དྲིལ་སྐད་སིལ་སིལ་འབྱིན་པའི་རྒྱ་མཐིངས་ཁ་ནས།།
ཟླ་བ་དཀར་དཀར་འཆར་བའི་རང་མདངས་མཐོང་ཚེ།།
དྲན་པ་ཅིག་ཅར་འཐབས་པའི་ཚོར་བ་སྐྱ་བོ།།
མིག་ཟུང་ཀྲབ་ཀྲབ་བྱེད་ཀྱིན་ཁྱེད་ལ་གཡེང་འདུག།

#美拉德[超话]#

#画画[超话]##sketchbook##风景# མི་གཞན་ལ་ཡིད་སྨོན་བྱེད་དགོས་དོན་མེད།
རང་ཉིད་ཡག་པོ་ཞིག་བྱས་ཚེ་གཞན་གྱི་ཡིད་སྨོན་བྱེད་ཡུལ་ཞིག་དུ་གྱུར་ཐུབ།
人没必要羡慕别人，做好自己，就是可以成为被别人羡慕的人。

ཐུབ་བསྟན་སྟོན་གྱི་ནམ་མཁའ་རུ།།
ཚིག་གི་སྒྲོ་སྤུ་མི་གཏོར་ཡང་།།
ལུང་རིགས་གཤོག་པས་ཉུལ་མཛད་པ།།
ཁྱོད་ནི་ཁྱུང་ཆེན་རྒྱལ་པོ་བཞིན།།

ཟབ་གནད་གངྒཱའི་རྒྱུན་བཟང་པོ།།
རིང་ནས་ཐུགས་ལ་བསྐྱིལ་མཁས་པའི།།
ངེས་དོན་དྲན་དབང་ཁྱོད་ཉིད་ནི།།
སྨག་ལ་སྒྲོན་མེ་བཏེགས་དང་མཚུངས།།

རིགས་པའི་གཟེར་བུ་རྣོན་པོ་བརྒྱས།།
ཡམ་བཤད་ཡ་ཡོ་རིང་དུ་བྱེད།།
གཏན་ཚིགས་སྐམ་པོའི་སྦར་ཤད་ལ།།
བགྲང་ཡས་གཞུང་ལུགས་ལྟད་མོར་སྦྱིན།།

འཕགས་སེང་ཉི་ཟླའི་དཀྱིལ་འཁོར་ལས།།
ས་རུ་ཟགས་པའི་འོད་ཟེར་འབུམ།།
སྙིང་ལ་སྦྲུམ་པའི་ལྷ་ཆེན་པོ།།
ཡུམ་གཅིག་རྒྱལ་པའི་ཐུགས་མཛོད་དབང་།།

ཤེར་ཕྱིན་ཟབ་མོའི་སྤྲིན་དཀར་ལས།།
ངེས་དོན་ཆོས་ཀྱི་འབྲུག་སྒྲ་ཡིས།།
སྐལ་བཟང་གདུལ་བྱ་མདུང་མཐའི་ཚོགས།།
དགའ་བའི་ཆར་ཆེན་ད་དུང་ཕོབ།།

༢༠༢༢ ༩ ༨ བསོད་ནམས་སྟོབས་རྒྱལ་དུ་འབོད་པས།