以为会好恐怖结果好搞笑（肚痛噶只）
《金宵大厦》
第一单元是奶茶三兄弟的故事
●告诫晚上别喝奶茶
看完现在看到吸管 眼睛都觉得有点疼hh
爷爷诈尸 系甘行黎行去又恐怖又搞笑然后又可怜还会濑屎
成出戏的上帝 靓宝
因为我喜欢猫吗 怎么也不觉得佢恐怖咯
靓宝超得意

看了两个单元的故事 更喜欢第一个 黑色幽默就是很喜欢
每集就一开始有点东西故作恐怖的东西走出来之外 其余基本没什么高能的地方 哈哈哈
说不上好看 还时不时有点奇奇怪怪的台词 让人出戏 5/10⭐
女主角无啦啦话佢见到雪 系甘笑转原地了几圈 系我就吓跑了 男主还上去打车轮 不过这是奇幻剧 由佢啦 哈哈哈哈

一切嚟得太快！雖然一早有晒心理準備，但真係冇諗過結局會是這樣的！

做咗50幾年人自問從未好似今晚咁喊到這個樣子！

我不知對住Pinky 講咗幾多百遍「對唔住」！即使知道我已盡力照顧佢，但係始終都是不斷的自責！

點解昨晚佢叫得咁辛苦我唔抱住佢多啲？點解我冇好好咁陪佢自己忍唔住瞓著咗？點解我唔俾佢食餐更好的最後晚餐先讓她離開我？點解今朝睇醫生時量血壓咁高唔早啲讓佢舒舒服服咁離開？點解佢今日瀨屎，我幫佢沖涼時唔開暖啲水，用風筒吹得更乾爽俾佢舒舒服服呢？點解我要落街去買佢用嘅壓力舒緩劑，獨留佢一個喺屋企？點解平時我咁謹慎把所有門窗都關閉，但唯獨今日我容許菲傭放假打開佢工作平台嘅門？點解平時唔會入菲傭房嘅Pinky 今日會走入去呢？點解佢會選擇匿埋喺嗰度，更失足 …

腦海裏面湧現出同Pinky這21年來好多好多好多難忘的畫面，眼淚亦同時間不斷咁湧出來！

從獸醫診所回家看到一大堆我最近為Pinky 添置的物資就更令我傷感！因為兩天前我還看得出Pinky頑強的生命鬥志，病情雖然反覆但都算越來越穩定。佢仲願意食double 以前食物的份量！

所以為咗同Pinky 打贏呢場杖，我這幾天更憑信心訂購咗好幾箱配方糧，罐罐，大裝貓砂，全新飲水機，食物餐具，連打皮下水嘅物資都訂齊！

點知今天她要回天家了！我只能安慰自己，那裏不會再有痛苦，祈求 Pinky可以喺上帝的懷裏得到永遠的安息！

我慶幸早有預備，同佢和媽媽一家三口影咗幾輯好靚嘅照片做留念，因為知道佢已經21歲，正是人類剛好100歲的人瑞了！一個Perfect Number！佢經歷過咁多次大病，可以捱到今日才返天家，我真心覺得我哋已經賺咗了！

Pinky Chan, I love you! You will be dearly missed by daddy and Grandma!

就讓我這個分享總結我和Pinky一生嘅記錄！

恕我未能一一回覆各位對我，媽媽和Pinky嘅留言和問候，大家嘅關心我收到晒，感謝！ https://t.cn/R2WxksT

Pinky 昨日整晚喊得更慘厲，仲要有點 hyperactive 通屋走，我成晚都冇乜點瞓陪住佢。佢開始唔肯食藥和配方糧，可幸仍食少少罐罐！

今朝一早去診所問醫生再量血壓。點知仲比昨日為高，竟達260度！

醫生即刻開咗啲降血壓藥俾佢，叫我星期三再返去覆診！雖然佢不停飲水明顯係體內唔夠水份，但因為血壓過高，醫生始終仍然建議不要繼續打皮下水！

現在要調教降血壓藥的份量，所以醫生叮囑我要特別留意Pinky身體嘅反應。如果有任何異樣就要立即送她入醫院了！

唔知Pinky係唔係喺過程當中太緊張？當我帶佢返屋企時，竟然見到佢瀨屎，搞到成個pat pat屁股都污糟晒！要我即刻幫佢沖涼！

真係好擔心，求主保守醫治！ https://t.cn/R2WxksT