཇགས་ཀྱང་ཡིན་པས། དེབ་ལ་བལྟ་ན་འདི་ལས་མཆོག་ཅིག་མི་འདུག ཆུང་མར་ང་ཡང་འདི་རུ་སྡོད་དབང་བྱུང་ན་སྙམ་བྱུང་ཟེར་ཙ་ན། ཁྱོད་ཉིན་མ་གསུམ་ལས་སྡོད་ཐུབ་ཀི་མ་རེད་ཟེར། ལན་ཅང་མ་སློག་པར་ཚོགས་ཆེན་འདུ་ཁང་གི་གཤམ་ལ་ཐོན་ཙ་ན་དགོན་པའི་རྟེན་དང་དྲན་རྟེན་བཙོང་ས་འདུག་པ་དེར་ཕྱིན། ཞིབ་ཏུ་བལྟས་ཙ་ན་འབྲི་གུང་དགོན་པའི་ལོ་རྒྱུས་ཀྱི་དེབ་ཆུང་ཞིག་འདུག དེ་ཉོ་འདོད་ཤུགས་དྲགས་ཏེ་བསྡད་མོད་བཙོང་མཁན་སླེབས་མ་སོང་། ཉེ་འཁོར་གྱི་མི་དྲིས་ཙ་ན་ཁ་ལག་ཟ་རུ་ཆས་ཚར་ཟེར། ཅུང་ཙམ་སྒུག་མོད་ཐོན་མ་སོང་། དེ་ནས་སྒུག་མ་བཟོད་པར་དེ་རུ་མཉམ་པར་ཞིག་བསྐྱོན་རྗེས་བློ་འགྱོད་ཕྲན་དང་བཅས་ཕྱིར་ལོག་པའོ།།
༢༠༢༢/༨/༦ཉིན།
ཉིན་ཁ་ཤས་སྔོན་ལ་སྤྱི་སྟེགས་ཤིག་ལས་འབྲི་གུང་མཐིལ་གྱི་རྟེན་ཕྱག་གམ་དུར་ཁྲོད་ནི་བོད་ཀྱི་ལོ་རྒྱུས་ལས་བྱ་གཏོར་ལས་ཀྱི་མགོ་རྩོམ་ས་ལྟ་བུ་ཡིན་པ་ཞིག་མཐོང་། ལས་གྲོགས་གཡང་འཛོམས་ལ་དྲིས་ཙ་ན། མལ་གྲོ་གུང་དཀར་ལས་ཤར་ལྷོ་ཕྱོགས་སུ་སྤྱི་ལེ་བདུན་བཅུ་ཡས་མས་མཚམས་སུ་མཆིས་པ་དང་དེ་ཧ་ལས་པ་ཡོད་པར་བཤད། རང་ཡོད་ས་དང་ཐག་ཉེ་བས་འགྲོ་འདོད་ཚ་བོ་བླངས། དེ་རིང་ལས་གྲོགས་པདྨ་དང་བཀྲ་ཤིས། ཆུང་མ་དང་བཅས་ལྷན་ཆུ་ཚོད་བཅུ་བ་ནས་ལམ་ལ་ཆས་པ་ཡིན། ལམ་ཡག་པས་ཆུ་ཚོད་གཅིག་ཡས་མས་ནས་ཐོན་བྱུང་། གཞུང་ལམ་ནས་གཡོན་ཕྱོགས་ཀྱི་རི་དཀྱིལ་དུ་དགོན་པ་གྲ་དག་ཅིག་ཆགས་འདུག་པ་དེ་འབྲི་གུང་མཐིལ་རེད་ཅེས་པདྨས་མཛུབ་མོ་ཀེར་ཏེ་སྟོན་བྱུང་། ཁོ་བོའི་སེམས་ནས་འཚུབ་ཆ་ཞིག་བླངས་ཞོར་ཆུ་ཚོད་བལྟས་ཙ་ན་བཅུ་གཉིས་ཉེ་འདུག དེ་བས་མོ་ཏྲ་འཇོག་སར་བཞག་མ་ཐག་མཆོད་མཇལ་ལ་མ་སོང་བར་ཁ་ཐུག་རྟེན་ཕྱག་གཟས་ཏེ་སོང་། དེ་ནི་དགོན་པའི་ལྟག་རྒྱབ་ཏུ་འདུག་པས་སྤྱི་ལེ་གཅིག་དང་ཕྱེད་ཙམ་ལ་རྐང་པ་རྒྱག་དགོས་ཐུག ཁོ་བོ་བྲེལ་བས་དེད་དེ་འགྲོ་རོགས་དག་བསྐྱུར་ཏེ་ལམ་ཧྲིལ་བོར་རྒྱུགས་ཏེ་སོང་། དབུགས་འཚང་ཞོར་ཡར་ལ་གསེག་སྟེ་སོང་ཙ་ན་ཐང་ཅུང་ཙམ་བདེ་ས་རུ་མཐའ་སྐོར་ནས་མཁར་རྩིག་ཡོད་པ་དེར་ཐུག་ལ་མདུན་ཐད་དུ་ལྕགས་སྒོ་ཆུང་ཆུང་ཞིག་འདུག དེ་ཕྱེས་མ་ཐག་རྒོད་མང་པོ་གང་སར་བབས་འདུག་པ་མཐོང་། ང་དང་ཐག་ཉེ་ས་རུ་མི་འགས་རིད་པ་མང་པོ་ལྕགས་ཁེམ་གྱིས་སྣོད་ཅིག་ཏུ་བཅུག་གིན་པ་མཐོང་། ཁོ་བོ་དར་ཅིག་ཧད་སོང་། དེའི་རྗེས་ཅི་ཞིག་དྲན་པ་བཞིན་ཁ་པར་ལས་པར་ཞིག་བསྐྱོན་པ་ན། གམ་གྱི་ལས་མི་རྒན་པ་ཞིག་གིས་པར་མ་རྒྱག་རོགས་ལབ་བྱུང་། དེ་མ་ཐག་ཁ་པར་ཨམ་ཕྲག་ཏུ་བཅུག་སྟེ་ཡ་ལགས་ཡ་ལགས་ཞེས་ལན་སློག ངའི་གམ་གྱི་ཁྱོ་ཤུག་འདུག་པ་དེས་དེ་རིང་ཕུང་པོ་བདུན་མ་གཏོགས་མི་འདུག་ལབ། སེམས་སུ་ཉིན་མ་གཅིག་ལ་བདུན་ཡོད་ན་ནི་ཉུང་གྲངས་ཤིག་ག་ལ་ཡིན་སྙམ་ཞོར་རྟེན་ཕྱག་གི་ཉེ་སར་བཏུད་ཙ་ན་རྡོ་མང་པོ་གཤིབ་སྟེ་གྲལ་དག་མོས་སྒྲིག་འདུག་ལ་དེ་ཆ་ཚང་སྣུམ་ཞག་སེ་འདུག གཞན་དྲི་མ་ཡང་ཁ་བོ་ཞིག་འདུག དེར་ཧད་དེ་བསྡད་པ་ན་དེ་ཡི་ལས་བཟོ་བས་མཆོད་མཇལ་ཡོད་ཅེས་ཡར་བསྟན། ཁོས་བསྟན་པའི་ཕྱོགས་སུ་སོང་ཙ་ན་ཁང་ཆུང་ཞིག་ཏུ་མིང་མི་ཐོགས་པའི་བྲིས་རིས་འདྲ་བ་མང་པོ་འདུག དེ་ནི་པདྨས་ཅི་ཞིག་ཡིན་པ་ལབ་ཡོད་མོད། དབུས་སྐད་དཔྱིས་ཕྱིན་པ་མི་གོ་བས་འོ་ཡ་ཟེར་རྒྱུ་ལས་མ་བྱུང་། གསོལ་བ་རྣལ་དག་ཅིག་བཏབ། དེ་ཡང་འདས་གྲོངས་སུ་ཕྱིན་དེ་ཅུང་མ་ལོན་པའི་ཨ་ཕྱི་ཆེད་དུ། ཕྱིར་ལོག་ཁར་ལས་བཟོ་བར་འདིར་མཆོད་མེ་འཇོག་ས་ཡོད་དམ་དྲིས་པ་ན་མེད་པའི་བརྡ་འབྱོར།
སྔར་གྱི་ལམ་དེད་དེ་ཕྱིར་ལོག་རྗེས་དགོན་པའི་ནང་གི་རྟེན་རེ་རེར་མཇལ་བས་ན། ད་གཟོད་འདི་ནི་བཀའ་བརྒྱུད་དགོན་པ་ཡིན་པ་ཧ་གོ དགོན་པ་འདི་རིའི་དཀྱིལ་དུ་ཆགས་འདུག་པས་གྲྭ་ཤག་ཕལ་ཆེ་བའི་སྒོར་མོ་ཏྲ་སོགས་དེང་རབས་ཅན་གྱི་འཕྲུལ་ཆས་ཐར་ཐབས་མི་འདུག མིག་རྒྱངས་ཡངས་ལ་ལྷིང་འཇགས་ཀྱང་ཡིན་པས། དེབ་ལ་བལྟ་ན་འདི་ལས་མཆོག་ཅིག་མི་འདུག ཆུང་མར་ང་ཡང་འདི་རུ་སྡོད་དབང་བྱུང་ན་སྙམ་བྱུང་ཟེར་ཙ་ན། ཁྱོད་ཉིན་མ་གསུམ་ལས་སྡོད་ཐུབ་ཀི་མ་རེད་ཟེར། ལན་ཅང་མ་སློག་པར་ཚོགས་ཆེན་འདུ་ཁང་གི་གཤམ་ལ་ཐོན་ཙ་ན་དགོན་པའི་རྟེན་དང་དྲན་རྟེན་བཙོང་ས་འདུག་པ་དེར་ཕྱིན། ཞིབ་ཏུ་བལྟས་ཙ་ན་འབྲི་གུང་དགོན་པའི་ལོ་རྒྱུས་ཀྱི་དེབ་ཆུང་ཞིག་འདུག དེ་ཉོ་འདོད་ཤུགས་དྲགས་ཏེ་བསྡད་མོད་བཙོང་མཁན་སླེབས་མ་སོང་། ཉེ་འཁོར་གྱི་མི་དྲིས་ཙ་ན་ཁ་ལག་ཟ་རུ་ཆས་ཚར་ཟེར། ཅུང་ཙམ་སྒུག་མོད་ཐོན་མ་སོང་། དེ་ནས་སྒུག་མ་བཟོད་པར་དེ་རུ་མཉམ་པར་ཞིག་བསྐྱོན་རྗེས་བློ་འགྱོད་ཕྲན་དང་བཅས་ཕྱིར་ལོག་པའོ།།
✋热门推荐