ཡོངས་ཀྱི་དགེ་བའི་བཤེས་གཉེན་ཆེན་མོ་འབྲས་བློ་གླིང་ལྷ་རམས་པ་ངག་དབང་སྐལ་བཟང་མཆོག་གི་ཀ་རྩོམ།
ཀ་དག་ཆོས་སྐུ་ཆེན་པོའི་ཀློང་ཡངས་ནས།།
ཁ་དོག་ཟེར་བརྒྱ་འོད་གུར་འཁྱིལ་བའི་དབུས།།
ག་ཚོད་མཇལ་ཡང་ངོམས་མེད་མཚན་དཔེའི་སྐུ།།
ང་ཅག་བསོད་ནམས་རྟེན་དུ་ལྷམ་པའི་གནས།།
ཅ་ཅོ་འདུ་འཛིན་དབེན་པའི་གནས་རྣམས་སུ།།
ཆ་ཤས་ཞག་ཟླ་བསགས་པའི་བགྲང་བྱ་དྲུག།།
ཇ་སོགས་ཟས་ལ་མ་བསྟེན་དཀའ་ཐུབ་ཀྱིས།།
ཉ་གང་ཟླ་ལ་རྫོགས་སངས་རྒྱས་པའི་གནས།།
ཏ་ལའི་བས་མཐའི་ནགས་ཀླུང་སྟུག་པོའི་གསེབ།།
ཐ་མའི་རྡོ་རྗེ་ལྟ་བུའི་ཏིང་འཛིན་མཐུས།།
ད་ལྟའང་ཞི་བདེ་སྣང་བ་སྦྱིན་ནོ་ཞེས།།
ན་ཚོད་རྒན་གཞོན་ཀུན་གྱིས་མཐུན་པར་གླེང་།།
པ་ཏྲ་རྡོ་ལས་བྱས་པའི་ར་སྐོར་དང་།།
ཕ་བོང་རྡོ་ལས་བསྐོས་པའི་རྡོ་རིང་གིས།།
བ་སོ་རིན་ཆེན་ཚོགས་ཀྱིས་བསྒྲུན་མེད་པའི།།
མ་གྷ་དྷ་ཡི་ཁྱད་འཕགས་ལོ་རྒྱུས་གསལ།།
ཙཀྲ་རིས་མང་བཀྲ་བའི་ཞབས་རྗེས་ཀྱིས།།
ཚ་ཟེར་འོད་ཀྱིས་དྲ་བས་ཡོངས་བསྐོར་བས།།
ཛ་ཡ་གཞོན་ནུའི་མཚན་དཔེ་སྤྲས་པའི་སྐུ།།
ཝ་ལེར་ཡིད་ལ་སྣང་བརྙན་འགོག་མེད་སྟེར།།
ཞྭ་དཀར་གྱོན་པའི་ཁ་ཆེ་རྒྱ་བོའི་དཔུང་།།
ཟ་ཟིང་གཏུམ་དྲག་ཅན་གྱི་དམག་ཚོགས་ཀྱིས།།
འ་ལེར་ནང་པའི་གནས་ཆེན་གཏོར་བཅོམ་ཀྱི།།
ཡ་མཚན་རྣམ་སྨིན་རྐང་ཆད་ལག་རྡུམ་མང་།།
ར་རྒན་གསེར་གྱིས་སྤྲས་པའི་ཏོག་མཛེས་ནང་།།
ལ་ལི་ཏ་དང་དཔལ་མགོན་ཀླུ་སྒྲུབ་ཀྱིས།།
ཤ་ཀྱའི་རྒྱལ་པོའི་རིང་བསྲིལ་མཆོད་པའི་རྟེན།།
ས་གསུམ་འགྲོ་བའི་ཞིང་མཆོག་བླ་ན་བསྐྲུན།།
ཧ་ཅང་ཉམས་རྒུད་ཇི་སྙེད་བྱུང་བའི་ཁྲོད།།
ཨ་ཤོ་ཀ་དང་དྷརྨ་ཏ་ལ་སོགས།།
ཧ་ལས་དགོས་པའི་སྐྱེས་ཆེན་འདི་དག་གིས།།
ཨ་ཧོ་བསོད་ནམས་རྟེན་མཆོག་བགྱིས་འདི་རྨད།།
གནས་མཆོག་རྡོ་གདན་གྱི་མཆོད་རྟེན་རིན་པོ་ཆེ་མཇལ་བ་དང་ནང་རྟེན་ཐུབ་དབང་སྣང་བརྙན་གཟི་བརྗིད་ཅན་གྱི་སྐུ་དྲུང་དང་སྐོར་ལམ་དུ་ཚོར་སྣང་ངོ་མ་འགའ་ཞིག་ཀ་བཤད་ཀྱི་ལམ་ནས་་༢༠༡༨ཕྱི་ཟླ་༢ པའི་ཚེས་༣ ཉིན་གྷ་ཡ་ནས་པ་ཊ་ནའི་གནམ་ཐང་དུ་བསྐྱོད་པའི་མེ་འཁོར་འཚང་ཁའི་ཁང་ཆུང་ནང་བསུབ་བྲིས་སུ་བགྱི་པོ་རིགས་པ་སྨྲ་བའི་གྲལ་མཐར་སྙེགས་པ་གྲགས་པ་ངག་དབང་སྐལ་བཟང་མིང་ཅན་ནོ།།
ཀ་དག་ཆོས་སྐུ་ཆེན་པོའི་ཀློང་ཡངས་ནས།།
ཁ་དོག་ཟེར་བརྒྱ་འོད་གུར་འཁྱིལ་བའི་དབུས།།
ག་ཚོད་མཇལ་ཡང་ངོམས་མེད་མཚན་དཔེའི་སྐུ།།
ང་ཅག་བསོད་ནམས་རྟེན་དུ་ལྷམ་པའི་གནས།།
ཅ་ཅོ་འདུ་འཛིན་དབེན་པའི་གནས་རྣམས་སུ།།
ཆ་ཤས་ཞག་ཟླ་བསགས་པའི་བགྲང་བྱ་དྲུག།།
ཇ་སོགས་ཟས་ལ་མ་བསྟེན་དཀའ་ཐུབ་ཀྱིས།།
ཉ་གང་ཟླ་ལ་རྫོགས་སངས་རྒྱས་པའི་གནས།།
ཏ་ལའི་བས་མཐའི་ནགས་ཀླུང་སྟུག་པོའི་གསེབ།།
ཐ་མའི་རྡོ་རྗེ་ལྟ་བུའི་ཏིང་འཛིན་མཐུས།།
ད་ལྟའང་ཞི་བདེ་སྣང་བ་སྦྱིན་ནོ་ཞེས།།
ན་ཚོད་རྒན་གཞོན་ཀུན་གྱིས་མཐུན་པར་གླེང་།།
པ་ཏྲ་རྡོ་ལས་བྱས་པའི་ར་སྐོར་དང་།།
ཕ་བོང་རྡོ་ལས་བསྐོས་པའི་རྡོ་རིང་གིས།།
བ་སོ་རིན་ཆེན་ཚོགས་ཀྱིས་བསྒྲུན་མེད་པའི།།
མ་གྷ་དྷ་ཡི་ཁྱད་འཕགས་ལོ་རྒྱུས་གསལ།།
ཙཀྲ་རིས་མང་བཀྲ་བའི་ཞབས་རྗེས་ཀྱིས།།
ཚ་ཟེར་འོད་ཀྱིས་དྲ་བས་ཡོངས་བསྐོར་བས།།
ཛ་ཡ་གཞོན་ནུའི་མཚན་དཔེ་སྤྲས་པའི་སྐུ།།
ཝ་ལེར་ཡིད་ལ་སྣང་བརྙན་འགོག་མེད་སྟེར།།
ཞྭ་དཀར་གྱོན་པའི་ཁ་ཆེ་རྒྱ་བོའི་དཔུང་།།
ཟ་ཟིང་གཏུམ་དྲག་ཅན་གྱི་དམག་ཚོགས་ཀྱིས།།
འ་ལེར་ནང་པའི་གནས་ཆེན་གཏོར་བཅོམ་ཀྱི།།
ཡ་མཚན་རྣམ་སྨིན་རྐང་ཆད་ལག་རྡུམ་མང་།།
ར་རྒན་གསེར་གྱིས་སྤྲས་པའི་ཏོག་མཛེས་ནང་།།
ལ་ལི་ཏ་དང་དཔལ་མགོན་ཀླུ་སྒྲུབ་ཀྱིས།།
ཤ་ཀྱའི་རྒྱལ་པོའི་རིང་བསྲིལ་མཆོད་པའི་རྟེན།།
ས་གསུམ་འགྲོ་བའི་ཞིང་མཆོག་བླ་ན་བསྐྲུན།།
ཧ་ཅང་ཉམས་རྒུད་ཇི་སྙེད་བྱུང་བའི་ཁྲོད།།
ཨ་ཤོ་ཀ་དང་དྷརྨ་ཏ་ལ་སོགས།།
ཧ་ལས་དགོས་པའི་སྐྱེས་ཆེན་འདི་དག་གིས།།
ཨ་ཧོ་བསོད་ནམས་རྟེན་མཆོག་བགྱིས་འདི་རྨད།།
གནས་མཆོག་རྡོ་གདན་གྱི་མཆོད་རྟེན་རིན་པོ་ཆེ་མཇལ་བ་དང་ནང་རྟེན་ཐུབ་དབང་སྣང་བརྙན་གཟི་བརྗིད་ཅན་གྱི་སྐུ་དྲུང་དང་སྐོར་ལམ་དུ་ཚོར་སྣང་ངོ་མ་འགའ་ཞིག་ཀ་བཤད་ཀྱི་ལམ་ནས་་༢༠༡༨ཕྱི་ཟླ་༢ པའི་ཚེས་༣ ཉིན་གྷ་ཡ་ནས་པ་ཊ་ནའི་གནམ་ཐང་དུ་བསྐྱོད་པའི་མེ་འཁོར་འཚང་ཁའི་ཁང་ཆུང་ནང་བསུབ་བྲིས་སུ་བགྱི་པོ་རིགས་པ་སྨྲ་བའི་གྲལ་མཐར་སྙེགས་པ་གྲགས་པ་ངག་དབང་སྐལ་བཟང་མིང་ཅན་ནོ།།
བསམ་ཡས།
༡ ཤར་ཕྱོགས་མཁྱེན་རབ་འཇམ་དཔལ་གྱི་གླིང་།
༢ དེའི་གཡས་གཡོན་དུ་རྣམ་དག་ཁྲིམས་ཁང་གླིང་།
༣ བརྡ་སྦྱོར་ཚང་མང་གླིང་།
༤ ལྷོ་ཕྱོགས་སུ་ཨཱརྱ་པ་ལོའི་གླིང་།
༥ དེའི་གཡས་གཡོན་དུ་བདུད་འདུལ་སྔགས་པ་གླིང་།
༦ སྒྲ་སྒྱུར་གླིང་།
༧ ནུབ་ཕྱོགས་སུ་དགའ་ལྡན་བྱམས་པ་གླིང་།
༨ དེའི་གཡས་གཡོན་དུ་དཔའ་བོ་པེ་ཧར་གླིང་།
༩ མི་གཡོ་བསམ་གཏན་གླིང་།
༡༠ བྱང་ཕྱོགས་སུ་བྱང་ཆུབ་སེམས་བསྐྱེད་གླིང་།
༡༡ དེའི་གཡས་གཡོན་དུ་སྣ་ཚོགས་ལྕགས་དྲ་གླིང་།
༡༢ པེ་ཧར་དཀོར་མཛོད་གླིང་བཅས་སོ། །
༡ ཤར་ཕྱོགས་མཁྱེན་རབ་འཇམ་དཔལ་གྱི་གླིང་།
༢ དེའི་གཡས་གཡོན་དུ་རྣམ་དག་ཁྲིམས་ཁང་གླིང་།
༣ བརྡ་སྦྱོར་ཚང་མང་གླིང་།
༤ ལྷོ་ཕྱོགས་སུ་ཨཱརྱ་པ་ལོའི་གླིང་།
༥ དེའི་གཡས་གཡོན་དུ་བདུད་འདུལ་སྔགས་པ་གླིང་།
༦ སྒྲ་སྒྱུར་གླིང་།
༧ ནུབ་ཕྱོགས་སུ་དགའ་ལྡན་བྱམས་པ་གླིང་།
༨ དེའི་གཡས་གཡོན་དུ་དཔའ་བོ་པེ་ཧར་གླིང་།
༩ མི་གཡོ་བསམ་གཏན་གླིང་།
༡༠ བྱང་ཕྱོགས་སུ་བྱང་ཆུབ་སེམས་བསྐྱེད་གླིང་།
༡༡ དེའི་གཡས་གཡོན་དུ་སྣ་ཚོགས་ལྕགས་དྲ་གླིང་།
༡༢ པེ་ཧར་དཀོར་མཛོད་གླིང་བཅས་སོ། །
༢༠༡༨ལོའི་ཟླ་༥པའི་ཚེས་༣༠ཉིན། མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་དྲན་ཤེས་ལས་གཞིའི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་སྐབས་བརྒྱད་པའི་ཐོག བོད་ཀྱི་གསོ་རིག་སྨན་གཞུང་གྲགས་ཅན་༼རྒྱུད་བཞི་༽ཉིད་འཛམ་གླིང་དྲན་ཤེས་ཞེས་པའི་ཨེ་ཤ་ཡ་དང་ཞི་བདེ་རྒྱ་མཚོ་ཆེན་མོ་ས་ཁུལ་གྱི་མིང་ཐོའི་ཁྲོད་བདམས་འདུག
ཉེ་བའི་ལོའི་རིང་། བོད་ཀྱི་གསོ་རིག་འདི་ཉིད་རྒྱལ་སྤྱིའི་གར་སྟེགས་སུ་འཛེག་འགོ་ཚུགས་ཡོད་པ་དང་། ཐེངས་འདིར་༼རྒྱུད་བཞི་༽ཉིད་འཛམ་གླིང་དྲན་ཤེས་ཀྱི་མིང་ཐོའི་ནང་ཚུད་པ་ཡང་རྒྱལ་སྤྱིའི་སྤྱི་ཚོགས་ནས་བོད་ཀྱི་གསོ་རིག་ལ་སྔར་ལས་ལྷག་པའི་ཁས་ལེན་དང་གདེང་འཇོག་ཐོབ་པ་མཚོན་ཞིང་། འདིས་བོད་ཀྱི་གསོ་བ་རིག་པ་འཛམ་གླིང་དུ་ཁ་ཕྱོགས་པར་རྨང་གཞི་བརྟན་པོ་བཏིང་བ་དང་།གསོ་རིག་འདི་ཉིད་འཛིན་སྐྱོང་སྤེལ་གསུམ་བྱེད་པར་རྒྱལ་སྤྱིའི་གར་སྟེགས་བསྐྲུན་ཡོད།
འཛམ་གླིང་དྲན་ཤེས་ཟིན་ཐོ་རུ་བདམས་པའི་ཡིག་ཚགས་ཁག་ནི་འཛམ་གླིང་ཡོངས་ལ་མཚོན་ན་དོན་སྙིང་ངེས་ཅན་ལྡན་པ་ཤ་སྟག་ཡིན་ཞིང་། དེ་ནི་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་དྲན་ཤེས་ལས་གཞིའི་རྒྱལ་སྤྱིའི་འདྲི་གཅོད་ཨུ་ཡོན་ལྷན་ཁང་གིས་འདེམ་བཞིན་ཡོད། འཛམ་གླིང་དྲན་ཤེས་ཀྱི་ཡིག་ཚགས་ལས་གཞི་ནི་འཛམ་གླིང་གི་ཤུལ་བཞག་རིག་གནས་སྲུང་སྐྱོང་ལས་གཞིའི་རྒྱུད་མཐུད་ལས་གཞི་ལྟ་བུ་ཡིན་ལ། དེའི་ནང་དུ་རྟེན་མཛོད་ཁང་དང་ཡིག་ཚགས་ཁང་།དཔེ་མཛོད་ཁང་སོགས་རིག་གནས་ལས་རིགས་ཚན་པས་ཉར་ཚགས་བྱས་པའི་རིན་ཐང་བྲལ་བའི་ཡིག་ཚགས་དང་།ལག་བྲིས་ཡིག་ཆ། ངག་རྒྱུན་གྱི་ལོ་རྒྱུས་ཟིན་ཐོ་སོགས་གནའ་བོའི་ཡིག་ཚགས་རྩ་ཆེན་སོགས་འདུའོ།།
ཉེ་བའི་ལོའི་རིང་། བོད་ཀྱི་གསོ་རིག་འདི་ཉིད་རྒྱལ་སྤྱིའི་གར་སྟེགས་སུ་འཛེག་འགོ་ཚུགས་ཡོད་པ་དང་། ཐེངས་འདིར་༼རྒྱུད་བཞི་༽ཉིད་འཛམ་གླིང་དྲན་ཤེས་ཀྱི་མིང་ཐོའི་ནང་ཚུད་པ་ཡང་རྒྱལ་སྤྱིའི་སྤྱི་ཚོགས་ནས་བོད་ཀྱི་གསོ་རིག་ལ་སྔར་ལས་ལྷག་པའི་ཁས་ལེན་དང་གདེང་འཇོག་ཐོབ་པ་མཚོན་ཞིང་། འདིས་བོད་ཀྱི་གསོ་བ་རིག་པ་འཛམ་གླིང་དུ་ཁ་ཕྱོགས་པར་རྨང་གཞི་བརྟན་པོ་བཏིང་བ་དང་།གསོ་རིག་འདི་ཉིད་འཛིན་སྐྱོང་སྤེལ་གསུམ་བྱེད་པར་རྒྱལ་སྤྱིའི་གར་སྟེགས་བསྐྲུན་ཡོད།
འཛམ་གླིང་དྲན་ཤེས་ཟིན་ཐོ་རུ་བདམས་པའི་ཡིག་ཚགས་ཁག་ནི་འཛམ་གླིང་ཡོངས་ལ་མཚོན་ན་དོན་སྙིང་ངེས་ཅན་ལྡན་པ་ཤ་སྟག་ཡིན་ཞིང་། དེ་ནི་མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་འཛམ་གླིང་དྲན་ཤེས་ལས་གཞིའི་རྒྱལ་སྤྱིའི་འདྲི་གཅོད་ཨུ་ཡོན་ལྷན་ཁང་གིས་འདེམ་བཞིན་ཡོད། འཛམ་གླིང་དྲན་ཤེས་ཀྱི་ཡིག་ཚགས་ལས་གཞི་ནི་འཛམ་གླིང་གི་ཤུལ་བཞག་རིག་གནས་སྲུང་སྐྱོང་ལས་གཞིའི་རྒྱུད་མཐུད་ལས་གཞི་ལྟ་བུ་ཡིན་ལ། དེའི་ནང་དུ་རྟེན་མཛོད་ཁང་དང་ཡིག་ཚགས་ཁང་།དཔེ་མཛོད་ཁང་སོགས་རིག་གནས་ལས་རིགས་ཚན་པས་ཉར་ཚགས་བྱས་པའི་རིན་ཐང་བྲལ་བའི་ཡིག་ཚགས་དང་།ལག་བྲིས་ཡིག་ཆ། ངག་རྒྱུན་གྱི་ལོ་རྒྱུས་ཟིན་ཐོ་སོགས་གནའ་བོའི་ཡིག་ཚགས་རྩ་ཆེན་སོགས་འདུའོ།།
✋热门推荐