【香港有乜睇】

杨幂晒背影照贺刘诗诗生日　网友发现原来系旧相内地两大花旦杨幂同刘诗诗自2009年合作剧集《仙剑奇侠传3》后就成好姊妹，不过就一度传出二人反目，双方结婚时都未有做对方姊妹，不过好在去年佢哋被拍得一齐到寺庙拜神，感情明显够晒好。话咁快今日（10日）就系刘诗诗35岁生日正日，杨幂就晒出两张二人背影照，留言：“祝你生日快乐 永远幸福、开心、好看 阿么”竟然就引嚟网友骚动，大赞佢哋系“神仙友谊”，两位大忙人抽空见面聚旧，杨幂出Post一个钟更已经吸引到超过310万嘅阅读量，果然够威力。

相中见二人都着晒厚褛，当中一位扎孖辫、以美少女战士图案外套示人嘅，就被估系杨幂，另一位就似系刘诗诗，两人揽头揽颈合照，感情非常好。不过有眼利网友就认出，佢哋呢套衫就系去年11月二人结伴到寺庙拜神嘅打扮，睇嚟两位女神今年未有见面，杨幂只系晒旧合照祝姊妹生日快乐啫。

【香港有乜睇】

内双眼皮变外双 马浚伟晒旧照自揭整容真相马浚伟出名系圈中嘅“不老男神”，外貌保养得宜，点睇都唔似48岁！今日佢喺社交网晒出童年相，只得6岁嘅佢同依家样子冇太大分别，一睇就认得出系马浚伟！

不过唔同嘅系现时佢有明显双眼皮，佢即澄清自己冇整容：“为甚么一个6岁小孩的眼神会比一个48岁的大人来得成熟？小时候眼睛内双眼皮，长大就会成外双！（注：相片中人绝对没做过任何整形手术）真的一出生就有黑眼圈，浑然天成。”

【香港有乜睇】

隔离日子似度假 何润东谂定一系列节目何润东自导自编的电影日前喺台中煞科，之后佢接着又有工开，真系冇时停，难怪佢觉得隔离嘅日子喺度假。何润东今日喺社交网上载咗几张好悠闲嘅相片，见佢喺酒店间入面睇剧本，饮吓嘢，又戴住黑超扮cool，佢留言：“谁说这不可以是度假，14天在房间里，一个人晒晒太阳，喝喝牛奶，看看剧本。”之后仲话一阵要煲剧，睇戏，自己揾节目。