འགའ་རེས་ཡང་དག་ཆོས་ལ་སྡང་ཞིང་མི་དགེར་བསམ།།
ཁ་ཅིག་ལོག་པའི་ཆོས་ལ་སྲེད་ནས་འཚེ་བ་བསླངས།།
འགའ་ཞིག་ཆོས་སྲིད་སོ་སོར་མེ་ཆུ་བཞིན་དུ་ལྟ།།
ཁ་ཅིག་ཆོས་སྲིད་ཟུང་འབྲེལ་ཆུ་དང་རླབས་བཞིན་སེམས།།
དེ་ཚོ་གང་ཡིན་ཡིན་ཆུགས་ཏེ་བསམ་པ་ན།།
ཕྱི་འབྱོར་འཕྲུལ་བྲན་དུ་དངོས་གཙོར་མི་ལྟ་ཞིང་།།
ཆོས་ལུགས་ཤེད་ཀྱིས་ཆབ་སྲིད་དེ་མི་འཇུར་བར།།
ཟུང་འཇུག་དབུ་མ་ཡི་ལམ་ནས་ལྷིང་འཇགས་སུ།།
བཞུགས་པའི་རྒྱལ་ཁབ་བདེ་སྐྱིད་ཆེ་ཤོས་ཏེ་ནི།།
འབྲུག་པའི་རྒྱལ་ཁབ་ཡིན་ཞེས་རྣ་བར་འཁོབས་བྱུང་།།

—༢༠༢༢.༩.༢༥.

ཞེན་ཆགས་ཀྱིས་དེད་པའི་རྨི་ལམ།

ཞེ་གཙིགས་ཆེན་པོ་ཅན་གྱི།།
རྒྱང་བཞུད་རྒྱང་དུ་འཚོ་བའི།།
གསེར་ནག་སྟོང་གི་ཡན་དེ།།
རྨི་ལམ་ནང་དུ་མཇལ་བྱུང་།།

ལྡེམ་ལྡེམ་སྐུ་གཟུགས་མཛེས་པ།།
གོར་གོར་ཞལ་ངོ་འཇམ་པ།།
མནབས་པའི་གྱོན་གོས་དྭངས་པ།།
གཞོན་པའི་ལུས་ཉམས་དོད་པ།།

2022.9.9 མཚན་མོར་རིན་པོ་ཆེ་རྨི་ལམ་དུ་རྨིས་པའི་རྣམ་པ་ཡིག་ཐོག་ཏུ་ཕབོ།།

ལྟ་བ་དང་བསམ་བློ་སློབ་གསོ་སོགས་གང་སྤྱིའི་ཐད་ནས་རིགས་ལ་ཕན་པའི་མི་སྣ་དམིགས་བསལ་པ་གསོན་སྐབས་དེའི་མཛད་པ་དང་ཕྱག་ལས་ལ་ཆེ་བརྗོད་བྱེད་པ་ཅི་ནས་ཀྱང་འོས་ཐོབ་ཡོད། ནམ་ཞིག་ཤི་རྗེས་ག་ཤེད་ཅིག་ནས་གསེར་ཐོ་ཞིག་བོར་སོང་བ་ལྟ་བུའི་སྡུག་ཡུས་བགྲང་བས་ཅི་བྱ།
མར་ཁུས།