【頭條日報】首次為劇集擔任形象顧問 何國鉦客串拍劇好緊張
2019-04-26

時裝設計師何國鉦（Dorian）去年底獲好友陳煒穿針引線認識TVB監製梅小青，之後為新劇《法證先鋒4》擔任形象顧問。他稱劇中有近100位演員，所以首次做都幾辛苦，他還要客串劇中時裝設計師一角，雖然都是做自己，但拍住羅蘭姐和謝雪心一齊演戲都好緊張，而且還有場鬧人戲，幸好最後三take就搞掂，他坦言今次是個很好的經驗。撰文：李佩儀

Dorian表示TVB向來有自己的服裝團隊，難得今次開綠燈搵外人合作，他稱：「真係充滿難度同挑戰，因為唔單止要幫主角做，每個案件都會加入好多新角色，估計成套劇有100位演員，所以真係好多嘢做，工作量幾大，加上拍劇唔似我哋平時on schedule，佢哋比較急，都辛苦O架！」幸好做完劇集發佈會後，大家都讚今次的主角造型有型，所以他都開心和有滿足感。最搞笑是劇集拍攝到中途，小青姐突然跟他說：「預咗個角色畀你玩。」

因Dorian從未試過演戲，他婉拒說：「我唔知自己得唔得？費事拖累人。」他見小青姐冇再追問以為是講笑，後來真的收到劇本，小青姐向他說：「唔使驚，都係做番時裝設計師。」那場戲講慈善婚紗騷後，他拖住羅蘭姐和心姐謝幕，還有對白是要鬧人的，最初他都擔心應付唔到。幸好開拍前，煒哥特地去現場為他打氣：「做番你自己咪得囉。」故埋位時他真的隨心去做，三take便完成，他更意外自己的演出比預期好，是個很好的經驗。

【香港東方日報】何國鉦今次真係艷福不淺！

時裝設計師何國鉦（Dorian）獲著名電視劇監製梅小青邀請，為無綫劇集《法證先鋒IV》首次擔任形象顧問，之後竟然加入埋劇組，有份演出。

早前拍攝的婚紗騷戲，Dorian就作出處男演出，劇中做番老本行飾演時裝設計師，他說：「小青搵我做形象顧問時，已經有人誤以為我拍劇，其實嗰時未搵我，係後期真係寫咗個角色畀我，我都以為講笑，直至收到劇本原來係有對白，要同羅蘭姐同心姐（謝雪心）做對手戲，我喺劇入面仲要鬧人，都擔心自己做唔做得嚟，好驚拖累大家，拍嗰朝撞到煒哥（陳煒），佢專登嚟打氣，煒哥話叫我做番自己，但我其實好少鬧人。」

拍攝當日前後錄咗四次，笑言冇諗過鬧人鬧得好順，但拍完冇膽睇playback。他說：「最難忘係有一幕我要拖住羅蘭姐行天橋，原本佢要扮跌倒，我扶住佢，但有一下佢真係click一click，我差啲畀佢扯跌，嗰刻真係好驚，第一驚佢有事、第二驚我有番咁重壓親佢，令佢受傷，咁就過意唔去。」Dorian對客串拍劇感覺良好，與其他演員交流是一件賞心悅目的事。

#陈炜[超话]#【on.cc】
【設計師何國鉦首拍劇　監製梅小青都讚正】
為無綫新劇《法證先鋒IV》擔任形象顧問的何國鉦（Dorian），除了為劇中演員諗靚靚造型外，向來做設計師的他，竟然有機會客串演出，於《法》劇過吓戲癮！原本與劇中「Queen姐」陳煒老友鬼鬼的Dorian，客串戲份卻不是與陳煒對手，但拍攝當日亦得對方前來探班，自言這才令他緊張的心情平復下來，作為演藝界「新丁」的Dorian，表現卻受到監製梅小青大為讚賞，小青姐坦言：「佢唔止合格，直頭正啦！仲演得入型入格，又幫我哋劇中演員造型做得好好！」 

詳情圖2