主持許文軒(Edmond)於全新節目《我們的音樂時代》中，邀請著名唱片監製雷頌德(Mark)任嘉賓，分享他與兩位天王郭富城和黎明的關係。Mark說：「係小美搵我做郭富城，當時四大天王已經紅，開始有阻力，我要幫佢更上一層樓嘅同時，亦要省靚我自己嘅招牌，因為《純真傳說》同《強》嘅成功，先開始多人用我嘅歌。」

Edmond 問到雷頌德為何跟郭富城合作過後才與黎明合作，莫非兩位天王只能選擇其一？Mark說：「我認我笨，因為四位天王喺市埸上已經係鬥緊，我當時做緊郭富城，而黎明亦有搵過我，但我推咗，我覺得冇理由食幾家茶禮，更何況係唔會Work，當郭富城冇搵我做，我先應承黎明。」Mark又說：「當時黎明去到一個樽頸、停頓位，我又要幫佢洗底，成為洗底王，全力做咗《情深說話未曾講》。」

談到為黎明打造快歌時，Mark表示屬黎明主意，他說：「係黎明嘅意思，佢話個市場冇乜歌曲可以令人跳舞，所以我即刻寫咗好多首，但佢都話唔OK，佢話呢啲唔係亞洲人嘅快歌，未能令人聞歌起舞，嘩！佢話我啲嘢唔得喎！當時我哋有啲衝突，佢叫我跟佢去韓國，當時都未有韓風，我哋落咗當地嘅Club同Disco去感受咩先係亞洲人嘅跳舞歌，我哋留咗韓國個幾星期研究，之前就出現《全日愛》同《眼睛想旅行》等快歌。
附件區域

【唔係呀嘛？】飲完一杯即胃痛 容祖兒懷疑阿嬌婚宴有假酒 2018/12/22
来源：蘋果娛樂 https://t.cn/E4KSwAD

容祖兒(Joey)今日去咗屯門，為新碟《答案之書》舉行簽名會，吸引數百位Fans到場，Joey就同佢哋玩遊戲。啱啱喺鍾欣潼（阿嬌）嘅婚宴上做姊妹嘅祖兒表示，呢幾日快樂嘅情緒一浪接一浪：「今日又聽到王祖藍囡囡出世，真係戥佢開心，一陣得閒要打電話恭喜佢。」

問Joey喺阿嬌婚宴當晚有冇飲到斷片？佢就笑住話：「咁又冇，我飲咗一杯即刻胃痛，之後全晚都冇飲，都唔知係咪假酒嚟嘅。」祖兒又指當晚每一個細節都記得好清楚：「睇住好姊妹結婚好感動，而且仲睇到公司上下一心，將所有工作擺低去幫阿嬌打點，感覺真係好似嫁女。」唔知有冇感動到喊？佢就話：「有呀，可能人大咗，少少嘢就好易變喊包，唔止我，見到老闆楊生都好開心，真係好似屋企人出嫁咁。」

講到下一個結婚嘅係咪到阿Sa(蔡卓妍)？Joey話：「我冇問呢啲嘢，佢哋有自己計劃，而且楊生已經好幫到手，成晚好開心咁係咁叫人飲酒。」 祖兒又透露日前已經同媽咪食咗冬至飯，雖然呢兩日唔使開工，但就會選擇留喺屋企休息。

昨日係我囡囡婧恆人生第一次搭飛機，
其實，從佢一個月嘅時候，我地已經模擬坐飛機嘅情境
睇下有乜細節要注意，同行李處理。
昨日上到飛機，一去到坐位區，
該區乘客大部份一見到BB都有D黑面
因為怕旅程受到不必要嘅騷擾，但灰鼠B係有佢個人魅力
首先，佢主動嗌咗一聲，同大家打個照呼。跟住同大家微笑
彷彿同人講，我來了，多多指教。。。
起飛後不久，佢自己先興奮到跳part舞(自我放電模式)，
玩到開BB床前，佢就進入自我靜態玩樂模式。。。
玩下手指揀下邊隻好食D
到開咗床，瞓埋。。。
跟住我地2公婆可以好愉快咁食過飛機餐兼嘆埋雪糕
不過食餐中途有嗌咗幾聲，老婆話個個都食緊餐醒哂比佢嗌下
後來我地先發現，原來佢係話人地食餐太嘈阻住佢瞓覺
到將近落機，陸續有3個空姐埋嚟讚佢，仲有禮物送比佢。。
到著陸，都係我地最擔心嘅時候，因為有氣壓，佢會感覺難受
佢喊係正常，但當然最好係唔好喊。。。
結果，佢從14000呎降到8000先頂唔順，開始低聲單聲咁叫。。
佢好似同我地講，爸爸媽媽有嘢唔妥，
其實當時我地已經沖好後備奶粉
等佢嘆番2啖，扺消氣壓，呢招真係有效，
降落後等埋閘仲換埋條片
落機嘅時候，成區乘客個讚嘆樣同空姐嘅讚美，
令我自己覺得。。。
真係開心個自己攞終身成就獎。。。
所以我開始明白，D怪獸家長係點嚟。。
人地讚自己個囡乖，有家教等等。。真係好高興㗎
雖然，有幾多係巧合有幾多係真實，相信只有婧恆自己先知
但同佢相處過嘅人，相信和我一樣，會選擇相信佢真係咁乖
無可能巧合哂4個月掛??