ཁོང་ནི་ཇི་དྲའི་ཆུང་བ་ལ་ ཆུང་བ་ལ་ནི་ངས་དགའ་ཤོས་བྱེད་པའི་གླུ་གཞས་དེ་དང་འདྲ་ ཆུང་བ་ལ་ནི་མཚན་མོའི་ནམ་མཁའི་སྟེང་གི་སྐར་མ་ཞིག་དང་འདྲ་ རེད་ཨང་ ངས་རྒྱུན་དུ་བཏང་བའ་ིགླུ་དེ་ ངས་རྒྱུན་དུ་མཐོང་བའི་སྐར་མ་དེ་། ཁོང་གི་རྒྱབ་གཟུགས་ནི་ལྷབ་ལྷུབ་དུ་འབབ་པའི་ཁ་བ་ཞིག་དང་འདྲ་བར་ངའི་རྨི་ལམ་གྱི་ཞིང་ས་ལ་འབབ་ ཁྱེད་ཀྱི་གསུངས་དང་དེ་ནི་འཆར་སྣང་ཞིག་རེད་དམ།

བདག་གཞན་ཐོག་མེད་དུས་ནས་ད་ལྟའི་བར།།
འཁྲུལ་བའི་དབང་གིས་སྡིག་ལྟུང་གང་བགྱིས་པ།།
ལྷ་མཆོག་ཁྱེད་ཀྱི་སྤྱན་སྔར་འཐོལ་ལོ་བཤགས།།
སྒྲིབ་མེད་དག་ཅིང་ཚངས་པའི་མཆོག་སྩོལ་ཅིག།
[玫瑰][玫瑰]

བརྒྱུད་པ་གཞན་ལ་འགྲམ་ཆུ་མི་ལྡང་བ། །
འགྲོ་མགོན་དྭགས་པོའི་བཀའ་བརྒྱུད་བྱིན་རླབས་ཅན། །
ཡོངས་འཛིན་གཞན་གྱིས་སེམས་ཁ་མི་ལྷོངས་པའི། །
སངས་རྒྱས་སྤྲུལ་སྐུའི་བླ་མ་ཐུགས་རྗེ་ཅན། །

དམ་ཆོས་གཞན་ལ་ཡིད་སྨོན་མི་དགོས་པའི། །
ནཱ་རོ་མཻ་ཏྲིའི་གདམས་ངག་ཡིད་ལ་གཅགས། །
སྒྲ་བསྒྱུར་སོ་སྐྱེའི་ཞུ་དག་མ་དགོས་པར། །
དགྱེས་རྡོར་མར་པ་ལོ་ཙཱས་གཏན་ལ་ཕབ། །

བརྒྱུད་པ་བཅུ་གསུམ་བར་དུ་བྱིན་རླབས་པའི། །
མཁའ་འགྲོའི་དབང་ཕྱུག་མི་ལའི་དངོས་གྲུབ་མཚར། །
སྲིད་པ་ཐ་མའི་བྱང་སེམས་རྫུ་འཕྲུལ་ཅན། །
མཉམ་མེད་དྭགས་པོ་དཔོན་སློབ་ཉིད་དུ་གསལ། །

ངན་སོང་མི་ཟད་བར་དུ་རྟག་པའི་སྐུ། །
དཔལ་ལྡན་ཀརྨ་པ་དེའི་མཛད་པ་ཡིན། །
བདག་ཀྱང་དེ་ཡི་རྗེས་སུ་འཇུག་བརླམས་ནས། །
སྙིང་ཁུང་རུས་པའི་གཏིང་ནས་དང་བ་སྐྱེས། །
རྒྱལ་དབང་ཀརྨ་པ་༸ཀུན་མཁྱེན་བླ་མ་མི་བསྐྱོད་རྡོ་རྗེས་གསུངས་སོ།། https://t.cn/AigLmlYR