【On.cc】陳奕迅12月紅館開18場跨年騷　擬下個月賣飛

歌神陳奕迅早前被爆有意開15場紅館跨年騷，依家再有消息指佢違9年再踏紅館舞台，落實於12月舉行18場跨年演唱會。據知今次演唱會《Fear and Dreams》構思同2019年紅館騷一樣，並加入新元素。有鑑早前發生嘅MIRROR演唱會事故，主辦方指演唱會舞台機關仲研究緊，但一切以安全為首要條件。而今次演唱會飛將於10月初公開發售，價錢同2019年演唱會一樣、唔加價，門票售價$980、$680及$480，更有指為咗令更多樂迷買到門票，門票都會喺城市售票網開售。

陳奕迅返嚟喇！

今次有機開足18場。

仲會淨係擺售票網發售。

#陈奕迅[超话]#

【On.cc】沈震軒陳欣妍高調放閃　情侶裝行沙灘被催婚

男星沈震軒（Sammy）早兩年大部分時間返了內地工作，早前已回港的他，當然要陪番女友陳欣妍（Shirley）夠本，從未公開合照的兩人，竟然罕有地在社交網放閃，難怪有網友誤以為Sammy求婚，他們在社交網有默契地放上同一輯沙灘照，兩人穿上白色系的情侶裝，在沙灘上嬉戲耍樂，Sammy手拎住一杯咖啡，但着住短褲的他疑被潑到大遍咖啡漬，他一手捉住女友手仔，似乎是Shirley行「兇」，她更用英文寫道，意指：「謝謝你讓我每天欺負你。」Sammy同樣用英文話：「踏實而簡單的幸福！」簡直閃盲大家對眼啦，大家讚他倆好sweet，仲催兩人快啲結婚。

沈震軒罕有公開與女友陳欣妍合照。

他條褲被潑到大撻漬，疑係女友傑作。

陳欣妍樣靚身材正。

仲有一雙白滑長腿添。

#沈震轩[超话]#

【On.cc】承《白色強人II》強勢！陳展鵬劉亦菲接棒谷收視

無綫劇集《痞子殿下》及《白色強人II》於上周五大結局，明晚（5日）將推出兩套全新劇集接力，由陳展鵬及陳煒主演的《黯夜守護者》於9時半播出，二人相識廿載一直無緣合作，如今終攜手主演新劇，展鵬一反平時靚仔有型形象，扮演滿面鬚根兼頭髮凌亂的滄桑阿Sir，劇組為免演員過度設計角色，故此展鵬笑指拍攝前期仍未清楚自己角色詳細內容：「監製話一個人縱使有歷史背景，但唔會成日帶住相關情緒喺身，所以幕後一直唔肯講個結局畀我聽，我拍咗成個月先知最後係點，好特別。」而陳煒則扮演Cool爆Madam，需應付連場動作戲，笑指是時候要郁動：「今次唔算甘，自己都鍾意拍動作戲，但呢幾年冇乜機會。」並指該劇最大挑戰是記對白，最長一段交代案情嘅戲，足足有5、6頁紙。

而8點半檔則有「神仙姐姐」劉亦菲及陳曉主演的內地劇《夢華錄》，該劇早前於內地播放時大受歡迎，播放次數突破17億，在內地平台亦獲得8.8高評分，成績斐然，加上有此劇乃劉亦菲暌違16年再演電視劇，與高顏值的陳曉組成夢幻CP，絕對值得關注。

陳展鵬喺新劇中不修邊幅。

陳煒揸槍好型！

劉亦菲接棒。

仲有陳曉

#陈展鹏[超话]##陈炜[超话]#