༈ བོད་ཡིན་ན་བོད་ཡིག་སློབ་དགོས། ལ་ལས་བུ་རབས་ཚ་རྒྱུད་དང་བཅས་པས་རང་སྐད་ཡལ་བར་དོར་ནས་གཞན་སྐད་ལ་བརྩོན་པ་ནི། མི་རིགས་རང་ལ་མཚོན་ན། རྟ་ཐོག་ནས་གཡག་ཐོག་ཏུ་ཞོན་པ་ལས་མ་འདས་ཏེ། བོད་མི་རིགས་ཤིག་ཡིན་ན། བོད་ཡིག་ཤེས་དགོས། བོད་ཡིག་མ་ཤེས་ན་ངོ་ཚ་བའི་གནས་རེད།

པཎ་ཆེན་བཅུ་པ་མཆོག་ནས།

༈ དར་མའི་ལང་ཚོ་བར་སྣང་འཇའ་ཚོན་འདྲ།།

གཡར་བའི་ལུས་པོ་རླུང་གསེབ་མར་མེ་འདྲ།།

གཅེས་པའི་ཚེ་སྲོག་ནམ་མཁའི་སྤྲིན་གློག་འདྲ།།

འགྱུ་བའི་རྣམ་ཤེས་རྫ་ཆག་བྱེའུ་ཆུང་འདྲ།།

༈ མི་རྟག་འདུ་ཤེས་བྱ་རྒོད་མཆུ་ལས་སྐྱེས།།

ངེས་འབྱུང་བསམ་པ་རུས་གོང་ཁྲོད་ནས་རྙེད།།

འཁོར་བའི་ཉེས་དམིགས་རོ་མྱགས་དྲི་ལས་ཚོར།།

ཚེ་སྲོག་གནས་ལུགས་དུར་གྱི་ཁྲོད་ནས་རྟོགས།།

​བླ་མ་མཁྱེན་མཁྱེན་

༈མཁན་སློབ་ཆོས་གསུམ་རང་ལུགས་ཐེག་དགུའི་རྩེར།།
འོད་གསལ་རྡོ་རྗེ་ཐེག་པའི་གསང་ལམ་ནས།།
ཟང་ཐལ་འཇའ་ལུས་གྲུབ་པའི་ཟབ་ཆོས་ཞིག།
སེང་ཁྲི་བ་གམ་འཛིན་པའི་གནས་འདིར་སྣང་།།