#张敬轩[超话]#哇靠，原来係因为密接先出席唔到，OMG！原来轩轩寻日讲嘅劲多突发嘢要处理係咁～我只希望我轩仔平安冇事！健健康康！无论係隔离期间定係唔使隔离时检测结果都是冇问题嘅✌恭喜张敬轩得奖啊实至名归！！张敬轩你好叻叻啊！！hins连视频都好靓仔，唱得劲好听！！❤️

香港金曲颁奖典礼2021/2022

金曲獎：张敬轩《俏郎君》

香港金曲最佳中文唱片獎：
张敬轩《The Brightest Darkness》

香港金曲男歌手大獎：张敬轩

迫不得已，惟有打包個石鍋拌飯返去 —— 順便做功課！#估唔到喺呢個我眼中的小城市 Dinner time 都會客滿配菜有三小盒，但點解全部都係雷同嘅嘢？我覺得不過不失，冇喺現場食都唔係損失 尤其餐廳根本冇冷氣 @ Jalmogoyo (take away) , ​​Mulhouse, 法國 ​​​

#迪迪的Diary# 16

我曾經有個新朋友，識咗冇耐之後佢要搬屋，咁啱我有車，佢問我可唔可以搵一日幫佢搬一啲嘢，我一口應承咗，然後就搵咗一日幫佢搬啦。

嗰日來來回回咁搬，足足用咗一整日時間。咁我作為朋友，又冇要求要啲乜嘢回報嘅，但係佢好識做，佢話搬好執晒嘢之後，請我過嚟Housewarming Party，到時食餐勁嘅。咁我話：好啊！多謝你先！

如是者兩個月之後，我都冇再收到佢嘅電話。當然，我都唔係等佢嗰餐飯啦。但係我喺呢兩個月，不時見到佢post同好多同唔同嘅朋友喺屋企聚餐，無數咁多個Housewarming Parties。

我唔高興？當然有少少。但係我同佢都唔算係深交，所以冇再聯絡，友誼關係即時被擱置。

有啲朋友話：吓！咁你同佢絕咗交呀？我回答係咁嘅：你要咁樣標簽呢個動作，你咪當係叫做絕交囉，首先冇乜交情可言，如果有，呢啲交，好易絕姐！

有另一種絕交係，就算幾深厚感情都好，自己突然間被佢出賣，咁當然又係可以好絕咁樣去絕交啦。

但係朋友有好多種，有另一種複雜啲嘅case，就係嗰啲識咗好多年嘅朋友，從來都係好朋友嗰種，而踏入咗人生唔同嘅階段，例如有啲結婚、生仔、移民諸如此類，大家嘅生活、時間嘅分配、友誼同家庭之間嘅排序等等，都係考驗友誼嘅關鍵。而如果有時間再聚，嗰個化學作用已經冇晒嘅話，我意思係，例如，世界觀、人生觀、價值觀——三觀都唔同晒，咁再做朋友，又有咩意思呢？

呢類絕交，亦都唔使費氣力、費唇舌，慢慢自然會fade out。失望，當然會啦，而我自己就唔會為咗會感到「失望」，而再去食一餐冇意義嘅飯或者飲一晚冇營養嘅酒。

又另一種啦喎，呢種友誼關係，係近年因為網絡世界發達而衍生出嚟嘅，就係嗰種舊同學嘅群組。我好相信，以前嗰一代，就算以前返學嗰時幾咁friend都好，跟住讀完書，畢咗業，冇再聯絡好多年，突然喺街上面遇到嘅話，咪典型嗰種，點下頭，問候一下，寒暄兩句，再禮貌地或者核突P R地講多句：下次約埋以前嘅邊個邊個，同埋邊個阿Sir Miss出嚟聚下啦，然後之後乜嘢都冇發生過⋯⋯完。

但係呢個年代呢？無端端有一個好熱心嘅舊同學，Add咗你入一個舊同學嘅群組，然後你個電話被公諸於世，跟住嗰啲根本以前讀書嗰陣都未friend過嘅同學，都有咗你個電話，而佢又突然間私訊你，問可唔可以同佢搵到兩張Mirror飛！

我當然冇理佢啦，就算想理，都理唔到啦，你估我係花姐咩！而我最憎嗰啲回應係：唓！你依家做咗藝人，叫做出咗啲名，梗係唔理我哋呢啲舊同學啦！

吹到啤一聲！

我冇離開嗰個舊同學群組嘅原因係，因為喺群組裏面，都有啲我認為值得真心尊重嘅舊同學同埋老師，如果我突然離開，我唔想佢哋會諗多咗或者唔開心。最多咪mute咗個群組，有啱我嗲嘅就答，唔啱睇唔啱傾嘅，咪唔出聲囉。

你可以話：梗係啦，你呢啲，叫做入咗娛樂圈嘅舊同學，當然會遇到呢啲事啦。但係我話俾你聽，我有好多朋友，唔係呢一行，同樣遇到同樣事情，就係當嗰啲舊同學，做咗層壓式推銷、保險或者投資銀行之類，都一樣會收到呢類私訊，有咩分別？

最後我想講嘅係，我好怕嗰種唔知自己好迂腐咁去珍惜以往感情嘅心態，嗰啲咩嘢——以前我哋真係好friend㗎！係呀，以前吖嘛！依家係幾多年之後啊？仲係咁friend嘅，就自然係咁friend啦！

我哋要接受人生係充滿過客㗎，朋友、愛人、甚至親人都可以係我哋嘅過客嚟㗎；曾經有過嘅緣份，我哋可以珍惜、可以懷緬，而最後如果緣盡嘅時候，我哋都要理智地接受囉！

有啲緣份，會歷久常新；有啲緣份，要盡嘅時候係應該由得佢盡！

歌曲：徐小鳯 《誰又欠了誰》