[蘋果日報] 【男士們學嘢】蔡少芬操財政大權 張晉冧老婆絕招係…

女人，幾時都要冧要o氹，無論嗰個係令壽堂、女友、老婆定寶貝女，身為一名男士，點都有呢啲經歷。

冧女方法有好多種，送禮、甜言蜜語、玩驚喜乜都好，無論係邊種，最重要係work！如果未諗到今日用邊款，可以參考下張晉嘅做法。

張晉今日同老婆蔡少芬（Ada）今日以代言人身份，現身上水為新店剪綵，吸引大批途人圍觀，令店舖外塞滿人。提到連續幾年擔任代言人，Ada自封為「旺旺」，因為代言品牌都做到上市，問到是否旺埋老公上市？張晉笑住話：「上街市。」

Ada指旺到老公到荷李活拍戲。問到代言酬勞係咪每年增加，張晉毫不知情，Ada笑指掌管財政大權絕不容易，當自己管得好，老公才越安心搵錢，張晉即叫太太為管家婆。
財政全歸太太，問到張晉每日獲分發多少零用錢？Ada搶答：「我個人好好，佢都有私己。」張晉聞言即反問：「係咩？」Ada面對老公嘅反應便咋嬌話：「大家覺得我好強，似操控狂，其實我係小鳥依人。」張晉就指學武之人，如果明知有啲人打唔過就唔打，o氹得Ada哈哈大笑。

有傳Ada擁不少物業，佢否認此事，並坦言並非咬金鎖匙出世，所以唔會亂洗錢，花錢只投資保值物品上，例如老公生日收嘅手錶一樣能升值，這才是積穀防饑之道，張晉再投金句指「咁唔發達都難」。

見到張晉兩公婆不停放閃，張晉話感激太太兼顧屋企同工作，Ada即爆老公日前做了件令佢感動嘅事，因為老公過去一年差不多全年在外拍戲，今次返港送上一張親手寫嘅卡，呢份心意比珠寶更好，張晉話：「我知道呢年佢好辛苦，所以我將大半年感受寫低俾佢，亦知道佢鍾意收起。」咁鬼恩愛，連佢哋兩個女都鍾意整蠱父母，每逢見佢哋拖手就拆散。

巴打們，有冇從中學到兩吓散手？#張晉# #澳至尊#

b仔同太公一齐贺中秋，之后爸b妈咪带b仔去赏灯，都唔知几多年无去过文化宫咯，好多人呢，b仔最近学识“哇～”表达佢嘅惊讶，系文化宫奔走在人群中，仲指住d灯发出“哇哇”声，又唔肯拖我哋只手，但其实b仔意不在灯，系可以周围走，当然爸b妈咪都意不在赏灯，就系陪b仔玩下影下相（虽然背晒光乜都影唔到），最后行咗廿分钟左右，无赏几个灯，b仔玩下吹泡泡就熄晒灯啦，10点回家再下半场[憧憬]
翻去洗碗执嘢，等b仔训咗一觉再同佢冲凉喂嘢，搞掂好晒再到我冲凉，然后哄睡，终于在b仔入睡后嘅深夜，可以同爸b撑个枱脚啦[害羞]不可缺少嘅炒螺，超级鲜甜嘅象拔蚌，甘香嘅大闸蟹…满足地睡觉去[心]

其实对于我来讲，中秋节只不过系一家人聚埋一齐食个宵夜、睇下个月光、吹下水、就系甘简单。其实一切都变左，再都唔同以前，以前行出街就会feel到浓浓既节日气氛，家下行出街乜都feel唔到，以前细细个会买好多灯笼好多荧光棒玩，绑到成手都系揸住个灯笼到处跑，家下？个个都摞住部手机就得了，唉，世界变、人又变、所有嘢都变紧，过节其实只系一种形式，社会越来越现实，节日已经无左当初既味道，或者、真的不重要了！最后祝大家中秋节快乐！人月两团圆！[月亮] https://t.cn/z8JZqRf