འབྲོམ་ཆུས་དཀྱུས་ནས་བཅད་པའི་ས་སྐྱ་དགོན་གྱི་ཆོས་སྡེ་ལྷོ་བྱང་ལས། ཆོས་སྡེ་བྱང་ནི་འཕགས་པའི་དུས་སུ་སེ་ཆེན་ཆ་བུ་དཔོན་ཆེན་དང་བཅས་པའི་རིང་ལ་སྤྲུལ་པའི་ལྷ་ཁང་ཆེན་མོ་རྒྱ་ཆེར་བཞེངས་ནས་ད་ལྟའི་བར་གནས། (པར་1/2/3/4/5)

འོན་ཀྱང་། སྔོན་མའི་ཆོས་སྡེ་བྱང(པར་6)དང་ད་ལྟའི་ཆོས་སྡེ་བྱང་གི་འཛུགས་བསྐྲུན་གྱི་བཀོད་པ(པར་7/8/9/10)གཉིས་བསྡུར་ན། ཆོས་སྡེ་བྱང་ནི་ག་དུས་ཙམ་ལ་རྐྱེན་ཅི་བྱུང་གིས་བཤུལ་མེད་དུ་གནས་ལ། ཡིག་ཚངས་དུ་བྱུང་བའི་དཔལ་ས་སྐྱའི་གཙུག་ལག་ཁང་ནི་ཆོས་སྡེ་བྱང་དུ་འདོད་པས། དངོས་དོན་ས་དཔང་ཤོང་གསུམ་སོགས་ཀྱི་ལོ་ཙཱ་བགྱིད་སའི་ས་སྐྱའི་གཙུག་ལག་ཁང་ནི་དགོན་ཆེན་འདིའི་བྱེ་བྲག་གི་ལྷ་ཁང་ཅིག་གམ། ཡང་ན་ད་ལྟའི་བྱང་ངོས་ཀྱི་དགོན་སྡེ་ལ་གོ གོ་ན་ལོ་ཙཱའི་གླིང་གསུམ་པ་ངོ་མ་དེ་ཡང་ཕལ་ཆེར་འཇིགས་ཚར། དཔལ་ས་སྐྱའི་གཙུག་ལག་ཁང་ཞེས་པའི་མིང་འདིའི་དོན་དངོས་ཀྱི་གོ་བྱེད་དང་བསྟན་དོན། ཁྱབ་ཡུལ་གྱི་ཆ་བཅས་ནི་ད་རུང་བློ་གཟུ་བོས་དཔྱད་པར་ལུས།

ད་ལོའི་<<མི་རིགས་ཀྱི་རྩོམ་རིག>>་དེབ་ལྔ་བའི་ངོས་ན་སྔོན་གྱི་ཆར། དྲ་དེབ་ཚགས་གསུམ་གང་རུང་དུ་སྤེལ་མྱོང་ཡེ་མེད་པའི་སྒྲུང་ཁམས་དྭངས་གཅིག་དང་། སྙན་ངག་ལེགས་གྲས་གཅིག་འདུག སྔ་མ་ནི་སྒར་བ་ཚེ་བཀྲས་བརྩམས་ཤིང་། ཕྱི་མ་ནི་ནག་པོས་བྲིས་པའི་སྙན་ངག་ཅིག་གོ། རྩོམ་ལ་ནན་ཏུར་ངང་འཇུག་མཁན་ཚོས། ཀློག་གི་དུས་ཚོད་བཙལ་ནས་བཀླག་རོགས། [咖啡] https://t.cn/R08xaRT

དེང་སྐབས་དྲྭ་བའི་དུས་རབས་ཆགས་ཡོད་སྟབས། སོ་སོས་དངོས་སུ་དཔེ་ཀློག་བྱ་མ་ཐུབ་ཀྱང་། འགྲོ་ཞོར་འདུག་ཞོར་དུ་རྣ་ཉན་བཙུགས་ཏེ། གཞན་གྱིས་དྲྭ་སྒང་ན་ཀློག་འགྲེལ་བྱས་བཞག་ཡོད་པའི་དེབ་རྩ་ཆེན་མང་བོ་གང་འདོད་འདོད་ཉན་ཆོག་པའི་ཆ་རྐྱེན་ཕུན་སུམ་ཚོགས་པ་འཛོམས་འདུག་པས། དེ་ནི་འུ་ཅག་ལ་མཚོན་ན་ཤིན་ཏུ་སྟབས་བདེ་བའི་སློབ་གཉེར་གྱི་གོ་སྐབས་ཤིག་དང་། འཛམ་གླིང་ཤར་ནུབ་ཀུན་གྱི་ཤེས་རིག་གི་འཇིག་རྟེན་ལ་འཚོལ་རྟོག་བྱ་སའི་སྒེའུ་ཁུང་ལྟ་བུ་ཞིག་ཀྱང་ཆགས་འདུག ལན་རེར་གྲགས་སྐད་ཆེ་བའི་མཁས་པ་ཚད་ལྡན་མང་བོས་ཀློག་འགྲེལ་བྱས་ཡོད་པའི་དེབ་ཅིག་ལ་ཉན་པ་དེས། རང་ཉིད་ཀྱིས་དངོས་སུ་ཀློག་པ་ལས་ཀྱང་དེབ་གང་དེའི་དངོས་ཤུགས་ཀྱི་བསྟན་དོན་ཡོད་ཚད་གཏིང་ཟབ་རང་བཞིན་གྱིས་གོ་ཐུབ་པའི་ཕན་རླབས་ཀྱང་ཆེན་པོ་འབྱུང་ལ། ཁ་ཟས་གཡོ་སྐོལ་བྱེད་པའི་བར་གླགས་རེ་རེ་ནས། ཤིན་ཏུ་གྲགས་སྐད་ཆེ་བའི་དེབ་རེ་རེའི་ཀློག་འགྲེལ་ཆ་ཚང་རེར་ཉན་ཐུབ་པས། བཟང་བཏུང་གཡོ་སྐོལ་གྱི་དུས་ཚོད་དེ་ནི། དཔེ་ཀློག་གི་དུས་ཚོད་ཅིག་ཏུ་བསྒྱུར་ཆོག་པ་དེ་ཡང་། ཇི་འདྲའི་དགའ་འོས་ལ། ཇི་འདྲའི་དོན་སྙིང་ཆེ་བ་ཞིག་གོ།། འོན་ཀྱང་འདོད་རྔམ་ཆེ་དྲག་ནས་སྔོན་ཆད་ཉན་མ་མྱོང་བའི་དེབ་གསར་ཤོས་དག་གི་ཀློག་འགྲེལ་འབའ་ཞིག་ལ་ཉན་རྒྱུར་བྲེལ་འགྲོ་བའི་གོམས་གཤིས་ཆགས་འདུག་ལ། དེས་ནི། སྔོན་ཉན་ཟིན་པའི་དེབ་ཅིག་ལ་ཡང་བསྐྱར་ཞིབ་ཏུ་ཉན་རྒྱུའི་ཡི་ག་ཡང་འགག་པར་བྱས་འགྲོ། དེ་ལྟར་སོང་ན། དེབ་ཇི་འདྲའི་མང་བོ་ཞིག་ལ་སློབ་གཉེར་བྱེད་ཁུལ་གྱི་བགྱི་བརྩམས་ཟིན་ནའང་། མཐར་ཐུག་དེབ་དག་གི་བརྗོད་དོན་གལ་ཆེ་བ་ཡོད་ཚད་བརྗེད་ངེས་ཀྱི་དབྱིངས་སུ་འཐིམ་ངེས་པའི་ཉེན་ཁ་ཡང་ཆེན་པོ་འདུག་པས། སླད་ཀྱི་ཆར་དེབ་ཀྱི་མང་ཉུང་གཙོ་བོ་མི་བྱེད་པར་རྩ་ཆེ་བའི་དེབ་དག་ལ་ཡང་དང་བསྐྱར་དུ་ཉན་ཏེ། དེབ་ལས་བྱུང་བའི་བསམ་བློ་རིན་ཐང་ཅན་དག་ནི་ཚེ་གང་གི་སེམས་ཀྱི་ལོངས་དང་མི་ཚེའི་ལམ་གྲོགས་སུ་འཁྱེར་ཐབས་སུ་ཅིས་ཀྱང་བརྩོན་དགོས་འདུག་གོ།།