࿐ སེམས་བཞུས་པ།

ལོ་ཆེན་ཕྱུག་པོ་མར་པའི་སྒོར།།
སྐལ་ལྡན་སྤྲང་པོ་མི་ལ་ལྷུང་།།
ཁུ་ཚུར་རྡོ་ཐོས་ཆར་བ་ཕབ།།
ས་རྡོ་བཀལ་ནས་སྨོད་པས་འདེད།།
བརྔན་པ་མེད་པའི་བཀའ་འོག་ནས།།
ཟུར་གསུམ་གྲུ་བཞི་ཟླ་གམ་ཡི།།
ཁང་ཆུང་རྩིག་པའི་ལས་ཀ་པ།།
ཤ་པགས་ཟད་པའི་ནང་ཁོག་ན།།
དད་པའི་འཕར་རྩ་རྗེན་པར་གསོན།།
ཤེས་རབ་རིག་མའི་སྙིང་རྗེས་བཟུང་།།
རྟོགས་ལྡན་བླ་མའི་ཐབས་ཀྱིས་མཉེས།།
ལུགས་འབྱུང་འཁོར་བའི་རྟེན་འབྲེལ་བསྣོགས།།
ཉེས་པའི་དྲི་མ་ཕྱག་གིས་བཀྲུས།།
གནས་ལུགས་ཆེན་པོའི་ཀློང་ལ་བསྣོས།།
སེམས་ཉིད་བརྗོད་བྲལ་ཆོས་སྐུ་བཅས།།
མོས་གུས་སྨྱོས་ཤིང་ལྟ་བས་རྒྱགས།།
ཚོང་པ་ཤེས་རབ་རྒྱལ་མཚན་མིན།།
མགུར་ཚིག་གསེང་ནས་ཕ་ཞིག་བཤད།།
ཡུག་མོ་མྱོང་ཚ་སྐར་རྒྱན་ལྷག།
སྤྱན་ཆབ་ནང་ན་མ་ཞིག་ཡོད།།
ལོ་ཤས་འགྲོགས་པའི་ཕ་མ་དེས།།
རྟོགས་པའི་ཆང་དཀར་རྟོག་པར་བསྙལ།།
ཐར་བར་ཐར་བའི་ལམ་ཡིག་བསྩལ།།
མཚེར་ཞིང་མ་བུ་གཉེན་ཚང་གི།
ལོ་རྒྱུས་མཇུག་ཐོག་མཇའ་འོད་འཚེར།།
སྒྲ་བསྒྱུར་ལྷོ་བྲག་མར་པ་དང་།།
གོང་ཐང་མགུར་པ་མི་ལ་རྗེའི།།
མཚར་ལ་ཡག་པའི་རྣམ་ཐར་དེ།།
ཟུར་ཀློག་ཅིག་གི་ཞོར་ནས་ཐལ།།

__________ ཁྲི་ལྗང་མྱུག

࿐ལྷ་སའི་ཞོ་ཡི་སྟོན་མོ་བགྲང་བྱའི་ཆུ་རྒྱུན་རིང་མོ། ། གཉན་རིམས་དུག་གིས་གཟིར་བའི་གྲོང་འདི་ལྷིང་འཇགས་རྣམ་པ། །

གནམ་སའི་ཁྱད་པར་འཛོལ་ཡང་དཀོན་མཆོག་སྐྱབས་གནས་འགྱུར་མེད།། དུས་བདེ་སྐྱིད་པའི་ཉིན་མོ་མུན་པའི་འོག་གི་ཉིན་བྱེད། །

འགྱངས་རིང་མ་སོང་དུས་ལ་ལྷན་འཛོམས་ཡོང་བའི་སྨོན་འདུན། །雪顿节

࿐ གུས་ཞབས་དང་བཟོད་སྒོམ་ནི་སྤྱི་ཚོགས་ནང་འཛུལ་བྱེད་ཀྱི་ལྡེ་མིག་ལྟ་བུ་དང་། ཤེས་ཡོན་དང་ཡིད་ཆེས་ནི་སྤྱི་ཚོགས་སྟེང་བྱ་བ་སྒྲུབ་བྱེད་ཀྱི་ལག་ཆ་ལྟ་བུ་ཡིན། མ་ཟད། དུས་རབས་འདིས་ང་ཚོའི་ཁོར་ཡུག་ནང་གསར་དུ་བསྐྲུན་པའི་ལམ་ཀ་ཞིག་ཀྱང་ཡིན།