སེམས་པ་རང་བྱུང་གི་རྒྱལ་མོ།།
སྲེད་པའི་ཆུ་རྒྱུན་ལ་འཇུས་ཏེ།།
འཁོར་བའི་མགྲོན་པོ་རུ་ཕེབས་པ།།
ད་ལན་མ་གཏོགས་ཤིག་མ་ཤེས།།

མདོ་སྔགས་བསྟན་འཛིན[咖啡]

ཕ་མེས་པོའི་ཞུམ་མེད་སྙིང་སྟོབས་དེས།།
དགྲ་གཅན་གཟན་འཇིགས་པ་ཆེ་ན་ཡང་།།
ལམ་འཇིགས་འཕྲང་ཇི་ཙམ་རྩུབ་ན་འང།།
ཡུལ་དེ་རུ་བསྐྱོད་པའི་རྣམ་ཐར་དྲན།།

ཁོང་ལོ་ཙྭ་བཀའ་དྲིན་ཅན་པོ་རྣམས།།
གནས་དེ་རུ་སློབ་ལ་ཕེབས་པ་དང་།།
ཆོས་གླེགས་བམ་རྒྱབ་ཏུ་སྣོམ་མཁན་རྣམས།།
དུས་དེང་སང་ལྷག་ཏུ་ཁྱེད་ཅག་དྲན།།

མགོན་གྲུབ་ཐོབ་མང་བའི་གནས་དེ་རུ།།
རང་བོད་ཡུལ་གྲུབ་ཐོབ་རྣམ་པ་ཡིས།།
མིག་མཆི་མ་འཁྲུགས་ནས་དད་པའི་ངང་།།
ཆོས་གདམས་ངག་ཞུས་པའི་རྣམ་ཐར་དྲན།།

ལྗོངས་གཞན་གྱི་ཧྥ་ཤཱན་ཐང་སན་སོགས།།
སྲོག་འབེན་ལ་བཙུགས་ནས་གནས་དེ་རུ།།
ལུས་དཀའ་བ་སྤྱད་ནས་བསྐྱོད་པ་དེས།།
ཡིད་མོས་གུས་མི་འཕེལ་རང་འཕེལ་བྱུང་།།

གནའ་དཔལ་ཡོན་དར་སྔའི་ཡུལ་དེ་རུ།།
ཆོས་ལྟ་གྲུབ་སྣ་ཚོགས་ཆེས་ཆེར་དར།།
དུས་དེང་སང་ད་དུང་དེ་ཡི་རྒྱུན།།
ཡུལ་འཛམ་གླིང་ཀུན་ལ་དར་ཞིང་རྒྱས།།

ཡུལ་དེ་རུ་བྱུང་བའི་ལོ་རྒྱུས་ལ།།
མི་སུ་ཡིས་བལྟས་ན་སེམས་ནང་དུ།།
ཆེས་ངོ་མཚར་ཕྱུག་པའི་སེམས་ཚོར་ཞིག།
འབྱུང་ངེས་པའི་ཡིད་ཆེས་བདག་ལ་བྱུང་།།

འཇའ་ཚོན་གཉིས་ཀྱིས་རྒྱན་པའི་ཕོ་བྲང་པོ་ཏ་ལ་ཡིས་འགྲོ་བ་ཐམས་ཅད་སྡུག་བསྔལ་ལས་ཐར་བ་དང་འཛམ་གླིང་ཞི་བདེ་ཡོང་བའི་སྨོན་ལམ་འདེབས།

双彩虹衬托下下的布达拉宫，祈祷六道众生离苦得乐，世界和平！