【娛樂頭條】白色強人II丨劉溫馨節食反患暴食症 康復添自信穿低胸綁帶裙現身

陳豪（阿Mo）和劉溫馨今日出席《白色強人II》宣傳活動，問到為何不捐血？在疫情期間一直小心為上的阿Mo，坦言現場太多人，他會選擇自行到捐血站最穩陣；而溫馨則有貧血問題，笑言自己不夠用。阿Mo指近日疫情數字上升，家有小朋友的他會盡量小心，講到太太陳茵媺為復出拍劇積極備戰但傷到腰，阿Mo表示會提醒太太唞一唞，但對方停不下來因戲份重，難免辛苦少少。問到是否期待和太太拍劇？阿Mo笑說：「期待！她都十年沒拍劇，所以都大壓力，其實我們一直有共識，少少抗拒同劇，怕談情令大家睇厭，但如果由其他男演員和她合作，我心裡面又有少少不舒服，哈哈！（有親熱戲？）未知，盡量減少啦。」

陳豪指陳茵媺戲份重，受傷都冇時間休息。

疫情關係，陳豪都唔敢喺現場捐血。

而溫馨因過度減肥患暴食症，她說：「現在食量已回復正常，當時自己好似喪屍，控制不到地食，經常超市掃貨，惡性循環，可能當時節食太嚴格所致。」溫馨經治療後已康復，笑言只差幾磅便回到從前體重，坦言這幾磅已影響上鏡，會用健康減肥方式繼續。講到溫馨穿低胸綁帶裙性感現身，是否對身材恢復信心？她笑指綁帶裙一個人好難着上身，又指服裝是經理人揀，想着靚些出席最後一次宣傳。

劉溫馨曾患暴食症，現在已康復，並回復正常體重。

佢話仲差幾磅就回復最佳狀態，會以健康減肥方法去減。

劉溫馨同陳豪一同受訪。

幾位主角都有到場宣傳。

#白色强人2[超话]##刘温馨[超话]##陈豪[超话]#

藝人馬國明與胡定欣今日（26日）為無綫劇集《白色強人II》宣傳，活動後二人即場捐血。馬國明表示今次是首度捐血，由於他昨日才抽血驗身，所以今日捐血的分量比正常少：「公司問我介唔介意捐血，我每年都會抽血驗身，所以我唔驚抽血，不過尋日驗身都抽咗咗7、8筒血。（女友湯洛雯有冇年年驗身？）佢冇，佢仲後生，我就年年驗，近年對健康注重咗。」他指女友已出發到澳洲工作，但自己都不愁寂寞，要在家打理2隻小貓，加上亦有工作。
提到湯洛雯（靚湯）日前上載2人合照，網民質疑靚湯P圖太重手，以至馬國明變歪嘴，馬國明代女友澄清：「嗰張相佢冇P圖，係我笑咗成晚，所以笑到有啲扭曲，我可以做證佢冇P，咁其他相就唔知啦！其實好多女仔放相上網前都會執一執相、都係人之常情，有啲男仔都會，但我就唔識執。」

另外，馬國明在陳敏之的訪問節目中，自爆想旅行結婚，他稱的確有想過：「香港結婚有少少做騷感覺，我想簡單啲，其實未認真去傾。（你話將來結婚生小朋友，靚湯會整唔見小朋友嘅出世紙？）我好緊張啲文件，收到就會放得好整齊，但佢就好隨意，所以有機會唔見。」

【娛樂頭條】白色強人II丨胡定欣將踏入41歲生日 粉絲花心思穿醫生袍應援

胡定欣獲大批粉絲到場應援，粉絲穿上醫生袍並為9月9日踏入41歲的她送上蛋糕，預祝生日。講到即席答應捐血，定欣透露是首次體驗，感覺十分榮幸，身體力行之餘更可以醫生角色作呼籲，問到感覺如何？定欣大嘆抽血針頭好粗，有點痛自己也不敢望，但近幾年疫情都打了不少針，並不怕打針，她更說：「令我想起拍攝時的道具針也一樣粗，那一幕是幫安仔（郭晉安）做手術及化療。」

講到粉絲為定欣慶生，她指若非疫情每年都會有Party慶祝，大讚造型有心思，而生日願望是《白II》收視能夠再創高峰，問到可有人約她二人世界？她笑言未有但想，尚有兩個星期可以努力，而好姊妹胡杏兒也回港，相信會大班人為她慶祝，而林夏薇也在颱風天把握休息時機為她預先慶生，相當有心。

定欣話係第一次捐血。

粉絲好有心思，個個着晒醫生袍，為定欣做生日應援。

定欣今年嘅生日願望，係《白II》收視能夠再創高峰。

同場仲有郭晉安。

《白色強人II》收視同口碑都好好。

#白色强人2[超话]##胡定欣[超话]#