༄༅།།གཞུང་ཚིག་མང་དུ་བཟུང་སྟེ་བསྐྱར་ན་ཡང༌། ། དོན་ལ་མི་སེམས་རིམ་གྲོའི་ཆོས་ཀློག་དང༌། ། ནེ་ཙོའི་འདོན་པ་ལྟ་བུ་བརྒྱ་ཚར་གྱིས། ། བརྗོད་བྱའི་གནད་ལ་སྒྲོ་འདོགས་མི་ཆོད་པས། ། དོན་ལ་བརྟག་དཔྱད་ཞིབ་མོ་གྱིས་ཤིག་ཨང༌། །
文殊依怙贡唐丹贝准美说：“虽背多文且亦反复诵，然不思义犹如诵经忏，及似鹦鹉学舌诵百遍，亦不能断所诠之增益，故劝于其义理细思索。

࿐ཨོ་རྒྱན་རིན་པོ་ཆེ་ལ་གསོལ་བ་འདེབས།།འགལ་རྐྱེན་བར་ཆད་མི་འབྱུང་ཞིང༌།།མཐུན་རྐྱེན་བསམ་པ་འགྲུབ་པ་དང༌།།མཆོག་དང་ཐུན་མོང་དངོས་གྲུབ་སྩོལ།།

བུད་མེད་ཀྱི་ཡོན་ཏན།

རང་གི་རང་དོན་ཡུལ་གྱི་སྤྱི་དོན་དང༌། །
རྒྱལ་པོའི་རྒྱལ་ཐབས་སྤྲང་པོའི་འཚོ་ཐབས་སོགས། །
ཆེ་ཆུང་བྱ་བ་གང་དང་གང་ལ་ཡང༌། །
མེད་དུ་མི་རུང་བ་ནི་བུད་མེད་ཡིན། །

འདོད་པའི་དོན་ལ་སྨོན་ལམ་འདེབས་པ་དང༌། །
ལྷག་པའི་ལྷ་ལ་མཆོད་སྦྱིན་བྱེད་པ་སོགས། །
བུད་མེད་དག་དང་ལྷན་ཅིག་བསྒྲུབ་ན་ནི། །
བསླུ་མེད་འབྲས་བུ་མྱུར་དུ་སྨིན་པར་བཤད། །

ཡངས་བའི་འཇིག་རྟེན་མྱ་ངམ་ཐང་བཞིན་ཆེ། །
ལས་ངལ་ཁུར་གྱིས་སྐྱེས་བུ་ངེས་པར་སྐྱོ། །
དེ་ལ་དགའ་བའི་སྤྲོ་བ་སྦྱིན་ནུས་པའི། །
རྩེད་གྲོགས་བུ་མོ་ལས་ཀྱིས་སྤྲུལ་པ་འདྲ། །

མཐོང་བས་ཡིད་དགའ་གཟུགས་ཀྱི་ལྷ་མོ་སྟེ། །
རིགས་རྒྱུད་བཟང་པོ་བསྐྱེད་པའི་ཞིང་ས་ཡིན། །
སྡུག་པའི་ནད་གཡོག་བྱེད་པའི་མ་མ་དང༌། །
སྐྱོ་བའི་སེམས་གསོ་གཏོང་བའི་སྙན་ངག་མཁན། །

ཁྱིམ་གྱི་ལས་ཀུན་བྱེད་པའི་གཡོག་མོ་སྟེ། །
ཚེ་གཅིག་རྩེ་དགས་སྐྱོང་བའི་གྲོགས་མོ་ཉིད། །
སྔོན་བསགས་ལས་ཀྱིས་འབྲེལ་བའི་ཆུང་མ་ལ། །
ཡོན་ཏན་རྣམ་པ་དྲུག་པོ་འདི་དག་ལྡན། །

དགེ་འདུན་ཆོས་འཕེལ་གྱིས་བརྩམས།