༈ ཡུམ་བུ་བླ་སྒང་ནི་བོད་ལྗོངས་ལྷོ་ཁ་ས་ཁུལ་སྣེ་གདོང་རྫོང་ཕོ་བྲང་ཆུས་ཁོངས་ཇོ་མོ་བཀྲ་ཤིས་ཚེ་རིང་ཞེས་པའི་རི་ནུབ་ཏུ་ཟུར་གཉིས་བརྐྱངས་པའི་གཡོན་གྱི་རི་ཟུར་བྲག་རིའི་སྟེང་ཏོག་ལྟ་བུར་ཆགས་ཡོད། ཕོ་བྲང་འདི་སྤྱི་ལོའི་སྔོན་གྱི་དུས་རབས་གཉིས་པའི་ནང་བོད་རྒྱལ་ཐོག་མ་རྗེ་གཉའ་ཁྲི་བཙན་པོས་བཏབ་པར་གྲགས་ཤིང་། བོད་ཀྱི་སྐུ་མཁར་ལ་སྔ་བ་དེ་ཡིན། དེ་ཡང་ཤྭ་བ་ཡུ་མོའི་བརླ་འདྲ་བའི་རི་སྟེང་དུ་བཏབ་པ་འབྲེལ་བ་རྒྱུ་མཚན་དུ་བྱས་ནས་མིང་དུ་གྲུབ་སྐད་ཀྱང་ཕྱིས་ཡིག་རྒྱུན་དུ་ཡུམ་བུ་བླ་སྒང་ཞེས་འབྲི་རྒྱུན་དར། རྒྱ་བཟའ་ཝུན་ཤིང་ཀོང་ཇོ་བོད་དུ་ཕེབས་རྗེས་སྐབས་ཤིག་རིང་དབྱར་དུས་ཡུམ་བུ་བླ་སྒང་དུ་བཞུགས་པ་དང། དགུན་དུས་ཁྲ་འབྲུག་གཙུག་ལག་ཁང་དུ་བཞུགས་སྐད།
༈ རིག་འཛིན་ཀློང་གསལ་སྙིང་པོས།
ལུས་འདིར་བོར་ནས་གར་སྐྱེ་ངེས་མེད་འདི། །
ཕྱོགས་དང་རིས་སུ་བཅད་པའི་དགོས་པ་ཆུང་། །
མཁའ་མཉམ་སེམས་བསྐྱེད་བསྔོ་བ་སྨོན་ལམ་གྱིས། །
ཕྱོགས་མེད་འབྲས་བུ་སྨིན་ན་སྐྱིད་པ་ལ། །
ཞེས་གསུངས་སོ།།
ལུས་འདིར་བོར་ནས་གར་སྐྱེ་ངེས་མེད་འདི། །
ཕྱོགས་དང་རིས་སུ་བཅད་པའི་དགོས་པ་ཆུང་། །
མཁའ་མཉམ་སེམས་བསྐྱེད་བསྔོ་བ་སྨོན་ལམ་གྱིས། །
ཕྱོགས་མེད་འབྲས་བུ་སྨིན་ན་སྐྱིད་པ་ལ། །
ཞེས་གསུངས་སོ།།
༈ངག་བཅད་མ།བཅད་མ།格律诗
དུས་ཚོད་རླུང་ལ་བཏབ་པའི་ངོ་གདོང་རེད།།
བར་ཐག་ཀྲིག་ཀྲིག་ཞེན་ཆགས་ཆེམ་ཆེམ་འོང་།།
རྣ་བ་འོན་པ་རེད་དམ་ཅི་ཞིག་རེད།།
མིག་ཟུང་གཡོ་ཐབས་མ་བྱུང་ཐག་རིང་བྱེར།།
སྐད་ཆ་ཡོད་ཚད་ཁ་བའི་ནང་དུ་ནུབ།།
མཚན་ལ་ཁྱོད་རང་ཉལ་ཐ་བཞིན་དུ་འཐེན།།
སྐར་མའི་གོང་བ་གཡུག་ཞོར་རྒྱང་ལ་བལྟ།།
སྙན་ངག་ལན་གསུམ་བྲིས་ནས་ལན་གསུམ་བསུབས།།
གོམ་པ་གང་གིས་ཅིས་ཀྱང་འཕྲད་ན་བསམས།།
ལག་པ་གཅིག་གི་རྒྱབ་ཏུ་བར་སྣང་བཟོ།།
སྒོ་མོ་འབྱེད་མཁན་མེད་པ་ཆ་མ་འཚལ།།
སྤྲིན་གྱི་གཅིན་པ་ཤག་ཤག་མཚོ་རུ་བསྐྱིལ།།
གད་སྙིགས་ནང་དུ་སྡུག་བསྔལ་བླུགས་པར་བྱས།།
འབྲི་ཤོག་དུ་མ་ཚིག་མཛོད་གསེབ་ཏུ་བོར།།
མཆུ་ཏོ་བཅད་པའི་ཁྱིམ་གཞིས་ཡོད་པར་ཤོག།།
དྲ་བ་དྲ་ཕྱེད་ཀློང་ན་རྫ་མ་ཆག།།
དྲན་པ་ཆག་རོ་རེ་རེ་བཟོ་བར་བྱ།།
སྐུད་པའི་སྲིབ་ཏུ་འཛིངས་པའི་སེམས་པ་ཉིད།།
བར་སྣང་བྲུས་པའི་ཁང་པ་ནག་པོ་ཡིན།།
དབྱར་ཟླ་བཞི་པ་གདུག་རྩུབ་ཆེ་བ་ཨང་།།
ལྷིང་འཇགས་གོས་སུ་གྱོན་ན་ག་འདྲ་རེད།།
མུན་པ་ད་རུང་གཏན་ནས་གསལ་མ་བྱུང་།།
རི་མོ་དཀར་སེར་དམར་གསུམ་ངོ་རུ་འཚུབ།།
ཆར་པ་དྭངས་རྗེས་རྨི་ལམ་གསལ་བར་ཤོག།།
སྟོན་མཇུག་འདྲ་བའི་ང་ཡི་ངག་བཅད་མ།།
མེ་ལོང་ནང་དུ་ནགས་ཚལ་པར་དུ་བཏབ།།
སྨུག་པའི་ཟོལ་གྱིས་བརྙན་མིག་ནང་ལ་བལྟས།།
རི་རྩེ་ཤིག་ཤིག་ཕར་ཕར་ངང་ནས་ཆས།།
ལག་རས་ཤིག་གིས་འཁྲུལ་སྣང་བཏུམས་པར་བྱས།།
རྨི་ལམ་ནག་པོའི་གྲོང་ཁྱེར་སིམ་སིམ་འགུལ།།
གད་སྙིགས་མང་པོས་ཡན་ལག་ཡོད་ཚད་བཟུང་།།
ཕྱེད་ཀ་གཉིས་སུ་འཐོར་བའི་ཆག་གྲུམ་རེ།།
ང་ཡི་གཙང་འགྲམ་མཐའ་རུ་བྲུགས་ནས་བྱུང་།།
ཕྱི་ནས་བལྟས་ན་ཆར་ནག་འབབ་ཙམ་རེད།།
མགོ་བོ་དགྱེ་དགྱེ་བྱས་ནས་ལགས་སོ་ཞུ།།
ཚིལ་དྲེག་གཏན་ནས་འདག་ཐབས་མེད་པ་ཅི།།
སྒེའུ་ཁུང་ཕྱི་རུ་མཛེས་སྡུག་མང་པོ་བྲིས།།
གྲིབ་མ་རེ་རེ་ཚོས་གཞི་ཀློང་དུ་ཟགས།།
ད་རུང་མུན་ནག་འཆར་བ་ཅི་ཞིག་བྱ།།
དབྱར་ཁ་དེ་འདྲ་རིང་བ་རྫོགས་པར་འཚལ།།
མཚན་མོའི་མཐའ་རུ་མཚན་མོ་གྲངས་མེད་མཐུད།།
རང་གིས་རང་ལ་ཧ་རེ་བཏབ་དང་འདྲ།།
གཅིག་པུར་ཁེར་རྐྱང་ཡང་ཡང་འཐག་དུས་སུ།།
ཁྱོད་ནི་ཆ་རྒྱུས་མེད་པའི་སང་ཉིན་ཡིན།།
ཟླ་འོད་མལ་དུ་བཏིང་བའི་མཚན་མོ་ཡིན།།
ཕྱི་མིག་ཆེམ་ཆེམ་ཀློང་གི་ཕྱི་དྲོ་ཡིན།།
སྒྲུང་རིང་ཆེན་མོ་ཞིག་གི་བརྗོད་བྱ་ཡིན།།
སྙན་ངག་ཚན་པ་ཞིག་གི་ཡིད་བརྙན་ཡིན།།
གློག་བརྙན་ཡག་པོ་ཞིག་གི་གཏམ་རྒྱུད་ཡིན།།
སྟོན་མཇུག་འདྲ་བའི་ང་ཡི་ངག་བཅད་མ།།
2021/4/5ལ་བྲིས།
2021/4/18ལ་ལྷ་ལྡན་གྲོང་དུ་བཅོས།
དུས་ཚོད་རླུང་ལ་བཏབ་པའི་ངོ་གདོང་རེད།།
བར་ཐག་ཀྲིག་ཀྲིག་ཞེན་ཆགས་ཆེམ་ཆེམ་འོང་།།
རྣ་བ་འོན་པ་རེད་དམ་ཅི་ཞིག་རེད།།
མིག་ཟུང་གཡོ་ཐབས་མ་བྱུང་ཐག་རིང་བྱེར།།
སྐད་ཆ་ཡོད་ཚད་ཁ་བའི་ནང་དུ་ནུབ།།
མཚན་ལ་ཁྱོད་རང་ཉལ་ཐ་བཞིན་དུ་འཐེན།།
སྐར་མའི་གོང་བ་གཡུག་ཞོར་རྒྱང་ལ་བལྟ།།
སྙན་ངག་ལན་གསུམ་བྲིས་ནས་ལན་གསུམ་བསུབས།།
གོམ་པ་གང་གིས་ཅིས་ཀྱང་འཕྲད་ན་བསམས།།
ལག་པ་གཅིག་གི་རྒྱབ་ཏུ་བར་སྣང་བཟོ།།
སྒོ་མོ་འབྱེད་མཁན་མེད་པ་ཆ་མ་འཚལ།།
སྤྲིན་གྱི་གཅིན་པ་ཤག་ཤག་མཚོ་རུ་བསྐྱིལ།།
གད་སྙིགས་ནང་དུ་སྡུག་བསྔལ་བླུགས་པར་བྱས།།
འབྲི་ཤོག་དུ་མ་ཚིག་མཛོད་གསེབ་ཏུ་བོར།།
མཆུ་ཏོ་བཅད་པའི་ཁྱིམ་གཞིས་ཡོད་པར་ཤོག།།
དྲ་བ་དྲ་ཕྱེད་ཀློང་ན་རྫ་མ་ཆག།།
དྲན་པ་ཆག་རོ་རེ་རེ་བཟོ་བར་བྱ།།
སྐུད་པའི་སྲིབ་ཏུ་འཛིངས་པའི་སེམས་པ་ཉིད།།
བར་སྣང་བྲུས་པའི་ཁང་པ་ནག་པོ་ཡིན།།
དབྱར་ཟླ་བཞི་པ་གདུག་རྩུབ་ཆེ་བ་ཨང་།།
ལྷིང་འཇགས་གོས་སུ་གྱོན་ན་ག་འདྲ་རེད།།
མུན་པ་ད་རུང་གཏན་ནས་གསལ་མ་བྱུང་།།
རི་མོ་དཀར་སེར་དམར་གསུམ་ངོ་རུ་འཚུབ།།
ཆར་པ་དྭངས་རྗེས་རྨི་ལམ་གསལ་བར་ཤོག།།
སྟོན་མཇུག་འདྲ་བའི་ང་ཡི་ངག་བཅད་མ།།
མེ་ལོང་ནང་དུ་ནགས་ཚལ་པར་དུ་བཏབ།།
སྨུག་པའི་ཟོལ་གྱིས་བརྙན་མིག་ནང་ལ་བལྟས།།
རི་རྩེ་ཤིག་ཤིག་ཕར་ཕར་ངང་ནས་ཆས།།
ལག་རས་ཤིག་གིས་འཁྲུལ་སྣང་བཏུམས་པར་བྱས།།
རྨི་ལམ་ནག་པོའི་གྲོང་ཁྱེར་སིམ་སིམ་འགུལ།།
གད་སྙིགས་མང་པོས་ཡན་ལག་ཡོད་ཚད་བཟུང་།།
ཕྱེད་ཀ་གཉིས་སུ་འཐོར་བའི་ཆག་གྲུམ་རེ།།
ང་ཡི་གཙང་འགྲམ་མཐའ་རུ་བྲུགས་ནས་བྱུང་།།
ཕྱི་ནས་བལྟས་ན་ཆར་ནག་འབབ་ཙམ་རེད།།
མགོ་བོ་དགྱེ་དགྱེ་བྱས་ནས་ལགས་སོ་ཞུ།།
ཚིལ་དྲེག་གཏན་ནས་འདག་ཐབས་མེད་པ་ཅི།།
སྒེའུ་ཁུང་ཕྱི་རུ་མཛེས་སྡུག་མང་པོ་བྲིས།།
གྲིབ་མ་རེ་རེ་ཚོས་གཞི་ཀློང་དུ་ཟགས།།
ད་རུང་མུན་ནག་འཆར་བ་ཅི་ཞིག་བྱ།།
དབྱར་ཁ་དེ་འདྲ་རིང་བ་རྫོགས་པར་འཚལ།།
མཚན་མོའི་མཐའ་རུ་མཚན་མོ་གྲངས་མེད་མཐུད།།
རང་གིས་རང་ལ་ཧ་རེ་བཏབ་དང་འདྲ།།
གཅིག་པུར་ཁེར་རྐྱང་ཡང་ཡང་འཐག་དུས་སུ།།
ཁྱོད་ནི་ཆ་རྒྱུས་མེད་པའི་སང་ཉིན་ཡིན།།
ཟླ་འོད་མལ་དུ་བཏིང་བའི་མཚན་མོ་ཡིན།།
ཕྱི་མིག་ཆེམ་ཆེམ་ཀློང་གི་ཕྱི་དྲོ་ཡིན།།
སྒྲུང་རིང་ཆེན་མོ་ཞིག་གི་བརྗོད་བྱ་ཡིན།།
སྙན་ངག་ཚན་པ་ཞིག་གི་ཡིད་བརྙན་ཡིན།།
གློག་བརྙན་ཡག་པོ་ཞིག་གི་གཏམ་རྒྱུད་ཡིན།།
སྟོན་མཇུག་འདྲ་བའི་ང་ཡི་ངག་བཅད་མ།།
2021/4/5ལ་བྲིས།
2021/4/18ལ་ལྷ་ལྡན་གྲོང་དུ་བཅོས།
✋热门推荐