དུས་རབས་གསར་པའི་མྱི།

དེང་དུས་མྱི་ཕལ་ཆེར་གཞན་གྱི་རྒྱུད་ནས་ལེགས་ཆ་རེ་རེ་ལེན་རྒྱུ་ཡོད་མིན་མ་ལྟོས་པར། ཁོའི་སྟེང་དུ་སྐྱོན་ཞིག་ཨེ་རྙེད་ལྟ་རྒྱུ་ལ་དགའ་བའི་གོམས་གཤིས་ཤིག་ཏུ་འགྲོ་དང་འགྲོ་བཞིན་པ་དང་། ཕྱོགས་སུ་ལྷུང་བའི་ཀུན་སློང་དྲག་པོ་ཞིག་ཁུར་གྱིན་སྤོབས་པ་མཐོན་པོས་གནམ་ལ་ལྟ་བའི་དུས་རབས་གསར་པའི་མྱི་འདི་ཚོ་ལ་ཡང་སྙིང་སྣང་བ་མཐོན་པོ་བྱེད་པའི་སྙིང་སྟོབས་གང་ཞིག་རྙེད་སོང་བ་ཡིན།

༼ཕ་དམ་པ་དྲན་གདུང་དབྱངས་ཀྱིས་གདུང་མཆོད།།༽

གང་དེ་རྒྱལ་སྲས་ལྷ་ཡི་མཆོག །
མཁྱེན་སྟོན་བླ་མེད་འབྱུང་བའི་ཕ།།
སངས་རྒྱས་ལྷ་ཡི་བཅོམ་ལྡན་དེར།།
བསྐལ་ཅིག་མ་ཡིན་སྙིང་ནས་འདུད།།
འཇིག་རྟེན་རྒུད་པའི་ངོ་བོ་ཀུན།།
མ་རིག་རྨོངས་པའི་རྩྭ་ལག་འཁྱིལ།།
ཁྱོད་ཀྱི་འབྱུང་བའི་ས་ཀུན་ནི།།
བློ་ལྡན་བདག་གི་ཡིད་ངོར་མེད།།
ཁྱོད་ཀྱི་བློ་ཡི་སྤོབས་པ་ཀུན།།
བདག་གི་ཁོང་དུ་ཆུད་མི་འགྱུར།།
གློ་བུར་ནད་ཀྱི་ཚེ་ཡི་སྒོ།།
མཐར་འཛིན་འཆིང་བ་མ་བརྟན་པར།།
གང་དེ་འཇིག་རྟེན་འདི་མིན་ཞེས།།
ཡུལ་གཞན་ཕེབས་པ་བདག་ཡིད་སྐྱོ།།
དྲིན་ཅན་ཁྱོད་ཀྱིས་བདག་ཅག་ལ།།
སྨན་བཞིན་བཀའ་དང་འཁོར་ཆོས་ཀུན།།
སྦྱིན་པ་འདི་ཉིད་ལེགས་བསམ་ཡང་།།
རྒྱུ་སྐར་ཁྲོད་ཀྱི་ཟླ་མེད་བཞིན།།
ཉི་ཟླ་སྤྲིན་གྱིས་བཟུང་བ་ལས།།
མིག་དང་འཁོར་ལས་ཁྱོད་ཉིད་བྲལ།།
སྡུག་གཏམ་མི་བྱ་འཇིག་རྟེན་ཞེས།།
ཉམ་ངའི་གཡང་དུ་བདག་ཉིད་ལྷུང་།།
ཡོད་དང་མེད་པའི་རང་བཞིན་ལས།།
ལྟོས་མེད་ནམ་མཁའི་མེ་ཏོག་བཞིན།།
རང་བཞིན་གྲུབ་ན་ཕ་དེ་ཉིད།།
ཡིད་ཀྱི་ཁང་བཟང་གཡོ་མེད་དུ།།
བསྐལ་བརྒྱ་འགོར་ཡང་བརྗེད་མེད་མཆིས།།

ཞེས་རེབ་གོང་ཕལ་མི་ནས་༢༠༢༢ལོའི་ཟླ༧པའི་ཚེས་༢༨ཉིན་རང་ཁྱིམ་དུ་བྲིས།

【མཚོ་སྔོན་གྱིས་དབང་བོ་སྐྱོན་ཅན་ཁ་གསབ་ལམ་ལུགས་གཉིས་ཀྱི་ལག་བསྟར་བསམ་འཆར་ཁྱབ་བསྒྲགས་བྱས་པ།】ཉེ་ཆར། མཚོ་སྔོན་ཞིང་ཆེན་དམངས་སྲིད་ཐིང་དང་ཞིང་ཆེན་ནོར་སྲིད་ཐིང་། ཞིང་ཆེན་དབང་བོ་སྐྱོན་ཅན་མཉམ་འབྲེལ་ལྷན་ཚོགས་བཅས་ཀྱིས་དཀའ་ངལ་ཡོད་པའི་དབང་བོ་སྐྱོན་ཅན་གྱི་འཚོ་བའི་ཁ་གསབ་དང་ཚབས་ཆེའི་དབང་བོ་སྐྱོན་ཅན་གྱི་ནད་བཅོས་ཁ་གསབ་ལམ་ལུགས་སྔར་ལས་འཐུས་ཚང་དུ་གཏོང་བའི་ལག་བསྟར་བསམ་འཆར་མཉམ་དུ་ཁྱབ་བསྒྲགས་བྱས། དེའི་མིགས་ཡུལ་ནི་དབང་བོ་སྐྱོན་ཅན་གྱི་ཁ་གསབ་གཉིས་ཀྱི་ཕན་བདེའི་འགན་ལེན་ལམ་ལུགས་སྔར་ལས་འཐུས་ཚང་དུ་གཏོང་བ་དང་། དབང་བོ་སྐྱོན་ཅན་དབུལ་ཐར་འགག་སྒྲོལ་བྱེད་པའི་གྲུབ་འབྲས་སྲ་བརྟན་དུ་གཏོང་བ། དབང་བོ་སྐྱོན་ཅན་གྱི་དམིགས་བསལ་འཚོ་བའི་དཀའ་ངལ་དང་ཡུན་རིང་བདག་སྐྱོང་བྱེད་པའི་དཀའ་ངལ་མུ་མཐུད་ཐག་གཅོད་བྱེད་པ་བཅས་ཡིན།《ལག་བསྟར་བསམ་འཆར》2023ལོའི་ཟླ1པོའི་ཚེས1ཉིན་ནས་བཟུང་ལག་བསྟར་བྱ་རྒྱུ་རེད།

《ལག་བསྟར་བསམ་འཆར》ནང་། ཞིབ་ཚགས་སྒོས་ཁ་གསབ་བྱ་ཡུལ་ཁ་གསལ་བཟོས་ཡོད་ཅིང་། དཀའ་ངལ་ཡོད་པའི་དབང་བོ་སྐྱོན་ཅན་གྱི་འཚོ་བའི་ཁ་གསབ་བྱ་ཡུལ་ནི་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་བའི་འགན་ལེན་ལོངས་སྤྱོད་མཁན་དང་། མ་མཐའི་འཚོ་བའི་འགན་ལེན་བྱ་ཡུལ་ཁྱིམ་ཚང་དུ་གཏན་འབེབས་བྱས་ཡོད་པའི་རིམ་པ་དང་པོ་དང་། རིམ་པ་གཉིས་པ། དེ་བཞིན་རིམ་པ་གསུམ་པ། རིམ་པ་བཞི་པ་བཅས་ཀྱི་དབང་བོ་སྐྱོན་ཅན་དང་། བསྟུད་མར་ཟླ་གསུམ་ཡན་ལ་གཏན་འཇགས་ཡོང་འབབ་མེད་པའི་རིམ་པ་དང་པོ་དང་། རིམ་པ་གཉིས་པའི་དབང་བོ་སྐྱོན་ཅན་ཡིན་པ་རེད། ཚབས་ཆེའི་དབང་བོ་སྐྱོན་ཅན་ལ་བདག་སྐྱོང་བྱེད་པའི་ཁ་གསབ་བྱ་ཡུལ་ནི་རིམ་པ་དང་པོ་དང་། རིམ་པ་གཉིས་པའི་དབང་བོ་སྐྱོན་ཅན་ཡིན།

《ལག་བསྟར་བསམ་འཆར》ནང་། འགུལ་རྣམ་ལེགས་སྒྲིག་ལམ་སྲོལ་བཙུགས་ནས། དབང་པོབོ་སྐྱོན་ཅན་གྱི་འཚོ་བའི་དཀའ་ངལ་ཆེ་ཆུང་དང་། ཡུན་རིང་ལྟ་སྐྱོང་བྱེད་པའི་དགོས་མཁོར་དཔྱད་དཔོག་གང་ལེགས་བྱེད་པའི་རྨང་གཞིའི་སྟེང་། དབང་བོ་སྐྱོན་ཅན་གྱི་ཁ་གསབ་རོགས་དངུལ་གྱི་ཚད་གཞི་ཁག་གཉིས་དུས་ལྟར་ལེགས་སྒྲིག་བྱས་ནས་ཁ་གསབ་ཚད་གཞི་དེ། མཚོ་སྔོན་ཞིང་ཆེན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཆུ་ཚད་དང་ནོར་སྲིད་ཀྱི་ཐེག་ནུས་དང་འཚམ་པར་བྱེད་པ་དགོས་པ་མ་ཟད། དབང་བོ་སྐྱོན་ཅན་གྱི་འཚོ་བའི་འགན་ལེན་གྱི་དགོས་མཁོ་དང་ཡུན་རིང་ལྟ་སྐྱོང་གི་དགོས་མཁོར་ལྟ་རྟོག་ཐུབ་པ་བྱས་ཡོད།

《ལག་བསྟར་བསམ་འཆར》ནང་། རེ་ཞུའི་ཆ་རྐྱེན་དང་ཞིབ་མཆན་འགོད་པའི་གོ་རིམ་ཚད་ལྡན་དུ་བཏང་བ་དང་། དབང་བོ་སྐྱོན་ཅན་གྱི་ཁ་གསབ་ཁག་གཉིས་རེ་ཞུ་བྱེད་པ། དབང་བོ་སྐྱོན་ཅན་རང་ཉིད་དམ་ཡང་ན་དེའི་ཁྲིམས་ཀྱིས་གཏན་འཁེལ་བྱས་པའི་ལྟ་སྐྱོང་མཁན། ཁྲིམས་ཀྱིས་གཏན་འཁེལ་བྱས་པའི་བདག་སྐྱོང་མཁན་དང་། གསོ་སྐྱོང་བཅས་ཀྱི་འོས་འགན་འཁུར་མཁན་གནས་སའི་གྲོང་ཚོ（གྲོང་མི）ཨུ་ཡོན་ལྷན་ཁང་ངམ་ཡང་ན་མངགས་བཅོལ་མི་སྣ་གཞན་དག་གི་ཁྱིམ་ཐོ་ཡོད་པའི་ཤང་གྲོང་མི་དམངས་སྲིད་གཞུང་དང་ཁྲོམ་གཞུང་དོན་གཅོད་ཁང་ལ་ཡིག་ཐོག་གི་རེ་ཞུ་བྱེད་པ་དང་། དགོས་ངེས་ཀྱི་བདེན་དཔང་རྒྱུ་ཆ་མཁོ་འདོན་བྱེད་དགོས། དབང་བོ་སྐྱོན་ཅན་གྱི་ཁ་གསབ་གཉིས་ལ་ཞིབ་མཆན་འགོད་པའི་གོ་རིམ5ཡོད་པ་དང་། དེ་དག་ནི་རང་མོས་རེ་ཞུ་དང་། རེ་ཞུ་བདག་སྤྲོད། ཐོག་མའི་ཞིབ་བཤེར་སྤྱི་བསྒྲགས། དབང་བོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་ཞིབ་བཤེར་བྱེད་པ། དམངས་སྲིད་ཞིབ་བཤེར་གཏན་འབེབས་བཅས་ཡིན།

《ལག་བསྟར་བསམ་འཆར》ནང་། ཁ་གསབ་སྲིད་ཇུས་ཀྱི་སྦྲེལ་མཐུད་གཏན་འབེབས་འཐུས་ཚང་དུ་བཏང་ནས། འབྲེལ་ཡོད་སྲིད་ཇུས་ཀྱི་བླང་བྱ་ལྟར། རང་རེའི་ཞིང་ཆེན་གྱི་དོན་དངོས་དང་ཟུང་འབྲེལ་སྒོས། དབང་བོ་སྐྱོན་ཅན་གྱི་ཁ་གསབ་རོགས་དངུལ་གཉིས་སྤྲོད་པའི་སྲིད་ཇུས་དང་སྤྱི་ཚོགས་ཀྱི་ཕན་བདེ། སྤྱི་ཚོགས་ཀྱི་རོགས་སྐྱོབ། སྤྱི་ཚོགས་ཀྱི་འགན་བཅོལ་སོགས་སྲིད་ཇུས་དང་འབྲེལ་བའི་ཞིབ་ཕྲའི་གཏན་འབེབས་དང་འཐུས་ཚང་དུ་བཏང་ཡོད། ཆ་རྐྱེན་འཛོམས་པའི་དབང་བོ་སྐྱོན་ཅན་གྱིས་དུས་མཉམ་དུ་འཚོ་བའི་ཁ་གསབ་དང་ནད་གཡོག་ཁ་གསབ་དངུལ་ལེན་ཆོག་པ་གཏན་འབེབས་བྱས་ཡོད། དེ་དང་ཆབས་ཅིག་འབྲེལ་ཡོད་ཕན་བདེའི་རང་བཞིན་གྱི་འཚོ་བ་དང་ནད་གཡོག་ཁ་གསབ（གསབ་དངུལ）དང་མཐུན་ཚེ་མཐོ་བའི་རེ་ཞུ་རིགས་གཅིག་གདམ་ཆོག་པ་དང་། ཚབས་ཆེའི་དབང་བོ་སྐྱོན་ཅན་ལ་ལྟ་སྐྱོང་བྱེད་པའི་ཁ་གསབ་དེ་སྲིད་གཞུང་གིས་ཞབས་ཞུ་ཉོ་སྒྲུབ་ཡང་བསྐྱར་ལོངས་སྤྱོད་བྱས་མི་ཆོག དྭ་ཕྲུག་གི་གཞི་རྩའི་འཚོ་བའི་འགན་སྲུང་ལོངས་སྤྱོད་བྱེད་པའི་དབང་བོ་སྐྱོན་ཅན་གྱི་བྱིས་པས་འཚོ་བའི་ཁ་གསབ་རོགས་དངུལ་ལོངས་སྤྱོད་བྱེད་རྒྱུ་མེད་མོད། ནད་གཡོག་གི་ཁ་གསབ་རོགས་དངུལ་ཡང་ལོངས་སུ་སྤྱོད་རྒྱུ་ཡོད། དབང་བོ་སྐྱོན་ཅན་གྱི་ཁ་གསབ་ཁག་གཉིས་མ་མཐའི་འཚོ་བའི་འགན་ལེན་ནང་མི་བརྩི་བ་དང་། མ་མཐའི་འཚོ་བ་འགན་ལེན་གྱི་ཁྱབ་ཁོངས་སུ་ཀྱི་ཁྱིམ་ཚང་གི་ཡོང་འབབ་ཞིབ་རྩིས་ཁྱབ་ཁོངས། ཁྱིམ་ཚང་གི་བཀོལ་སྤྱོད་ཆོག་པའི་ཡོང་འབབ་ཁོངས་སུ་མི་བརྩི། ལས་རྨས་འགན་བཅོལ་གྱི་འཚོ་བའི་བདག་སྐྱོང་འགྲོ་གྲོན་ལེན་པ་དང་དམིགས་བསལ་དཀའ་ངལ་ཡོད་པའི་བདག་སྐྱོང་མི་སྣའི་རོགས་སྐྱོབ་འགན་ལེན་ཁོངས་སུ་བཅུག་ཡོད་པའི་རིགས་ལ་དབང་བོ་སྐྱོན་ཅན་གྱི་ཁ་གསབ་རོགས་དངུལ་ཁག་གཉིས་ལོངས་སྤྱོད་བྱེད་རྒྱུ་མེད། ཁྱིམ་ཐོ་ཡོད་པའི་ས་ཁོངས་ཕྱི་རོལ་དུ་སློབ་གསོ་མྱོང་མཁན་གྱི་དབང་བོ་སྐྱོན་ཅན་གྱི་སློབ་མའི་རེ་འདུན་གྱི་རྩ་དོན་སོགས་ཞིབ་ཕྲའི་གནས་ཚུལ་རིགས8ལ་དབྱེ་ཡོད།

《ལག་བསྟར་བསམ་འཆར》ནང་། ཁ་གསབ་ཀྱི་འགུལ་རྣམ་ལེགས་སྒྲིག་དང་ཕྱིར་འཐེན་བྱེད་པའི་ལམ་སྲོལ་བཙུགས་པ་དང་། དབང་བོ་སྐྱོན་ཅན་གྱི་མ་མཐའི་འཚོ་བའི་འགན་ལེན་དང་མ་མཐའི་འཚོ་བའི་འགན་ལེན་གྱི་ཁྱབ་ཁོངས་སུ་ཚུད་པའི་ཁྱིམ་ཚང་གི་ཁྱབ་ཁོངས་ནས་ཕྱིར་འཐེན་བྱས་ཏེ་གཏན་འཇགས་ཡོང་འབབ་མེད་པའི་རིགས་གཏན་འཇགས་ཡོང་འབབ་ཡོད་པར་གྱུར་ཡོད་པ་དང་། དབང་བོ་སྐྱོན་ཅན་ཤི་བ་དང་། ཁྱིམ་ཐོ་གནས་སྤོར་བྱས་པ། དབང་བོ་སྐྱོན་ཅན་གྱི་ལག་ཁྱེར་དུས་ཚོད་ཡོལ་བ། དབང་བོ་སྐྱོན་ཅན་གྱི་ལག་ཁྱེར་མེད་པར་བཟོས་བ་སོགས་ཁ་གསབ་ཀྱི་ཆ་རྐྱེན་དང་མི་མཐུན་པར་ཟླ་རེར་ཁ་གསབ་སྤྲོད་མཚམས་འཇོག་རྒྱུ་རེད། ཁ་གསབ་ལོངས་སུ་སྤྱོད་སྐབས་མི་དམངས་ཁྲིམས་ཁང་གིས་དུས་བཀག་བཙོན་འཇུག་ཡན་གྱི་ཁྲིམས་ཆད་བཅད་པ་མ་ཟད། བཙོན་ཁང་དུ་ཁྲིམས་ཆད་འཁུར་བཞིན་པའི་དབང་བོ་སྐྱོན་ཅན་ལ་ཁྲིམས་ཐག་བཅད་པའི་ཟླ་རྗེས་མ་ནས་བཟུང་ཁ་གསབ་སྤྲོད་མཚམས་འཇོག་དགོས་པ་དང་། ཁྲིམས་ཆད་འཁུར་ཡུན་ལོན་རྗེས་ཆ་རྐྱེན་དང་མཐུན་པར་བསྐྱར་དུ་གོ་རིམ་གཞིར་བཟུང་ཁ་གསབ་རེ་ཞུ་བྱས་ཆོག

《ལག་བསྟར་བསམ་འཆར》ནང་། ད་དུང་ཁ་གསབ་སྤྲོད་པའི་དོ་དམ་གྱི་བླང་བྱར་ཤུགས་སྣོན་བྱས་ཡོད། །