དྲུག་པ། ནང་པའི་གཞུང་ལུགས་ཞིབ་འཇུག་རང་བཞིན་གྱིས་འཆད་ཐུབ་པ།
སྤྱིར་ན་སློབ་ཁྲིད་གང་ཡིན་ཡང་སློབ་མའི་རྒྱུད་ཚོད་དང་བསྟུན་ནས་རྒྱས་བསྡུས་གང་ལ་གང་འཚམ་བྱ་རྒྱུ་ནི་ཤིན་ཏུ་གལ་ཆེ་ཡང་། ཞིབ་འཇུག་རང་བཞིན་གྱི་རིག་གཞུང་སློབ་ཁྲིད་ཚན་ལྡན་ཞིག་བྱེད་པར་བཤད་བྱའི་གཞུང་ལུགས་ལ་ངེས་ཆ་ཡོད་པ་ཙམ་ཞིག་དང་། ཚིག་གི་སྣེ་མོ་གང་ས་ནས་རྩོད་པ་ཚ་པོ་རེ་རྒྱག་ཐུབ་པ་ཙམ་གྱིས་མི་ཆོག་པར། དེ་འབྲེལ་གྱི་ལོ་རྒྱུས་དང་། རྩོམ་པ་པོ་གཞན་གྱི་ཞིབ་འཇུག་གི་དཔྱད་འབྲས། རིག་གཞུང་གི་འཕེལ་རིམ་སོགས་མང་པོ་ཞིག་ལ་དོ་སྣང་མ་བྱས་ཚེ། གཞུང་ལུགས་གང་དེའི་ཚིག་དོན་གོང་འོག་ཙམ་ཞིག་ལ་འགལ་འདུ་ཇི་ཙམ་བསྒྲིགས་ཀྱང་། གཞུང་དོན་རྣལ་མ་ཞིག་གོ་བ་ཧ་ཅང་དཀའ་ཞིང་། དེ་ལྟ་བུའི་འཆད་ཁྲིད་བྱེད་ཐབས་ཀྱིས་གཞུང་ལུགས་ཤིག་ལ་ལོ་བརྒྱ་འཆད་ཉན་བྱས་ཀྱང་ཡར་སྐྱེད་འགྲོ་རྒྱུ་ཤིན་ཏུ་དཀའ། དེར་མ་ཟད། ཇི་ཙམ་འབད་ཀྱང་གླེང་རིན་ཡོད་པའི་དཔྱད་དོན་ཞིག་གཟུར་གནས་མཁས་པ་དག་གི་སྤྱར་སྔ་རུ་དགྲམ་ཐུབ་རྒྱུ་མི་སྲིད་པ་ལྟ་བུར་ཆགས་ཡོད། དཔེར་ན་བོད་ཀྱི་ཆོས་གྲྭ་ཁག་ཏུ་རང་རང་གི་ཡིག་ཆར་ལོ་ངོ་བརྒྱ་སྟོང་མང་པོར་འཆད་རྩོད་བྱས་ཀྱང་། རྒྱལ་སྤྱིའི་ནང་བསྟན་ཞིབ་འཇུག་ལ་ལེགས་སྐྱེས་ཆེན་པོ་གང་ཡང་འབུལ་ཐུབ་མེད་ཅིང་། ཐ་ན། བོད་བརྒྱུད་ནང་བསྟན་གྱི་གཞུང་འགྲེལ་ག་གེ་མོ་ཞིག་ལའང་ཞིབ་ཚགས་ཀྱི་དཔྱད་པ་བྱས་ཏེ། ཀུན་གྱི་གཟིགས་མོ་རུ་འགྲེམ་ཆོག་པའི་དཔྱད་འབྲས་ཀྱི་དཔེ་དེབ་ཅིག་ཀྱང་ཤིན་ཏུ་དཀོན་པ་ནི། ང་ཚོའི་སློབ་གཉེར་བྱེད་སྟངས་དང་སློབ་ཁྲིད་བྱེད་ཐབས་ལ་འབྲེལ་བ་དམ་ཟབ་ཡོད་པ་སྨོས་མེད་རེད། འགའ་ཤས་ཀྱི་ང་ཚོའི་སློབ་གཉེར་གྱི་དམིགས་ཡུལ་རང་རྒྱུད་འདུལ་ཆེད་དུ་ཡིན་པ་ལས་གཞུང་དོན་ཞིབ་འཇུག་གི་ཆེད་དུ་མིན་ཞེས་འུད་བརྗོད་བྱ་སྲིད་ཀྱང་། དོན་དངོས་ཐོག་ད་བར་རང་རང་གི་ཡིག་ཆ་ལ་མཁྲེགས་འཛིན་བྱས་ནས་དེ་ཉིད་ཁོ་ནར་བྱང་ཆ་ཕུད། བློ་འཛིན་བྱས། རྩོད་པ་བརྒྱབ། ཐ་ན། རྒྱ་བོད་ཀྱི་ཡིག་ཆ་ཚད་ལྡན་ཚང་མ་དེ་དག་གི་སྒྲོམ་དུ་བཅུག་ཨེ་ཐུབ་ལ་དེ་ཙམ་འབད་ཡོད་པའང་། ཉམས་ལེན་འབའ་ཞིག་གི་ཆེད་དུ་ཡིན་མིན་གསལ་པོ་ཞེ་དྲག་མ་ཡིན་ནམ།
གང་ལྟར་ཡང་ནང་བསྟན་རིག་གཞུང་གི་འཆད་རྩོད་རྩོམ་པའི་དབྱར་རྔ་ལྡིར་ལྡིར་དུ་འཁོར་སའི་བོད་ཡུལ་ཆོས་ལྡན་གྱི་ཞིང་ས་ནི། དཔལ་ནཱ་ལེནྡྲའི་ཆོས་བརྒྱུད་དྲི་མ་མེད་པ་དར་རྒྱས་ཡུན་དུ་གནས་པའི་ས་ཆ་དང་། མདོ་སྔགས་གཞུང་ལུགས་ཐམས་ཅད་ལ་དྲི་མ་མེད་པའི་རིགས་ལམ་གྱིས་བརྡར་ཤ་གཅོད་སའི་ནང་བསྟན་གྱི་ཕ་ས་ཞིག་ཡིན་ཞེས་གཞན་ཡུལ་དུ་བསྒྲགས་ཤིང་རང་ཡུལ་ནས་ཇི་ཙམ་གླེངས་ཀྱང་། རྒྱལ་སྤྱིའི་ནང་བསྟན་ཞིབ་འཇུག་གི་ཐབས་ལམ་དག་སྣང་མེད་དུ་གཡུགས། ཁོ་ཚོས་ཕྲ་ཞིབ་ཀྱི་རིག་པས་ལོ་མང་དཔྱད་དེ་བྲིས་པའི་རྩོམ་ཡིག་དག་ལ་མིག་ཟུར་ཙམ་ཡང་མ་བལྟས། སྡེ་པ་གཞན་དང་སྐད་ཡིག་གཞན་གྱི་ཆོས་གཞུང་དག་ལའང་བློ་ཁ་མ་ཕྱོགས་ཚེ། ནམ་ཞིག་བོད་ཀྱི་དགེ་བཤེས་མཁན་པོར་བསྙད་པ་དག་ནི་ལུང་ཁུག་གི་གད་རྒྱངས་ཅན་ཙམ་ཞིག་དང་། དེ་དག་གིས་བཤད་པའི་གཏམ་དང་བྲིས་པའི་དཔྱད་རྩོམ་དག་ནི་ཕྱོགས་རེའི་ཀུ་ཅོ་ཙམ་ཞིག་ཏུ་མི་འགྱུར་བའི་ངེས་པ་མི་འདུག་ཅིང་། དེ་དུས་ང་ཚོས་རང་བསྟོད་བྱས་པའི་གཏམ་དེ་དག་ནི་རང་གི་ངོ་གདོང་ཚ་མོ་ཆགས་བྱེད་དུ་འགྱུར་སྲིད་ཅིང་། རྒྱལ་སྤྱིའི་ནང་བསྟན་བགྲོ་གླེང་ཞིག་ཚུགས་པའི་ཚེ་ཡང་ང་ཚོ་བོད་ཀྱི་རིགས་པ་སྨྲ་བ་དག་ཕྱི་གླིང་པ་དག་གིས་ཅི་བཤད་ལ་མི་ཉན་རང་ཉན་གྱི་དུས་སྐབས་ཤིག་ཀྱང་ཤར་དང་འཆར་བཞིན་ཡོད་ཚོད་འདུག་པས། ང་ཚོའི་བོད་ཀྱི་ནང་བསྟན་གཞུང་ལུགས་སྨྲ་བ་དག་གིས་དོན་དེ་ལ་བསམ་གཞིགས་མི་བྱེད་ཀ་མེད་ཡིན་ཞིང་། ཞིབ་འཇུག་རང་བཞིན་གྱི་ནང་བསྟན་འཆད་ཉན་ཞིག་གནང་རྒྱུ་ཡང་དུས་སུ་བབ་པའི་བྱ་བ་ཞིག་མ་ཡིན་ནམ།
རྒྱལ་དབང་ཀརྨ་པ་ནི་ཏག་ཏག་དོན་ཆེན་དེ་ལ་དགོངས་ཚོར་ཟབ་མོ་བྱུང་ནས། བོད་ཀྱི་སྐད་ཡིག་གི་ལམ་ནས་ནང་བསྟན་ཞིབ་འཇུག་རང་བཞིན་གྱིས་གཞི་རྒྱ་ཆེ་བའི་འཆད་ཁྲིད་གནང་མཁན་གྱི་བོད་ཀྱི་བླ་ཆེན་ཐོག་མ་དང་། གྲྭ་པ་ཐོག་མ། བོད་མི་ཐོག་མ་དེ་ཆགས་ཡོད་ཅིང་། ཁོང་གིས་སྐད་ཡིག་གཞན་དུ་ཡོད་པའི་ནང་པའི་གཞུང་ལུགས་དང་། རྒྱལ་ཁབ་གཞན་དག་གི་ནང་བསྟན་ཞིབ་འཇུག་གི་དཔྱད་འབྲས་སོགས་ལ་གཟིགས་ཞིབ་ནན་པོ་གནང་སྟེ། སྔོན་མེད་ཀྱི་ལེགས་བཤད་གསར་པ་མང་པོས་ཕྱུག་པའི་འཆད་ཁྲིད་ཇི་ཙམ་གནང་ཡོད་མེད་ཀུན་ཀྱིས་མཐོང་གསལ་ལྟར་ལགས།
དེར་མ་ཟད། ཁོང་གིས་དུས་དང་དུས་སུ་"ང་ཚོའི་བོད་ཀྱི་གྲྭ་བཙུན་དག་སྲོལ་རྒྱུན་གྱི་འཆད་ཉན་བྱེད་སྟངས་ཙམ་ཞིག་ལ་མགོ་འཁོར་ནས་ཁྲོན་པའི་སྦལ་བའི་བརྟུལ་ཞུགས་མ་བཟུང་བར། སྐད་རིགས་སྣ་མང་ལ་བསླབས། ཤེས་བྱ་སྣ་མང་ལ་སྦྱངས། མི་རིགས་གཞན་གྱི་སྐད་ཡིག་ཏུ་བཞུགས་པའི་ནང་པའི་གཞུང་ལུགས་ཁག་ལའང་ཐོས་བསམ་བྱས། རྒྱལ་སྤྱིའི་ནང་བསྟན་ཞིབ་འཇུག་པ་དག་གི་དཔྱད་འབྲས་ལའང་གཟིགས་ཏེ། རང་རང་གི་བློ་གྲོས་ཀྱི་ཁོ་ལག་རྫོགས་པར་བྱས་ནས་ཐོས་པའི་གྲུབ་དོན་གསར་པ་གསར་པས་གཞན་གྱི་ལོག་རྟོག་སེལ་ནུས་ཤིང་། རང་གི་བསྟན་པ་སྤེལ་ཐུབ་མཁན་ཏེ། འཛམ་གླིང་ཡོངས་གྲགས་ཀྱིས་ཁས་ལེན་ཐུབ་པའི་བོད་ཀྱི་ནང་བསྟན་གཞུང་ལུགས་སྨྲ་བ་རེ་བསྐྱེད་བསྲིང་ཐུབ་རྒྱུ་ཡང་ཤིན་ཏུ་གལ་ཆེ་བར་ཡང་ཡང་གསུང་གླེང་མཛད་ཀྱིན་འདུག་པས། ང་ཚོས་རང་རང་གི་ཆོས་བརྒྱུད་ཀྱི་ཞེན་ཁོག་གིས་མིག་བཙུམས། སྲོལ་རྒྱུན་གྱི་གཞུང་ཁྲིད་ཙམ་གྱིས་ཡིད་ཚིམས་ཏེ། རྩ་ཆེའི་དགོངས་གཞི་དེ་དག་སྣང་མེད་དུ་མ་བཏང་བར་ཆེ་ཆུང་ཀུན་གྱིས་ཐུགས་སྣང་མཛད་རྒྱུ་ཡང་ཧ་ཅང་གལ་ཆེ་བར་སྙམ།
སྤྱིར་ན་སློབ་ཁྲིད་གང་ཡིན་ཡང་སློབ་མའི་རྒྱུད་ཚོད་དང་བསྟུན་ནས་རྒྱས་བསྡུས་གང་ལ་གང་འཚམ་བྱ་རྒྱུ་ནི་ཤིན་ཏུ་གལ་ཆེ་ཡང་། ཞིབ་འཇུག་རང་བཞིན་གྱི་རིག་གཞུང་སློབ་ཁྲིད་ཚན་ལྡན་ཞིག་བྱེད་པར་བཤད་བྱའི་གཞུང་ལུགས་ལ་ངེས་ཆ་ཡོད་པ་ཙམ་ཞིག་དང་། ཚིག་གི་སྣེ་མོ་གང་ས་ནས་རྩོད་པ་ཚ་པོ་རེ་རྒྱག་ཐུབ་པ་ཙམ་གྱིས་མི་ཆོག་པར། དེ་འབྲེལ་གྱི་ལོ་རྒྱུས་དང་། རྩོམ་པ་པོ་གཞན་གྱི་ཞིབ་འཇུག་གི་དཔྱད་འབྲས། རིག་གཞུང་གི་འཕེལ་རིམ་སོགས་མང་པོ་ཞིག་ལ་དོ་སྣང་མ་བྱས་ཚེ། གཞུང་ལུགས་གང་དེའི་ཚིག་དོན་གོང་འོག་ཙམ་ཞིག་ལ་འགལ་འདུ་ཇི་ཙམ་བསྒྲིགས་ཀྱང་། གཞུང་དོན་རྣལ་མ་ཞིག་གོ་བ་ཧ་ཅང་དཀའ་ཞིང་། དེ་ལྟ་བུའི་འཆད་ཁྲིད་བྱེད་ཐབས་ཀྱིས་གཞུང་ལུགས་ཤིག་ལ་ལོ་བརྒྱ་འཆད་ཉན་བྱས་ཀྱང་ཡར་སྐྱེད་འགྲོ་རྒྱུ་ཤིན་ཏུ་དཀའ། དེར་མ་ཟད། ཇི་ཙམ་འབད་ཀྱང་གླེང་རིན་ཡོད་པའི་དཔྱད་དོན་ཞིག་གཟུར་གནས་མཁས་པ་དག་གི་སྤྱར་སྔ་རུ་དགྲམ་ཐུབ་རྒྱུ་མི་སྲིད་པ་ལྟ་བུར་ཆགས་ཡོད། དཔེར་ན་བོད་ཀྱི་ཆོས་གྲྭ་ཁག་ཏུ་རང་རང་གི་ཡིག་ཆར་ལོ་ངོ་བརྒྱ་སྟོང་མང་པོར་འཆད་རྩོད་བྱས་ཀྱང་། རྒྱལ་སྤྱིའི་ནང་བསྟན་ཞིབ་འཇུག་ལ་ལེགས་སྐྱེས་ཆེན་པོ་གང་ཡང་འབུལ་ཐུབ་མེད་ཅིང་། ཐ་ན། བོད་བརྒྱུད་ནང་བསྟན་གྱི་གཞུང་འགྲེལ་ག་གེ་མོ་ཞིག་ལའང་ཞིབ་ཚགས་ཀྱི་དཔྱད་པ་བྱས་ཏེ། ཀུན་གྱི་གཟིགས་མོ་རུ་འགྲེམ་ཆོག་པའི་དཔྱད་འབྲས་ཀྱི་དཔེ་དེབ་ཅིག་ཀྱང་ཤིན་ཏུ་དཀོན་པ་ནི། ང་ཚོའི་སློབ་གཉེར་བྱེད་སྟངས་དང་སློབ་ཁྲིད་བྱེད་ཐབས་ལ་འབྲེལ་བ་དམ་ཟབ་ཡོད་པ་སྨོས་མེད་རེད། འགའ་ཤས་ཀྱི་ང་ཚོའི་སློབ་གཉེར་གྱི་དམིགས་ཡུལ་རང་རྒྱུད་འདུལ་ཆེད་དུ་ཡིན་པ་ལས་གཞུང་དོན་ཞིབ་འཇུག་གི་ཆེད་དུ་མིན་ཞེས་འུད་བརྗོད་བྱ་སྲིད་ཀྱང་། དོན་དངོས་ཐོག་ད་བར་རང་རང་གི་ཡིག་ཆ་ལ་མཁྲེགས་འཛིན་བྱས་ནས་དེ་ཉིད་ཁོ་ནར་བྱང་ཆ་ཕུད། བློ་འཛིན་བྱས། རྩོད་པ་བརྒྱབ། ཐ་ན། རྒྱ་བོད་ཀྱི་ཡིག་ཆ་ཚད་ལྡན་ཚང་མ་དེ་དག་གི་སྒྲོམ་དུ་བཅུག་ཨེ་ཐུབ་ལ་དེ་ཙམ་འབད་ཡོད་པའང་། ཉམས་ལེན་འབའ་ཞིག་གི་ཆེད་དུ་ཡིན་མིན་གསལ་པོ་ཞེ་དྲག་མ་ཡིན་ནམ།
གང་ལྟར་ཡང་ནང་བསྟན་རིག་གཞུང་གི་འཆད་རྩོད་རྩོམ་པའི་དབྱར་རྔ་ལྡིར་ལྡིར་དུ་འཁོར་སའི་བོད་ཡུལ་ཆོས་ལྡན་གྱི་ཞིང་ས་ནི། དཔལ་ནཱ་ལེནྡྲའི་ཆོས་བརྒྱུད་དྲི་མ་མེད་པ་དར་རྒྱས་ཡུན་དུ་གནས་པའི་ས་ཆ་དང་། མདོ་སྔགས་གཞུང་ལུགས་ཐམས་ཅད་ལ་དྲི་མ་མེད་པའི་རིགས་ལམ་གྱིས་བརྡར་ཤ་གཅོད་སའི་ནང་བསྟན་གྱི་ཕ་ས་ཞིག་ཡིན་ཞེས་གཞན་ཡུལ་དུ་བསྒྲགས་ཤིང་རང་ཡུལ་ནས་ཇི་ཙམ་གླེངས་ཀྱང་། རྒྱལ་སྤྱིའི་ནང་བསྟན་ཞིབ་འཇུག་གི་ཐབས་ལམ་དག་སྣང་མེད་དུ་གཡུགས། ཁོ་ཚོས་ཕྲ་ཞིབ་ཀྱི་རིག་པས་ལོ་མང་དཔྱད་དེ་བྲིས་པའི་རྩོམ་ཡིག་དག་ལ་མིག་ཟུར་ཙམ་ཡང་མ་བལྟས། སྡེ་པ་གཞན་དང་སྐད་ཡིག་གཞན་གྱི་ཆོས་གཞུང་དག་ལའང་བློ་ཁ་མ་ཕྱོགས་ཚེ། ནམ་ཞིག་བོད་ཀྱི་དགེ་བཤེས་མཁན་པོར་བསྙད་པ་དག་ནི་ལུང་ཁུག་གི་གད་རྒྱངས་ཅན་ཙམ་ཞིག་དང་། དེ་དག་གིས་བཤད་པའི་གཏམ་དང་བྲིས་པའི་དཔྱད་རྩོམ་དག་ནི་ཕྱོགས་རེའི་ཀུ་ཅོ་ཙམ་ཞིག་ཏུ་མི་འགྱུར་བའི་ངེས་པ་མི་འདུག་ཅིང་། དེ་དུས་ང་ཚོས་རང་བསྟོད་བྱས་པའི་གཏམ་དེ་དག་ནི་རང་གི་ངོ་གདོང་ཚ་མོ་ཆགས་བྱེད་དུ་འགྱུར་སྲིད་ཅིང་། རྒྱལ་སྤྱིའི་ནང་བསྟན་བགྲོ་གླེང་ཞིག་ཚུགས་པའི་ཚེ་ཡང་ང་ཚོ་བོད་ཀྱི་རིགས་པ་སྨྲ་བ་དག་ཕྱི་གླིང་པ་དག་གིས་ཅི་བཤད་ལ་མི་ཉན་རང་ཉན་གྱི་དུས་སྐབས་ཤིག་ཀྱང་ཤར་དང་འཆར་བཞིན་ཡོད་ཚོད་འདུག་པས། ང་ཚོའི་བོད་ཀྱི་ནང་བསྟན་གཞུང་ལུགས་སྨྲ་བ་དག་གིས་དོན་དེ་ལ་བསམ་གཞིགས་མི་བྱེད་ཀ་མེད་ཡིན་ཞིང་། ཞིབ་འཇུག་རང་བཞིན་གྱི་ནང་བསྟན་འཆད་ཉན་ཞིག་གནང་རྒྱུ་ཡང་དུས་སུ་བབ་པའི་བྱ་བ་ཞིག་མ་ཡིན་ནམ།
རྒྱལ་དབང་ཀརྨ་པ་ནི་ཏག་ཏག་དོན་ཆེན་དེ་ལ་དགོངས་ཚོར་ཟབ་མོ་བྱུང་ནས། བོད་ཀྱི་སྐད་ཡིག་གི་ལམ་ནས་ནང་བསྟན་ཞིབ་འཇུག་རང་བཞིན་གྱིས་གཞི་རྒྱ་ཆེ་བའི་འཆད་ཁྲིད་གནང་མཁན་གྱི་བོད་ཀྱི་བླ་ཆེན་ཐོག་མ་དང་། གྲྭ་པ་ཐོག་མ། བོད་མི་ཐོག་མ་དེ་ཆགས་ཡོད་ཅིང་། ཁོང་གིས་སྐད་ཡིག་གཞན་དུ་ཡོད་པའི་ནང་པའི་གཞུང་ལུགས་དང་། རྒྱལ་ཁབ་གཞན་དག་གི་ནང་བསྟན་ཞིབ་འཇུག་གི་དཔྱད་འབྲས་སོགས་ལ་གཟིགས་ཞིབ་ནན་པོ་གནང་སྟེ། སྔོན་མེད་ཀྱི་ལེགས་བཤད་གསར་པ་མང་པོས་ཕྱུག་པའི་འཆད་ཁྲིད་ཇི་ཙམ་གནང་ཡོད་མེད་ཀུན་ཀྱིས་མཐོང་གསལ་ལྟར་ལགས།
དེར་མ་ཟད། ཁོང་གིས་དུས་དང་དུས་སུ་"ང་ཚོའི་བོད་ཀྱི་གྲྭ་བཙུན་དག་སྲོལ་རྒྱུན་གྱི་འཆད་ཉན་བྱེད་སྟངས་ཙམ་ཞིག་ལ་མགོ་འཁོར་ནས་ཁྲོན་པའི་སྦལ་བའི་བརྟུལ་ཞུགས་མ་བཟུང་བར། སྐད་རིགས་སྣ་མང་ལ་བསླབས། ཤེས་བྱ་སྣ་མང་ལ་སྦྱངས། མི་རིགས་གཞན་གྱི་སྐད་ཡིག་ཏུ་བཞུགས་པའི་ནང་པའི་གཞུང་ལུགས་ཁག་ལའང་ཐོས་བསམ་བྱས། རྒྱལ་སྤྱིའི་ནང་བསྟན་ཞིབ་འཇུག་པ་དག་གི་དཔྱད་འབྲས་ལའང་གཟིགས་ཏེ། རང་རང་གི་བློ་གྲོས་ཀྱི་ཁོ་ལག་རྫོགས་པར་བྱས་ནས་ཐོས་པའི་གྲུབ་དོན་གསར་པ་གསར་པས་གཞན་གྱི་ལོག་རྟོག་སེལ་ནུས་ཤིང་། རང་གི་བསྟན་པ་སྤེལ་ཐུབ་མཁན་ཏེ། འཛམ་གླིང་ཡོངས་གྲགས་ཀྱིས་ཁས་ལེན་ཐུབ་པའི་བོད་ཀྱི་ནང་བསྟན་གཞུང་ལུགས་སྨྲ་བ་རེ་བསྐྱེད་བསྲིང་ཐུབ་རྒྱུ་ཡང་ཤིན་ཏུ་གལ་ཆེ་བར་ཡང་ཡང་གསུང་གླེང་མཛད་ཀྱིན་འདུག་པས། ང་ཚོས་རང་རང་གི་ཆོས་བརྒྱུད་ཀྱི་ཞེན་ཁོག་གིས་མིག་བཙུམས། སྲོལ་རྒྱུན་གྱི་གཞུང་ཁྲིད་ཙམ་གྱིས་ཡིད་ཚིམས་ཏེ། རྩ་ཆེའི་དགོངས་གཞི་དེ་དག་སྣང་མེད་དུ་མ་བཏང་བར་ཆེ་ཆུང་ཀུན་གྱིས་ཐུགས་སྣང་མཛད་རྒྱུ་ཡང་ཧ་ཅང་གལ་ཆེ་བར་སྙམ།
རིག་འཛིན་འཇིགས་གླིང་པས།
ཁྱིམ་ལ་གནས་ཀྱང་ཡང་དག་བསྟན་ལ་དད། །
དཀོན་མཆོག་གསུམ་ལ་བླ་མར་བྱེད་པ་རྣམས། །
ཐེག་པ་ཆེན་པོའི་གདུལ་བྱ་ཉིད་ཀྱི་ཕྱིར། །
གཡེལ་བ་མེད་པའི་མེལ་ཙེ་སྲུང་སྐྱོབ་མཛོད། །
晋美林巴尊者:
身虽在家信正法,
恭敬皈依三宝众,
此乃大乘所化故,
祈请护法恒庇佑。 https://t.cn/z8A5LA3
ཁྱིམ་ལ་གནས་ཀྱང་ཡང་དག་བསྟན་ལ་དད། །
དཀོན་མཆོག་གསུམ་ལ་བླ་མར་བྱེད་པ་རྣམས། །
ཐེག་པ་ཆེན་པོའི་གདུལ་བྱ་ཉིད་ཀྱི་ཕྱིར། །
གཡེལ་བ་མེད་པའི་མེལ་ཙེ་སྲུང་སྐྱོབ་མཛོད། །
晋美林巴尊者:
身虽在家信正法,
恭敬皈依三宝众,
此乃大乘所化故,
祈请护法恒庇佑。 https://t.cn/z8A5LA3
ཐག་ཇེ་རིང་ནས་ཇེ་རིང་དུ་གྱུར་རྗེས
ངག་མི་སྨྲ་བའི་ཁེར་རྐྱང་ཟླ་བ་དེས
ཁྱེད་ཀྱི་གྲིབ་མ་མཐོང་ཐུབ་བམ་སྙམ
YZHཡི་སྐྱོ་གདུང་ཁྲོད་དུ་ལུས་པའི་སེམས་གཅོང་དེ
སྔར་བཞིན་ཁུ་སིམ་མེར་སྡོད་ཐབས་བྲལ།
ངག་མི་སྨྲ་བའི་ཁེར་རྐྱང་ཟླ་བ་དེས
ཁྱེད་ཀྱི་གྲིབ་མ་མཐོང་ཐུབ་བམ་སྙམ
YZHཡི་སྐྱོ་གདུང་ཁྲོད་དུ་ལུས་པའི་སེམས་གཅོང་དེ
སྔར་བཞིན་ཁུ་སིམ་མེར་སྡོད་ཐབས་བྲལ།
✋热门推荐