࿐ཆོས་རྗེ་་ཡིད་བཞིན་ནོར་བུའི་སྐུ་པར་བཞི་པོ་འདི་དམིགས་གསལ་གྱི་བྱིན་རླབས་ཅན་ཞིག་ཡིན། རྒྱུ་མཚན་ནི་སྐུ་པར་འདི་དག་སྒྲོན་སྐབས་ཁོང་གིས་ཐུགས་བསྐྱེད་ཚད་མེད་པ་གནང་ཏེ་རྫོགས་པ་ཆེན་པའི་རིག་པའི་ངང་ལ་བཞུགས་བཞིན་དུ་སྒྲོན་པའི་སྐུ་པར་ཤ་སྟག་ཡིན། ཁོང་གིས་སྐུར་པར་འདི་དག་གནང་སྐབས་སྲོག་བླུ་དགེ་སྐུལ་ཡང་མཉམ་དུ་གནང་གིན་ཡོད།
(༡)༡༩༨༤ལོར་བླ་རུང་དུ་སྙིང་ཐིག་ཡ་བཞི་དབང་གི་སྐབས་སུ་བསྒྲོན།
(༢) ༡༩༨༧ ལོར་རི་བོ་རྩེ་ལྔ་ནས་འཇམ་དཔལ་རྫོགས་པ་ཆེན་པོའི་ཆོས་སྐོར་རྣམས་གསུངས་པའི་སྐབས་སུ་བསྒྲོན།
(༣) ༡༩༩༠ལོར་རྒྱ་བལ་འབྲུག་གསུམ་གྱི་གནས་གཟིགས་གྲུབ་རྗེས་ལམ་བར་དུ་རྒྱ་ནག་གི་གྲོང་ཁྱེར་ཧོང་ཀོང་དུ་པར་ཁང་ཞིག་དུ་བསྒྲོན། སྐུ་པར་འདི་ནི་གནས་གཟིགས་གྲུབ་ནས་ཕྱིར་སློབ་གླིང་དུ་ཕེབས་སྐབས་སློབ་ཚོགས་ཡོངས་ལ་ཕྱག་རྟགས་སུ་གནང་རྒྱུའི་ཆེད་དུ་བསྒྲོན་པ་ཞིག་ཡིན།
(༤)༡༩༩༣ལོར་ནུབ་ཕྱོགས་ཀྱི་རྒྱལ་ཁག་ལ་ཆོས་འཁོར་སྐོར་བའི་བཀའ་དྲིན་སྐྱོང་སྐབས་ཁེ་ན་ཏའི་རྒྱལ་ཁབ་ནས་སྒྲོན་པ་ཞིག་ཡིན།

བླ་མ་བསོད་དར་རྒྱས་ཀྱིས་གསུང་ལས་བཤུས།
[合十][合十][合十][合十][合十][合十][合十][合十][合十][合十][合十][合十][合十]

༈ མདང་དགོང་མཚན་ལ་འུར་སྒྲ་རྒྱུན་ཆད་མེད་པ་ཐོས། གསར་དུ་མི་མང་པོ་འབྱོར་སོང་། ཁ་སྤྲོད་ཀྱི་ཐོག་ཁང་དུ་རྒྱག་རེས་ཀྱང་ཤོར་པ་ཡོད། མ་གཞི་ནས་ཁམས་པ་ཚོ་དོན་ཡོད་མེད་གང་ལའང་ཀི་སྒྲ་སྒྲོག་པ་དེ་ཁོ་ཚོའི་གཤིས་ལུགས་ཡིན་པ་འདྲ། འགའ་ཞིག་ཆམ་ལོག་རྒྱག་གིན་འདུག ལོགས་སུ་འཇོག་ཚུལ་འདིར་དོན་སྙིང་ག་རེ་ལྡན་པ་ངས་ད་དུང་ཤེས་མ་སོང་། ཞོགས་པའི་ཁ་ལག་མན་པའོ་དང་འོ་མ། སྒོ་ང་བཅས་རེད་འདུག མགོ་བདེ་དྲན་འཁྲུལ་ནི་འགའ་ཞིག་གི་གཤིས་སུ་གྲུབ་ཚར་འདུག་སྟེ། མི་བླ་མ་དཀོན་མཆོག་འགའ་རེར་ཉལ་ཆས་དང་གདན་སྐལ་ཡང་རག་དཀའ་བའི་ཚོད་དུ་འདུག་མོད། འགའ་ཞིག་ལ་གདན་གསུམ་བརྩེགས་ཀྱི་ཐོག་ལ་ཕོ་ཁེབས་ཉིས་བརྩེགས་སུམ་བརྩེགས་རྒྱག་རྒྱུ་འདུག་གོ དེ་ལ་ངའི་ཨ་སྤོ་དང་ཨ་རྨོ་ལ་སོགས་ཀྱིས་”མི་གྱོང་པོ་དང་རང་མགོ་ཐོན་པོ་”ཟེར། མ་གཞི་ང་རང་ལོ་ཆུང་ཡང་ལུས་ལ་ནད་ཙག་ཙིག་མང་བས་འདིར་སླེབས་ནས་དགོང་མོ་མལ་དུ་དྲོད་ཁུག་པ་ཞིག་མ་བྱུང་། ཡིན་ཀྱང་། རང་ཉིད་དྲོ་ཕྱིར་གཞན་དག་འཁྱགས་སུ་འཇུག་པའི་སེམས་རྒྱ་བདག་ལ་མེད། དེའི་ལ་ཁོང་རྣམ་པས་”རང་མགོ་མི་ཐོན་པ་”ཞེས་སུ་འབོད། དེ་ནི་དཔྱོད་ཤེས་རྒྱང་འབོད་གནང་མཁན་ཚོས་སྡིགས་བཞིན་པའི་འདུ་ཤེས་འཛིན་སྟངས་ཀྱི་གྲས་ཤིག་ཀྱང་ཡིན་པ་འདྲ། སྤྱིར་དཀའ་སྡུག་གི་ཁྲོད་ན་ཉོན་མོངས་པའི་བསམ་པ་མངོན་ཆུང་བར་རང་གི་མྱོང་བས་གྲུབ། ཁ་སང་ཕྱི་དྲོའི་ཁ་ལག་སྒོང་འབྲས་རེད་འདུག་པས་ཕལ་ཆེས་མ་བཟས་པར་རང་འཇགས་བཞག་འདུག མི་རྣམས་ཀྱིས་ཁ་ལག་སྣ་ཁ་གཅིག་དང་སྤུས་ཀ་ཡག་པོ་མེད་པའི་བསམ་འཆར་དྲག་པོ་འདུག ཁ་ལག་བསྐྱལ་མཁན་གྱིས་ཟེར་ན། ཁ་ལག་གྲོང་ཁྱེར་མ་འཇོག་ཀུང་སི་ནས་མཁོ་འདོན་གནང་གི་ཡོད། དེར་བསམ་འཆར་བཏང་མོད་ཁོ་ཚོས་འགྱུར་བ་གཏོང་གི་མི་འདུག་ཅེས་བཤད། གང་ལྟར་བར་བར་ན་རྒྱུ་འབྲས་དང་། ཁྲིམས། ལུགས་སྲོལ་མེད་པའི་གནས་ཚུལ་མང་པོ་སྣང་།

ཁྱོད་ཀྱིས་བཤད་པའི་སྐད་ཆའི་ཡིག་འབྲུ་རེར། མི་རིགས་ཤིག་གི་སེམས་ནས་ནམ་ཡང་བརྗེད་པར་མི་འོས་པའི་སྙིང་སྟོབས་དང་སྤོབས་པ། མི་རིགས་ལ་བཅངས་པའི་བརྩེ་བ་དང་ལྷག་བསམ། རིགས་ཀྱི་སྒལ་ཚིགས་དང་རིགས་ཀྱི་རུས་པ། ད་དུང་ཁོང་ཁྲོ་དང་ང་རྒྱལ་སོགས་ཀྱང་གསལ་ཞིང་མངོན། ཀྱེ་རིགས་ཀྱི་མགོན་ཆེན་པོ།