འདིར་ཁྱེད་དྲྭ་གྲོགས་རྣམ་པར་དགའ་སྤོབས་དང་བཅས་ཏེ་འོས་སྦྱོར་ཞུ་རྒྱུ་ནི། བླ་མ་རིན་པོ་ཆེ་ཚུལ་ཁྲིམས་བློ་གྲོས་མཆོག་གི་བཀའ་དྲིན་བདག་རྐྱེན་ལ་བརྟེན་ནས་བྱུང་ཞིང་། ཨེ་འགོག་དཔའ་བོ་ཆོས་དཔལ་བཟང་པོ་སོགས་ཀྱི་དཀའ་སྤྱད་འབད་བརྩོན་ལ་བརྟེན་ནས་བདག་གཉེར་གནང་བཞིན་པའི་འཕྲིན་ཕྲན་བསྒྲིགས་རིམ་ཆུང་ངུ་ཀུན་ཕན་སྙིང་བརྩེ་（普利爱心）ཞེས་པ་འདི་ཡིན།
ཐོག་མར་གཤམ་དུ་འཁོད་པའི་ཚད་གཉིས་ཨང་ལ་གནོན་ནས་དོ་ཁུར་བྱེད་ཐུབ་ཅིང་དོ་ཁུར་ཐེངས་ཤིག་བྱས་རྗེས་འཕྲིན་ཕྲན་འཆར་ངོས་ཀྱི་གོང་རིམ་ན་འདུག་པས་འཚོལ་བདེ། ནང་གི་བརྙན་ལམ་དུ་བླ་མ་མཆོག་དང་གཞན་པའི་རྒྱ་བོད་ཀྱི་ཆེད་མཁས་པ་མང་པོས་གནང་བའི་ལུས་སེམས་འཕྲོད་བསྟེན་གྱི་སློབ་ཁྲིད་སྣ་མང་ཡོད་ལ། སྒྲ་ལམ་ན་ཐུམ་བུའི་ནད་དང་མཆིན་ཚད་ཁ་པ་སོགས་ང་ཚོ་བོད་མི་ལ་འབྲེལ་བ་ཆེ་བའི་འགོས་ནད་རིགས་ཀྱི་སྔོན་འགོག་དང་སྨན་བཅོས་ཤེས་བྱ་གཙོར་བྱས་པའི་འཕྲོད་བསྟེན་ཤེས་བྱ་སྣ་ཚོགས་དང་དྲིས་ལན་འདྲ་མིན། གཞན་འཕྲོད་བསྟེན་གྱི་དཔེ་ཆ་སྐོར་དང་། བར་བར་དུ་འཕྲོད་བསྟེན་ཤེས་བྱའི་ཐད་གཏོང་སོགས་ང་ཚོ་ཁ་པར་ནང་དུ་མགོ་འཁོར་ཞིང་དྲྭ་ལམ་དག་ན་ཐོགས་ནས་ཡོད་པའི་མི་ཚོར་ཕན་ཞིང་དགེ་བའི་ནང་དོན་ཕུན་སུམ་ཚོགས་པ་འདུག།
དེ་བས་ཚང་མས་སློབ་སྦྱོང་དང་དོ་སྣང་གནང་ན་རང་གི་ཚེ་ཅུང་ཇེ་རིང་དང་། ལུས་སེམས་སྔར་ལས་ཇེ་བདེ། ནད་བཅོས་སྨན་བསྟེན་གྱི་འགྲོ་སོང་དང་དཀའ་ངལ་སོགས་ཀྱང་ལྟོས་བཅས་ཀྱིས་ཉུང་འཕྲི་གཏོང་ཐུབ་ངེས་ཡིན་སྙམ།
ལྷག་ཏུ་ནད་ཡམས་ཀྱི་དཀའ་ངལ་དབང་གིས་ཁྱིམ་དང་སྨན་ཁང་སོགས་སུ་ཁུ་སིམ་མེར་འདུག་པའི་དུས་ཚོད་འདི་འདྲའི་ནང་འཆད་ཁྲིད་འདི་དག་ལ་ལྟ་ཉན་བྱེད་པ་ནི་གནས་སྐབས་སྐྱིད་ལ་མཐར་ཐུག་ཕན་པའི་གདམ་ག་ཡག་ཤོས་རེད་སྙམ།

གུས་བོད་ལྕེས་༢༢/༨/༣༡ལ་ལྷག་བསམ་དག་པས་ཕུལ།

གལ་ཏེ་ཁོ་བོ་ལྭ་བ་ཞིག་ཡིན་པའི་དབང་དུ་བཏང་ན་ནི།རྟག་ཏུ་གོས་སྒམ་གྱི་ནང་དུ་སྡོད་པར་འདོད་དེ།དེ་རུ་ཞི་འཇགས་དང་བདེ་སྐྱིད་ལྡན་ལ།གནོད་ཅིང་འཚེ་བའི་སྦྱོར་བ་ཅི་ཡང་མེད་པས་སོ།

པ་ར་སི་ཀས

གྲུབ་བརྙེས་གཙུག་རྒྱན་པཎ་ཆེན་ནཱ་རོ་པའི།།
གངས་ལ་ཉི་མ་ཤར་འདྲའི་རྣལ་འབྱོར་ཞེས།།
མཚན་ནས་བརྗོད་ཅིང་ཐལ་མོ་སྦྱར་བྱེད་པའི།།
སྐྱེས་བུ་ཆེན་པོ་དེ་ལ་གུས་ཕྱག་འཚལ།།