མི་ཚེ་ཐུང་ཐུང་འདི་། སོས་དལ་དལ་གྱིས་རོལ་ན་ཚ

首页发布

མི་ཚེ་ཐུང་ཐུང་འདི་། སོས་དལ་དལ་གྱིས་རོལ་ན་ཚར་འགྲོ་ལ། བྲེལ་འཚུབ་འཚུབ་ཀྱིས་འབད་ན་ཡང་རྫོགས་འགྲོ སྡུག་ཡུས་དང་མིག་ཆུ་ཡིས་བརླན་ཡང་རུང་། དཔའ་སྐད་དང་རྔུལ་ཁྲག་གིས་བཀྲུས་ཀྱང་ཆོག ཉག་ཕྲ་བའི་ཚེ་སྲོག་རེ་རེས། འཇིག་རྟེན་འདིར་ཨ་ལན་བསློག་སྟངས་ཁ་ཁ་སོ་སོ་ཙམ་རེད། མཐར་གཏུགས་ན་མཐོ་དམན་མཆོག་ཞན་གྱི་ས་མཚམས་ཞིག་འབྱེད་རྒྱུ་དཀའ་ཚོད་ཡིན།
མདོར་ན། ཁྱོད་རང་ཅིའི་ཕྱིར་འདུར་ཡང་ཆོག ཅི་ལྟར་གསོན་ཡང་རུང་། རང་གི་ཆེད་དུ་སྨྲེ་ངག་མ་འདོན། གཞན་གྱི་ཆེད་དུ་འཁྲབ་སྟོན་མ་གནང་། དགའ་ས་མོས་ས་དེའི་ཕྱོགས་ལ། སེམས་ཤུགས་དང་འཇོན་ནུས་ཡོད་རྒུ་རྩལ་སྤྲུགས་གནང་རོགས། འདོད་དོན་ཡིད་བཞིན་འགྲུབ་པ་སྲིད་མཐའ་ཙམ་ཡིན་ཡང་། འགྱོད་པ་དང་ཕངས་སེམས་མེད་པ་ཞིག་བྱུང་ན་ཆོག་སྙམ། ཐ་ན་དེ་ནི་འོ་སྐོལ་འཚོ་གནས་ཀྱི་སྙིང་བོ་ཉག་ཅིག་ཀྱང་ངོ་།།[月亮]

གང་ཞིག་དོན་ལྡན་ཆོས་དང་ཉེར་འབྲེལ་ཅིང་། །ཁམས་གསུམ་ཀུན་ནས་ཉོན་མོངས་སྤོང་བྱེད་གསུང་། །ཞི་བའི་ཕན་ཡོན་སྟོན་པར་མཛད་པ་གང་། །དེ་ནི་དྲང་སྲོང་གསུང་ཡིན་བཟློག་པ་གཞན། །ཞེས་གསུངས་སོ། །

གངས་སྐར་ཞིག་གཟིམ་པ།

*གངས་ཡིག

ཁྱོད་ཕེབས་དུས་
ཉི་ཟླ་ལ་གསལ་ཆ་མི་འདུག་ལ་
འཇིན་རྟེན་གྱི་དཀར་ཆ་ཐ་དག

ནག་པོར་གྱུར་ཟིན་འདུག

ཁྱོད་ཕེབས་དུས་
སྙིང་སྟོབས་དང་སྤོབས་པས་འགྱིང་པའི་
དབྱངས་གསལ་སོ་བཞིས་ང་རོ་སྒྲོག་ཀྱང་

གངས་རིའི་སྨྱུག་རྩེ་དིག་ཚར་འདུག

ཁྱོད་ཕེབས་དུས་
ཁུ་སིམ་མེར་བཞུགས་པའི་ས་ཆེན་གྱིས་
སྐྱོ་གདུང་དང་ངུ་འབོད་ཁོ་ནས་

ཁྱོད་ལ་སྐྱེལ་མ་བྱེད་བཞིན་འདུག
མ་རེད་

ཁྱེད་བློ་བདེ་མོར་ཕེབས་དང་ཆོག
གངས་རི་བ་དག་གིས་དུ་རྐང་ཅིག་མེ་རུ་སྒྲོན་ཏེ་
ཆང་དམ་གང་ཧུབ་ཀྱིས་རྔུབ་སྟེ་
དབྱངས་གསལ་གྱི་རོལ་དབྱངས་སྙན་མོ་ཁྱོད་ལ་སྐྱེལ་མ་བྱེད་ཀྱིན་འདུག

༢༠༢༢/༩/༢༡ཉིན་སྙན་ངག་པ་གཅན་མེ་སྟག་ལགས་ལ་གཤེགས་པའི་གཏམ་ངན་ཐོས་ཕྲལ་ཤར་མར་བྲིས།